إلى رجال الاسكندرية

**علاء سليمان** · 08-12-2013 11:11 AM

محتاج سمكري و بويجي في اسكندرية او مركز زي نايل موتورز كدة يكون ثقة و امان بس في اسكندرية عندي 4 خبطات في اماكن مختلفة شالوا البوية و الشتا دخل و خايف من الصدأ و البرومة ... و الوقت صعب اوووي فعايز حد نظيف اروحلة يخلص الموضوع بس مش عارف حد في اسكندرية .... اتمنى المساعدة و جزاكم الله خيرااااااا و اسف على الاطالة

**علاء سليمان** · 09-12-2013 11:45 AM

متابع

**georgedada82** · 10-12-2013 05:03 AM

متابع ومنتظر رد ياريت استاذ كريم يرشح لنا حد يكون هو يعرفه ويعرف شغله ويكون كل حاجة بتخلص من مكان واحد مش روح حل عند بتاع ببان وحل مش عارف ايه لا واحد بيعمل كل حاجة ويخلصنا ويكون نضيف وثقة في اسكندرية
ولو حد من الاعضاء ليه تجربة يقولنا برضو

**علاء سليمان** · 10-12-2013 12:48 PM

اة و الله يا باشا .. لو استاذ كريم يرشح حد يبقى تمام اوووي لأننا بنثق فية جداااا وطمعانين في كرم اخلاقة انة يدلنا على حد و ياريت لو كل الاسكندرانية يدخلوا و اهو نفيد بعض في الموضوع دة ...

**Dr.Karim Emam** · 10-12-2013 01:11 PM

فيه واحد اتعاملت معاه قبل كده في سيدي جابر
لما تكون ماشي في شارع ابو قير و تعدي المحطه في اتجاه رشدي هتلاقي على يمينك الكشك بتاع فطير مشلتت البحيرة, هتدخل الشارع اليمين ده و تسأل على سمكري اسمه أيمن, هو شعره فاتح و عينيه خضره بس ماتخافش شغله كويس :)
أنا جربته مره واحده بس كان بيردلي حاجات على البارد