الموضوع: استشاره عايز اجيب موتوسيكل يخدمنى فى المشاوير الصغيره

المشاركة الأصلية كتبت بواسطة abusalah

من استخدامى مشكلة السكوتر انه قريب من الارض والشوارع عندنا زى ما انت عارف، وعسان مقاس الكاوتش صغير ووزنها خفيف ما بتبآش ثابتة على سرعات كبيرة،
لكن سواقتها سهلة وفيها مساحة تخزين. على حد علمى التريلات برضه مش ثابتة عشن عالية عن الارض، بس مناسبة للشوارع هنا لكن ما جربتهاش عشان أقدر أقارن مقارنة يعتد بيها

طبعا انا يشرفنى سماع صوتك وده تليفونى 01223935870 والمهندس اللى قالى على البينالى فيها مشكلة كانت مشكلته الوحيده ان الغيار ضيق يعنى بيحتاج ينقل على طول لان مفيش مساحة للسرعة على نفس الغيار فكانت مزعجه بالنسبة ليه
اما زميلى اللى معاه فراكن السوزوكى بتاعته ال 600 سى سى وراكب دى ومقليش عليها حاجه مع ان المفترض اللى نازل من ريس يحس بالاحساس ده
انا اللى عجبنى فى البرافا ان وكيلها تريدكو الصياد وده طبعا مشهور ومحترم وان موتورها يابانى وانها 200 سى سى مش 150 وان تسارعها حلو بس مش شيك زى البينلى
اما الهيرو فمميزاتها انها تقيله ومتزنه ونظامها متطور يعنى نظام التحكم فى الحرق عن طريق كمبيوتر زى العربية وكمان تسارعها عالى زى ما هو باين فى المواصفات ووكيلها عز العرب وشكلها زى الريس بالضبط وشيك وصوتها هادى جدا والبياع بيقولى حاجه بس مقريتهاش بيقولى ان الدبوس اللى فى الجنب بينزل لو خدت ملف على العاصى وكانت هتقلب منك بس مش عارف ده صح ولا غلط وفوق كل ده انها هندى بالكامل وطبعا البيكس الهندى حمالة قاسية
مشكلتى انى مبتدىء فكل حاجه فى دول ليها مشاكلها معايا والبياع نصحنى علشان مبتدىء ببايك برافا عادى علشان هادى وخفيف ومش عالى فى الركوب وطبعا ده مرفوض بالنسبة لى