ايه رايكم يا رجالة التويوتا ياريس الجديدة 2014ولا الاكسنت ار بى

**khaabas** · 09-12-2013 06:39 PM

انا شخصيا برجح الياريس مع انها 1300 والهاورس بور اعتقد 84 حصان
بس موش عارف ليه افخم وحاسس انها اقوى من الار بى واعتمادية عنها كمان
فهل لو بعت الار بى وجبت الياريس الجديدة ابقى انا كسبان ولا خسران وهل هتبقى دى صفقة رابحة ولا خاسرة فايه رايكم لا خاب من استشار برضه وهل اعادة البيع هتكون كويس ولا لأ

بس عاوز كلام موضوعى انا عارف ان كل اللى بيكرهوا هيونداى هيخشوا يسبوا ويعلنوا فى اومها :)
فخلينا موضوعيين ونتكلم على اسس علمية :)

**Hosam_Optrawy** · 09-12-2013 07:15 PM

صفقه خاسره

الموتور لصالح الأربى مفيش كلام , الفتيس الاتنين 4 سرعات بس الأربى فتيستها تبترونيك

العفشه ونظام التعليق والثبات مش هايفرقوا عن بعض كتير

فى النهايه الياريس الجديده هى هى القديمه نفس الموتور والفتيس والشاسيه بس غيروا شكلها وبقت تتقفل فى تايلاند لزوم التوفير , يقوم توكيل تويوتا منزلها ب 140 الف أول فئه !! أمال لو كانت يابانى كانت هاتبقى بكام ؟ او لو نزلت 1500 كانت هاتبقى بكام ؟

ملهاش أى معنى الياريس دى وهاتفشل بكل تأكيد وماتستاهلش سعرها نهائى

لو بتفكر فى التغيير شوف غيرها أحسن

**khaabas** · 09-12-2013 07:20 PM

المشاركة الأصلية كتبت بواسطة hosam_optrawy

صفقه خاسره

الموتور لصالح الأربى مفيش كلام , الفتيس الاتنين 4 سرعات بس الأربى فتيستها تبترونيك

العفشه ونظام التعليق والثبات مش هايفرقوا عن بعض كتير

فى النهايه الياريس الجديده هى هى القديمه نفس الموتور والفتيس والشاسيه بس غيروا شكلها وبقت تتقفل فى تايلاند لزوم التوفير , يقوم توكيل تويوتا منزلها ب 140 الف أول فئه !! أمال لو كانت يابانى كانت هاتبقى بكام ؟ او لو نزلت 1500 كانت هاتبقى بكام ؟

ملهاش أى معنى الياريس دى وهاتفشل بكل تأكيد وماتستاهلش سعرها نهائى

لو بتفكر فى التغيير شوف غيرها أحسن

أممممم كلام منطقى جدا وموضوعى ومحسوب الورقة والقلم زى ما بيقولوا

طيب غيرها زى ايه مثلا
والف شكر يا كبير على مشاركتك الرائعة دى

**Hosam_Optrawy** · 09-12-2013 07:27 PM

المشاركة الأصلية كتبت بواسطة khaabas

أممممم كلام منطقى جدا وموضوعى ومحسوب الورقة والقلم زى ما بيقولوا

طيب غيرها زى ايه مثلا
والف شكر يا كبير على مشاركتك الرائعة دى

بالسعر دا مفيش غير حاجتين

بيجو 301 هاى لاين

يا شارك أول فئه بس هاتبقى فاضيه مفيهاش ABS وفيها Airbag واحده مش إتنين

عموما موديلات 2014 من الشارك لسه هاتنزل الشهر دا لو نزلوا ال ABS أساسى فى أول فئه ومغليتش كتير يبقى تمام

**saddam** · 09-12-2013 09:34 PM

صديقي المواطن
قولا واحدا الياريس كسيارة أفضل وأعلى من آر بي هيونداي ولكن في مصر كإعادة بيع وإنتشار حتخليك في ال آربي هيونداي وتنسى الياريس ولو بتفكر في حاجة مختلفة فلازم تغير لحاجة أفخم وأعلى فتاخد فلوانس الشكل الجديد حتجيب من اﻵخر وتعدي مرحلتين تلاته في حياتك ولو الفلوس زنقت معاك تاخد العربية الجميلة بيجو 301 برضو أعلى من آر بي بمراحل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**khaabas** · 09-12-2013 09:39 PM

بس مبحبش الفرنساوى بتعقيداته انا عاوز حاجة صخرة وابهدل فيها براحتى لكن الفلوانس دى بسكوته اوى :) وموش هتعمر ثلاث شهور تحت رجلى :)

**ahmzd** · 11-12-2013 10:23 PM

لا ياريس ولا آر بي .. بيجو 301 وفقط .. عن رأيي أتحدث !!

**mhkorayem** · 12-12-2013 01:37 PM

عشان تحدد التغير احسن ولا لأ لازم تحدد انت عاوز تغير ليه اصلاً
مثلاً لو بتغير عشان توفر في البنزين يبقى طبعاً الياريس اوفر
لو بتغير عشان عاوز اداء وتسارع احسن يبقى الياريس متنفعش ببصله
لو عاوز تغير عشان عاوز حاجه تمرمط فيها وتخبطها في حيطه تردلك يبقى الاتنين مينفعوش من اصله وممكن تبص على الصني الشكل القديم

يبقى عشان تقدر تقرر لازم تحدد سبب التغيير

وبعدين انت الـ rb اللي معاك جديده وكويسه تبيعها ليه بس حرام ؟؟؟؟