الموضوع: بيجو 301 هاي لاين vs شارك 2014 الفئة الثانيه vs فلونس 2014 الفئة الاولي

نفس حيرتك حتى الآن

عندك ف الفئه دى تويوتا 2013 الشكل القديم خليجى زيرو و فيها برضه Abs + Airbags
بقالى اسبوعين بأدخل هنا حوالى 5 ساعات يوميا !!!

اللى وصلت ليه من رد الاعضاء المحترميين هنا

البيجو حجم العربيه أفضل حجم بالنسبه لى 4.4 متر مقارنه بفلوانس 4.6 و كورولا 4.5 العرض البيجو أقلهم ب 1.74 متر و الكورولا 1.78 و الفلوانس 1.8

التكييف التويوتا رقم 1 و الاتنين التانيين لسه محدش جربهم كتير ( بس فى مشكله ذكرت أكتر من مره ان السحب مع التكييف ف البيجو بيتأثر شويه) و يقال ان الكمبروسور بتاع التكييف ف الاتنين يابانى

معامله التوكيل الرينو أفضلهم و البيجو أسوأهم و التويوتا وسط بين الاتنين

العزل بعض التعليقات بتقول ان العزل متوسط ف البيجو و أعتقد انه جيد ف الرينو و الكورولا

الشكل الخارجى عمليه أذواق بس إحكم لما تشوف على الطبيعه رأيى البيجو أفضلهم و التويوتا أسوأهم

الماتور و الفتيس اشتكى الكثير من الاعضاء من نتشه بين الاول و التانى ف البيجو

نظام ال CVT اللى بالفلوانس افضلهم و هو هو اللى ف الكورولا الشكل الجديده

العفشه ناعمه ف الكورولا و الفلوانس و متوسطه ف البيجو

وسع الكنبه الخلفيه الفلوانس و بعدين البيجو و بعدين الكورولا

الشنطه الفلوانس و البيجو واسعين جدا ( بس ما أعرفش التويوتا)

العلو عن الأرض كلهم عاليين يعنى مفيش خوف من المطبات ( بس الفلوانس اعلاهم)

الفلوانس فيها مثبت و محدد سرعه اساسى البيجو بيركب ب 800 ج ف التوكيل و الكورولا ما اعرفش فيها ولا لأ

الأماكن الداخليه للتخزين ف الابواب و حوامل الاكواب و كده الكورولا و الفلوانس كويسين و البيجو لأ

التابلوه الفلوانس عداد سرعه ديجيتال بس رأيى ان البيجو أحلى تابلوه بسيط و شيك

البجو فيها حساس ركن مش موجود ف الرينو و ما أعرفش الكورولا

البيجو و الرينو فيهم بلوتوث

البيجو و الرينو فيهم طى للكنبه الخلفيه

الثبات على السرعات العاليه ( ميزه مش فارقه معايا) الفلوانس الناس بيشكروا ف النقطه دى كتير

انا نفس ظروفك بسافر كتير و على الزراعى يعنى مطبات و نقر و اسفلت زفت
فكنت عاوز عربيه عاليه عن المطبات و فيها امان و عزل كويس للصوت و روائح العادم و كانت اللانسر ف المقارنه ف الاول معايا بس مش فاكر استبعدتها نهائيا ليه ( كان بسبب كلام الناس هنا بس مش فاكر اذا كان بسبب العفشه ناشفه ف الموديل الجديد و لا انه بقى ينزل منها فئه واحده فقط مفيش فيها ايرباج مش فاكر السبب بالظبط)

على فكره التيدا الجديده كمالياتها كويسه جدا و ب 160 بس انا مش عاوز هاتشبالك علشان بحتاج الشنطه تكون واسعه ف السفر

حتى الآن رأيى بنسبه 90 % فلوانس 10 % البيجو أو التويوتا

و ربنا يوفقك للخير و شوف مرتاح لإيه فيهم و اعمل استخاره و توكل على الله

شكرا جزيلا xname2004

حتة التوكيل الخليجي دي موش عارف بصراحة ايه نظامها من ناحيه ضمانها هايكون ازاي ومع مين وتكلفته ايه ...أنا مستبعده حتي الان ..ماعنديش معلومات كافيه عنه

ولكن أعتقد حضرتك استبعدت لانسر البوما 2014 لاني دي الوحيدة اللي نازله بفئة واحدة من غير ABS ومزدوة بـAir Bag واحدة فقط وشكلها قديم من 2007 تقريبا بالاضافة سعرها المبالغ فيه 131 و دلوقتي بقت 138 موش عارف علي ايه ... بس لانسر الشارك حاجة تانية شكلا و امكانيات...أتمني رأي اصحاب الشارك 2013

ولكن اختيارك منظقي في الفلونس عن للبيجو 301

الشنطه فى الرينو اوسع
الرينو 530
البيجو 506


طبعا البيجو فيها جنوط و تكييف تاتش و هتوفر 20 الف وده مبلغ مش بسيط

لأ انا استبعدت البوما من قبل ما ابدأ المقارنه لأن شكلها قديم جدا
لكن انا بتكلم على الشارك كان فى حاجه من دول مش فاكرها العفشه ناشفه او العزل مش كويس او مفيش ايرباج حاجه زى كده ( كان فى موضوع بيتكلم عن كده و اللى انا فاكره ان مفيش من الشارك غير فئه واحده فقط ف السوق على حسب كلام الناس هنا )

شكرا جزيلا لــ george yousef

البيجو شكلها محترم الحقيقة ولكن شنطتها اقل من الفلونس ...انا شوفت الاتنين في الواقع وحسيت بكده ..الفلونس عمق الشنطة كبير جدا عن البيجو

معجب بالبيجو فعلا ولكن حته الاوفر برايس أو استني 3 شهور عشان اجيبها بسعرها الرسمي و انها لسه جديدة في السوق شايفها مخاطرة

بالنسبة لارتفاع موش متأكد من معلومه البيجو اعلي ( علي الاقل مثلا اعلي عن الفلونس ) ولكن هحاول اعمل search ولكن لو عند حضرتك بيانات عن الارتفاع يبقي كتر الف خيرك

عوامل الامان وجهة نظري تكاد تكوت متقاربه الا لو كان عند حضرتك اي بيانات عن اختبارات التصادم لـ 3 موديلات والبيجو كانت اعلاهم ...

بالنسبة للتقفيل فعلا من مصنع في اسبانيا. بس هو تقفيل الشارك موش ياباني و الفلونس موش فرنسي ولا حاجة تانية ؟

الفلوانس تركى و الشارك معرفش

مش هتلاقى اختبار للأمن للبيجو علشان هى مش مصممه للنزول ف أوربا

بالنسبه للإرتفاع الاتنين كويسين