تقسيط بيجو 301

**zmk4ever** · 09-12-2013 12:30 AM

السلام عليكم
.عايز نصيحة من اهل الخبرة .انا عايز اشترى بيجو 301 مانوال من التوكيل ومش معايا غير 75 الف وعايز اقسط الباقى على 3 سنين ( 75 هيبقوا جاهزين معايا يوم 1/3/2014) .وعايز اعرف اروح ادفع 10 الالاف الحجز دلوقتى بعد 3 شهور هكون معايا 65 الف الباقيين وساعتها اروح على بنك ولا اخلى البنك دلوقتى يحجزها وادفعله 10 الالاف الحجز واول ما تيجى ادفع الباقى للبنك وهو يدفع 98 الف الباقيين ويقسطلى الفرق؟؟ويا ترى ايه احسن بنك فى سهولة الاجراراءات واقل فائدة ممكنة ومن غير حظر بيع ولا تامين ..ويا ترى فيه تقسيط من التوكيل نفسه ولا لأ

**zmk4ever** · 09-12-2013 01:55 AM

متابع

**Ramy Hazem** · 09-12-2013 10:17 AM

اولا ادفع للتوكيل 10000 دفعه حجز
ثانيا هيكلموك عن وصول السيارة الميناء علشان تدفع الدفعة المقدمة وبحد ادني 25% من قيمة السيارة
ثالثا بعد ما تدفع المقدم هتشتغل علي البنك والحصول علي الموافقة منه
رابعا هيتصلو بيك لما السيارة توصل التوكيل ويقولولك تعالي استلم وكمل الباقي
خامسا هيكون عندك اختيارات
1- اما الاستلام الفوري والدفع كاش
2- اما تكون حصلت علي الموافقة من البنك وساعتها مندوب البنك بيجي ومعاه شيك يديه للتوكيل وتستلم
3- اما انك تكون لسة محصلتش علي الموافقة من البنك وبالتالي ممكن تنتظر شوية عقبال ما تستلم الموافقة وفي الحالة دي السيارة اتخصصتلك خلاص فلو تاخرت شوية " علي ما اتعقد وعلي حسب كلام بعض الاعضاء الي استلمو بعد فترة " هتلاقي السيارة مستنياك علشان تكمل مهرها
4- لو مش عايز اي تعامل مع البنك ممكن تتعامل مع شركة التقسيط التابعة للتوكيل

تحياتي

**Akram.Gamal** · 09-12-2013 03:33 PM

اولا مفيش حاجه اسمها تقسيط مع عدم وجود حظر بيع او تأمين (مستحيل)

ثانيا انا ممكن ارد عليك عندى شوية معلومات فى الموضوه ده
و لكن افضل انك تروح التوكيل و تسأل بنفسك و هما هناك هيفيدوك بكل حاجه و هيقولولك الاحسن ليك و الاحسن ليهم و انت تختار

**amrelsaqqa** · 09-12-2013 04:40 PM

وممكن قرض شخصى كأنك مش هتشتري عربية اصلا ، وتجيب العربية كاش من القرض

**Ramy Hazem** · 09-12-2013 04:59 PM

المشاركة الأصلية كتبت بواسطة akram.gamal

اولا مفيش حاجه اسمها تقسيط مع عدم وجود حظر بيع او تأمين (مستحيل)

ثانيا انا ممكن ارد عليك عندى شوية معلومات فى الموضوه ده
و لكن افضل انك تروح التوكيل و تسأل بنفسك و هما هناك هيفيدوك بكل حاجه و هيقولولك الاحسن ليك و الاحسن ليهم و انت تختار

مفيش مستحيل ياباشا
في البنك الاهلي المصري ممكن تقسط معاه بس يكون عندك شهادات وتاخد القرض بنسبة 90% منه ومده القرض هي نفس مده الشهادات , بمعني لو الشهادات فاضل منها سنتين يبقي مده القرض سنتين و بالاضافة الي ان سعر الفائدة 7% تقريبا مع عدم وجود حظر بيع او طلب لتامين

**Hema_Basha** · 09-12-2013 06:49 PM

المشاركة الأصلية كتبت بواسطة ramy hazem

مفيش مستحيل ياباشا
في البنك الاهلي المصري ممكن تقسط معاه بس يكون عندك شهادات وتاخد القرض بنسبة 90% منه ومده القرض هي نفس مده الشهادات , بمعني لو الشهادات فاضل منها سنتين يبقي مده القرض سنتين و بالاضافة الي ان سعر الفائدة 7% تقريبا مع عدم وجود حظر بيع او طلب لتامين

الله يفتح عليك ده اللي كنت عاوز اقوله بالظبط علشان انا عامل كده بس البنك الوطني للتنمية

**abohend** · 09-12-2013 06:50 PM

المشاركة الأصلية كتبت بواسطة akram.gamal

اولا مفيش حاجه اسمها تقسيط مع عدم وجود حظر بيع او تأمين (مستحيل)

ثانيا انا ممكن ارد عليك عندى شوية معلومات فى الموضوه ده
و لكن افضل انك تروح التوكيل و تسأل بنفسك و هما هناك هيفيدوك بكل حاجه و هيقولولك الاحسن ليك و الاحسن ليهم و انت تختار

لا يا أكرم باشا
في حد بيقسط من غير حظر و لا تأمين
عبد اللطيف جميل

**abohend** · 09-12-2013 08:18 PM

المشاركة الأصلية كتبت بواسطة ramy hazem

مفيش مستحيل ياباشا
في البنك الاهلي المصري ممكن تقسط معاه بس يكون عندك شهادات وتاخد القرض بنسبة 90% منه ومده القرض هي نفس مده الشهادات , بمعني لو الشهادات فاضل منها سنتين يبقي مده القرض سنتين و بالاضافة الي ان سعر الفائدة 7% تقريبا مع عدم وجود حظر بيع او طلب لتامين

هو أنا لو معايا المبلغ في صورة شهادات هقسط ليه أصلا؟؟؟
عليك و على عبداللطيف الجميل