الفرش الجاهز

**wanted45** · 06-12-2013 12:50 AM

انا عايز اعمل فرش لعربيتى بس الميزانية قليله شويه فقلت اعمله جاهز وهجيبه من سبير كار بس كنت سمعت ان الجاهز بيهلك الفرش الاصلى للعربية فهل الكلام ده صح ولا لأ؟ وخصوصا نا العربية لسه زيرو وحرام ابوظ فرشها

**saddam** · 06-12-2013 08:25 AM

صديقي المواطن
جاهز عن جاهز بيفرق والنوع المحترم الفخم الشيك يبدأ من 350 وطبعا عند سبير كار حيقللك 500 وطالع هو هواه ومفيش حاجة إسمها يهلك الفرش اﻷصلي بشرط اللي ييجي يركب مش يحط الكلبسات الصاج بتاعت السروجية اللي عاملة زي حدوة الحصان ويثبتها بطريقة تقطع في أطراف فرشك القديم لازم التثبيتات كلها من الظهريات ومن أسفل الكراسي بعيدا عن الفرش اﻷصلي وحيحافظلك عالعربية وكل سنتين إرميه وهات غيره لكن الشنطة واﻷرضية أهم حاجة ولازم تعملهم واﻹثنين بحاجتهم مش حتكلفك 350 عند السروجي وفيه أنواع أقل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**abofandy** · 06-12-2013 07:39 PM

انا بخاف من الناس الى بتعمل فرش للارضية والشنطة دول في فك الكراسى
اغلبية الناس الى شوفتها فكت الكراسى مش بترجع لوضعها وبيقى فيه بعد تركيبها تزيقة او لخلخة في الكرسى وتعمل صوت ومن ساعتها وانا متعقد افك الكراسى سواء علشان اعملهم فرش او اعمل للارضية فرش
فهى اراء في الاول والاخر
بس الفرش الجاهز مهما كان اغلى احسن بكتير من انك تفك الكراسى من مكانها خصوصا ان العربية زيرو لسة

**احمد المصرى** · 22-04-2014 10:47 AM

سبير كار دا مكانه فين يا شباب

**gadoo30** · 22-04-2014 02:56 PM

لسة مركب فرش جلد على قطيفة وفرش ارضية فى سبير كار اللى فى التجمع وبصراحة الشغل الحمد لله كويس والاسعار كويسة وكان معايا العربيات دى بتركب فرش قبل ما ترخص
كيا كارينز خليجى زيرو
2 بيجو 301
1 توتوتا كورولا
ودول معلقوش نمر لسة
وكان الجراج فية حوالى 14 عربية بتركب فرش فى نفس الوقت واللى يخلص يخرج ويدخل حد مكانة