الموضوع: عن الجيران واذى الجار (مشكلة كل يوم )

بدل معاه الشقه و خليك انت الى فوق

نفس المشكلة بعاني منها وغالبا هطنش وأتعايش مع الواقع لأني عارف مسبقا إن مفيش نتيجة وإني لو كلمته وطلع محترم هيبطل يوم أو اتنين وبعدين يرجع تاني زي ما هو وهكلمه تاني وهيقعد يوم بالكتير ويرجع تاني وبعدين هتنرفز عليه وهتحصل مشكلة ومش هيبقى في حل لأننا كدولة متخلفة مش زي أوروبا إن من حقي أطلب البوليس ويعمله محضر إزعاج وبالتالي مش هستفيد حاجة
أنا بعت جبت سدادات ودن من برة من ضمن شوية حاجات اشتريتها من أمازون علشان الموضوع ده ومفيش حل غير كده
وعلى فكرة أنا عندي ولدين صغيرين برده ولو لقيت حد منهم بيجري وبيدبدب في الشقة بيبقى يومه أسود لأني مقتنع إن ده أذى لجاري اللي تحت ومن غير ما يفكر يشتكي أساسا أنا مش بسمح للعيال تعمل كده وممكن لو تمادوا ومسمعوش الكلام يبقى في ضرب لأن ده حقه
لكن تقول لمين الكلام ده في دولة انقرضت فيها الأخلاق مثلما انقرضت الديناصورات !!!

انا بشكركم جميعاً لمشاركتى المشكلة وللعلم انا مش متجوز وعايش مع اسرتى والمشكلة مش بتضرنى انا لوحدى فى اعتبارات لناس كبيرة عايشين فى الشقة معايا والدى حتى كلمة والمفروض يعمل اعتبار لفرق السن هو لو والدة عايش تحتية كان حيعمل كدة ! ولو فعلاً فى ذوق كانو بطلو المشكلة يا جماعة ان الموضوع بقى متكرر وبشكل يومى يدايق فعلاً واحنا اتربينا بطريقة صحيحة مفيش حاجة اسمها الشقة جرى متواصل ولا دبدبة وعدم مراعاة الغير انا اولاد قرايبى بيجو مبخلهمش يجرو مع انهم ضيوف وقاعدين وقت قليل بس فى حاجة اسمها مراعاة الجار ومش معنى انى لازم اطلع اكلمهم كل يوم علشان يفهمو خاصة الوقت المبكر والجرى المتواصل والجيران هنا غير الناس دول فى حاجة اسمها اعتبار واحترام بمجرد ما بتقولهم هى المرة لاكن دول سبحان الله معرفش اية قلة الزوق دة ..ولو حعذر حد اسبوع اتنين مش حتتحملة سنة !