محتاج مساعدة في الاختيار

**م.أحمد الدسوقي** · 10-12-2013 11:08 PM

السلام عليكم

انا اخوكم احمد لسه جديد في المنتدي وجديد في السواقة وجديد في العربيات

ومحتاج مساعدتكم في اختيار سيارتي الاولي

انا بحكم عدم تمرسي فكرت اجيب عربيه زيرو علي قد فلوسي فملاقتش غير اللادا كاش بحوالي 58 الف

وبعدين لاقيت نفسي بتهم بالجنون والعنصرية وكان فاضل شويه و اقف في قفص الاتهام كاحد مجرمي حرب فيتنام

وطبعا انا تراجعت نسبيا عن موضوع اللادا ده وفكرت اجيب تقسيط حاجه اعلي ولاقيت مثلا الاوبترا خيار كويس.

بس واجهتني مشكله الكل بيقولي هات حاجه اتعلم فيها الاول وبعدين بيعها وهات حاجه زيرو نضيفة

وطبعا كثرت الاقتراحات هات 504 اتعلم فيها ولا هات مازدا تمانينات ولا هات لادا تسعينات ولا ولا ولا

لكني فكرت ولاقيت ان خيار التويوتا افضل بكتير...

انا ممكن اجيب تويوتا بـ50 او 60 الف واتمرن فيها واستعملها فتره كويسة جدا وطويلة ومش حمرمطها وحخاف عليها

وبعد كدا اقرر اجيب زيرو محترم لو ربنا سهل في المستقبل

انا دلوقتي عاوز نصيحتكم في تويوتا كرولا اواخر تسعينات (مسطرة او عيون) ولا يارس الفينات ولا ايه رايكم لادا زيرو وربنا يسامحنا علي الجريمه اللي بنعملها في البشرية دي

اسف علي الاطاله وتحياتي لكم جميعا

**aw2100** · 10-12-2013 11:21 PM

خليك فى الأوروبى افضل من اليابانى عندك الجولف و الأوكتافيا والفكترا عربيات مصفحة وقطع غيارها معمرة وعفشة مصممه للخدمة الشاقة ومبروك على العربية الجديدة !!!

**saddam** · 11-12-2013 12:55 AM

صديقي المواطن
قولا واحدا كورولا من 89 إلى 91 أو كريسيدا من 87 إلى 92 أو مرسيدس 200 أو 230 من 77 إلى 84 وهناك عشرات اﻹختيارات غيرها لكن لادا فحضرتك حتسيء لنفسك وللبشرية وحتعلمك على طريقة قيادة سيئة وحتتطبع بيها طول عمرك و لو بعد كل من نصحك إنك تبعد عن ال لادا وما زلت مصر عليها فحضرتك مش زبون لينا في المنتدى ومنقدرش ننصحك ﻷننا رايدين الخير لحضرتك وال لادا عربية خشنة وزواياها مش مظبوطة ودايما تقطم بيض وكمان دايما مجال رؤية الزجاج الأمامي منخفض من اﻷعلى مما يؤدي إنك تظطر تميل وشك ناحية اﻷمام وتظغط بإتجاه أسفل رقبتك
وإحنه في خدمتك أنا وكل إخوتك في المنتدى بأي إستفسارات تانية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**م.أحمد الدسوقي** · 11-12-2013 03:45 PM

المشاركة الأصلية كتبت بواسطة saddam

صديقي المواطن
قولا واحدا كورولا من 89 إلى 91 أو كريسيدا من 87 إلى 92 أو مرسيدس 200 أو 230 من 77 إلى 84 وهناك عشرات اﻹختيارات غيرها لكن لادا فحضرتك حتسيء لنفسك وللبشرية وحتعلمك على طريقة قيادة سيئة وحتتطبع بيها طول عمرك و لو بعد كل من نصحك إنك تبعد عن ال لادا وما زلت مصر عليها فحضرتك مش زبون لينا في المنتدى ومنقدرش ننصحك ﻷننا رايدين الخير لحضرتك وال لادا عربية خشنة وزواياها مش مظبوطة ودايما تقطم بيض وكمان دايما مجال رؤية الزجاج الأمامي منخفض من اﻷعلى مما يؤدي إنك تظطر تميل وشك ناحية اﻷمام وتظغط بإتجاه أسفل رقبتك
وإحنه في خدمتك أنا وكل إخوتك في المنتدى بأي إستفسارات تانية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

مرسيدس يالهول اخي المناضل بس انا سمعت انها بتعطل؟

وبشوفها كتير في الشارع كدا