رادياتير التمبرا

**M_selim** · 08-12-2013 10:11 AM

محتاج مساعدة من الاخوة في المنتدى , الرادياتير عندي بيسرب مياه و لحمته مرة من 5 سنوات و مرة تانية من سنة و نصف و دلوقتي رجع يسرب مياه مرة ثالثة , انا عايو أغيره خاصة انه بتاع الفابريكة من سنة 1997 يعني بقاله 16 سنة , دلوقتي انا سألت عند يوسف الجديد الصيني ب 300 جنيه و طبعا سئ جدا و الاصلي فيات لانشيا عند يوسف ب 950 جنيه لي سؤالين :

العربية فيات تمبرا موديل 1997

1 - الاستيراد لو حالته كويسة يعمل قد ايه و أزاي أعرف أنه حالته كويسة مش اشتريه و بعدين يسرب مياه ؟؟؟؟

2 - محتاج ورشة كويسة في الهرم او فيصل لتركيب الرادياتير حد يعرف واحد كويس ؟؟؟؟

شكرا لكم مقدما

**M_selim** · 09-12-2013 08:33 AM

طب حد يعرف ورشة كويسة للرادياتير في الهرم أو فيصل ؟؟؟؟؟

**hamahomo** · 11-12-2013 12:23 AM

انا جربت واحد في شارع المرور في بين السريات على ايدك الشمال وانت داخل الشارع من ناحية الجامعة مش فاكر اسمة اية بس اسئل على الشيخ عادل الميكانيكى هو قبلة علطول (هو جنب محل كاوتش) اعتقد مفيش غيرة في الشارع الرئيسي

**M_selim** · 11-12-2013 08:26 AM

شكرا يا أخ هماهومو على الرد انا اشتريت امبارح رادياتير فيات لانشيا أصلي زي بتاع الفابريكة اللي في العربية بالضبط و اشتريته من الكيلاني ب 750 جنيه , أنا خفت من الصيني رغم انه أقل من نصف الثمن
( 350 جنيه ) و الاستيراد ب 400 جنيه لكن خفت يجيب مياه بعد فترة فجبت الفيات الاصلي و لكن أنا عندي فكرة طالما جبت الجديد مش ممكن الميكانيكي يركبه و خلاص مش مستاهلة واحد بتاعة رادياتيرات ؟؟؟؟

**hamahomo** · 13-12-2013 01:06 AM

لا داعي للشكر احنا هنا عشان نساعد بعض
الردياتير اللي عندي كان مركبة الميكانيكي اللي بتعامل معاة عشان كان جديد اما عشان الحمة روحت للورشة اللي في شارع المرور بس انا الردياتير بتاعي الجديد الصيني ب200 جنية وانت جايب اصلي ب750 جنية فياريت حد من قسم الفيات يفيدك