الموضوع: لملاك القاشقاى : هستلم سيارتى القشقاى خلال أسبوع

الف مبروووك مقدما يا باشا وربنا يديك خيرها ويبعد عنك شرها والعين
بس حضرتك حاجز الشكل الجديد ولا الشكل القديم ؟؟

ااولا الف الف مبروك بس حضرتك مستنتش الشكل الجديد ليه!!!!!!!!!

الف مبروك وربنا يكملك الموضوع على خير وياجماعه مش فارقه كتير شكل جديد او قديم كل واحد وظروفه وكمان وفلوسه ههههه وخد بالك وقت الاستﻻم من بعض النقاط وقت استلام السيارة يجب على كل مشترى جديد مراعاتها والتركيز عليها
1-.حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات2-.انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله3-.شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله4-.جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه5-.اسال على الضمان بتاع السيارة وضمان الكاسيت والكتالوج بتاع العربية6-.شيك على الروافع مثل : الولاعة بتاعت العربية وطفاية السجاير وعلى الاريال7-.شيك وبص على المياة بتاعت السيارة من ميه مساحات والقربة والردياتير والبطارية.عشان بس لو فى حاجة نقصة مش تمشى على عماك.وتزودها فى اقرب مكان8-.اتاكد من وجود الاستبن (الكاوتش الاحتياطى )9-.نبص على شنطة العدة10-.نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان11-.تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية12-.تتاكد من عمل المساحة وتشغل المياه بتاعت المساحة كمان13-.تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا14-.نتاكد من ان السنتر شغال ونتاكد من الريموت شغال ولالا15-.ركز فى استلام المفاتيح , فى عدد المفاتيح والريموت اللى بيجوا مع السيارة16-.نبص على عداد الكيلومتر واهم حاجة انه لايزيد عن 70 كيلو وكدا كتير كمان17-.التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة ...كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام ...وتاخد بالك هل فى اى قلق وهى واقفة ولالا مع تشغيل التكيف18-.اتاكد من ان الماتور صوته ناعم وهادى فى بداية التشغيل19-.حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه20-.سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا21-.اذا كان السيارة فيها فتحة سقف , نطمن انها شغالة وكله تمام والعربيه بيجى معاها 2مفتاح سمارت وكمان هتاخد الضمان وكتلوج السياره وبالتوفيق

شكراً يا باشا وربنا يكرمك على زوقك العالى ده .. و ان شاء الله اول ما استلم و ارخص بعد صيانه الالف انزل تقرير شامل و بالصور علشان اكون جربت العربيه و اقدر اقول رأى فيها بعد التجربه
و ادعيلى بقا ربنا يكملها على خير ان شاء الله

المشاركة الأصلية كتبت بواسطة هانى القناوى

الف مبروووك مقدما يا باشا وربنا يديك خيرها ويبعد عنك شرها والعين
بس حضرتك حاجز الشكل الجديد ولا الشكل القديم ؟؟

ربنا يكرمك يا باشا و اهم حاجه الدعوتين دووول والله
الشكل الجديد لسه منزلش مصر و غالباً مش هينزل قبل 2015 او 2016 و كمان هتلاقى سعرها مولع معتقدش انها هتقل عن 270 الف مثلاً و اكيد مش هتنزل بكل الكماليات زاى اللى فى مصر بردوا ماهى نازله مش بنفس الكامليات اللى بره مصر فقررت مستناش و اشترى قبل ما تغلى تانى لحسن كده العمليه بقت صعبه جداً العربيات كل يوم فى الطالع و جشع اصحاب المعارض بقا شئ رهيييييييب

المشاركة الأصلية كتبت بواسطة medo-312

الف الف مبروك ياباشا وربنا يديك خيرها ويكفيك شرها .. وعايزين تقرير حلو بالصور عن العربية بعد الأستلام ان شاء الله

شكراً يا باشا وربنا يكرمك على زوقك العالى ده .. و ان شاء الله اول ما استلم و ارخص بعد صيانه الالف انزل تقرير شامل و بالصور علشان اكون جربت العربيه و اقدر اقول رأى فيها بعد التجربه
و ادعيلى بقا ربنا يكملها على خير ان شاء الله

المشاركة الأصلية كتبت بواسطة Merooxx

ااولا الف الف مبروك بس حضرتك مستنتش الشكل الجديد ليه!!!!!!!!!

الله يبارك فيك يا ريس
انا زاى ما قولت للأستاذ هانى انا معرفش الشكل الجديد هينزل امته و اكييييييييد هينزل سعره غالى جدأ و مش قبل سنتين من دلوقتى و العربيه دى على الاقل قطع غيارها متوفره و الاسعار صحيح مش كلها مقبوله بس نقدر نقول 80% من قطع الغيار بتاعتها سعرها مقبول فتوكلت على الله و قولت اجيب القشقاى الشكل الحالى و اكيييد لو الجديده نزلت بعد سنتين تلاته هيبقى فى كلام تانى