الموضوع: السوزوكي سويفت و لا الهيونداي اكسيل - أرجو المساعدة من أهل الخبرة

السلام عليكم يا اخواني

أرجو المساعدة من اهل الخبرة

أنا عايز اشتيري عربية مستعملة و محتار اجيب سوزوكي سويفت و لا أجيب هيونداي اكسيل

و كنت عايز اعرف مميزات و عيوب كل عربية و مقارنة وافية بينهم

مثلا :

1- قطع الغيار مدي توافرها و اسعارها
2- توفر الصنايعية اللي بيفهموا في العربية ( أنا من المنصورة )
3- استهلاك البنزين و هل الاتنين بكاربتير فممكن احطلهم بنزين 80 خصوصا اني سمعت ان بعض موديلات الاكسيل انجكشن و مش عارف الكلام ده صح و لا لأ
4- مدي الثبات علي الطريق علي سرعات فوق المية و لحد 120 و طبعا كده حلو قوي لأن أكتر من كده بعربية من دو يبقي بهجص و بضحك علي نفسي
5- مدي قوة العفشة في الشوارع و الحواري اللي زي الزفت دي اللي في مصر اللي تهد حتي الـ 4x4
6- التكييف باع مين احسن و مين اللي مش بيقلل قوي من عزم العربية
7- الصاج بتاع مين اقوي لان الواحد مش هيسلم من الحمير اللي هيخبطوه حتي و وهو راكن
8- وسع الصالون من الداخل
9- خفة الدركسيون في العربيتين الاتنين ( متعلم سواقه علي لادا و معايا فيات 125 أصيلة بس مطلعه عين أهلي )
10- كل عربية موديلاتها من سنة كام لسنة كلم و هل فيه اختلاف في الشكل او الاوبشنز بين موديل كل سنة و لا لأ
11- سعر العربية عند اعادة البيع علي افتراض ان العربية هتفضل بحالتها
12- متوسط سعر كل عربية و خصوصا العربيات اللي حالتها نضيفة و مش هتحتاج يتصرف عليها في الاول ( لدواعي الكسل و الشغل بقي )

و شكرا

السعر يا جماعه لوسمحتم