الموضوع: كام تكاليف سمكرة عربية لادا

العربية لادا فيها الأتى :

1. بارومة فى الأرضيات الأمامية .
2. تغيير عتبتبين .
3. تظبيط أبواب .
4. حرقها بالكامل .
5. دق العربية عشان فيها خبطات .
6. الصنايعى بيقولى فى زراجين كتييرة ودة على عهدتة انها محتاجة زرجينة قدام وأتنين ورا وأنتم أدرى .
7. مش عارف بس هايعمل الكارتيرات والحاجات ألى فيها الباقية .

تتكلف كام . وأذاى هأعرف الصنايعى النظيف ولو أتفقنا بعد ردكم ومعرفة الأسعار أذاى أتابع معاه وأعرف أنه بيشتغل كويس فى العربية وسليم لأنى بصراحة ما أفضلش أبيعها كدة لأنى مش عاوز أنى أدوق غيرى ألى دوقتة من النصاب ألى باعلى العربية وما عندوش ضمير والحمد لله هما كتيييييييير جدا النصابيين فى هذا الزمن بدون أى خلاف طبعا .

المشاركة الأصلية كتبت بواسطة saddam

صديقي المواطن
قولا واحدا.وعن تجارب مع مئات الأسطوات وليس عشرات بيعها على كده والمثل بيقللك عينك ميزانك واللي شاري حيشتري على كده ولا تغش ولا تعمل حاجة في اﻵخر اللي حتصرفه مع البهدلة في متابعة اﻷسطوات وكذبهم حيخليك تقول لو كنت بعتها كده أرحملي وأرخصلي وكمان مش حيعلى على سعرها ما يوازي الذي تصرفه عليها ومصر مليانه حتلاقي حد يقول لك 800 جنيه مصنعية وحد حيوافق ب 1500 جنيه ولكن قولا واحدا أي أسطة حيطلب أقل من 3 آلاف في الشغل ده فحيطلع شغل تجاري أي كلام وطبعا معتقدش ال لادا تستحق تصرف عليها مبالغ زي دي والنصيحة بيعها زي ما هي وإشتري صحتك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا أخى صدام على نصائحك المتكررة ولكنى لا أريد أن أكون مثل النصاب الحرامى الذى قام ببيعها لى ولا أخفيك سرا فأنا ليس معى ما أكمل به عليها لأنه أكيد هاتنزل فى السعر عن ما تم شرائها .
ولأن التعلم مش ببلاش فأنا قررت أنى أئنيها وعلى فكرة دى أخر حاجة هاعملها فى العربية لأنى غيرت فيها كل حادجة .
ولأن ألى باعلى ما عندوش ضمير ونصاب وهو فالح بس يكون مشرف فى منتديات بخبرتة ومعلوماتة ألى ما كنتش فى عربيتة لكن هو أنسان ما عندوش ضمير فأنا بشكرة أنى علمنى كتيير أول شىء أنى ما أمنش لحد عشان شكلة أو ظروفة أو حتى قسمة بأولادة لأنة تعامل معايا بالقانون الوضعى وليس القانون الألهى بالبلدى أنت شوفت الحاجة وعاينتها أنا ماليش دعوة ما ضربتكش على أيديك دة مبدئة نصااااااااااااااااااب كبييير جدا .
الحاجة التانية أنى أتعلمت كتييير جدا فى الميكانيكا الخاصة بالسيارة خاصة وفى العام .
الحاجة التالة أنى عرفت ناس كتيير محترمة مثل حضرتك فى هذا المنتددى المحترم حقا لأن لاقيت فى ههذا المنتدى العدل بجد والحرامى مالوش مكان غير المنتدى الذى خو عليه فبيس كلهم مثلة أنما يخافون على زعل بعضهم.
ما جتش على أخر حاجة مش مشكلة بس أنا محتاج رأيك فى الدهان دهان العربية هاتكون على الصاج تكلفنى كام واللون هايكون نبيتى ميتالك سامحنى على الأطالة .