الازاز الفاميه

**dentanta** · 11-12-2013 09:21 AM

السلام عليكم
الحمد لله انا لسه شاري سيراتو 2011 وكنت عاوز اركب فاميه للازاز وخايف من المرور واللجان وكده ...روحت لواحد بتاع كماليات قالي انا عندي فاميه حراري هو درجته خفيفه جدا جدا وبيقول انه بيمنع سخونية الشمس بس مش بيمنع الشمس وهو ده المطلوب عندي ....بس السؤال اللي انا عاوز اجابته....هل فعلا الفاميه الخفيف ده مش هيعمل مشاكل مع اللجان ....ولما اجي ارخص العربيه في المرور كمان 4 شهور مش هيكلموني عليه؟ وشكرا جزيلا

**akmm** · 11-12-2013 11:28 AM

متابع مع حضرتك للاهميه ....................

**Ayman-Ahmed** · 11-12-2013 12:04 PM

وعليكم السلام.

بالنسبة للفاميه.اى درجة وان طانت افتح درجة ممنوعة الا الفابريقة.ومع ذلك لو وقفت فى لجنة فحسب الظابط اللى يوقفك:

-واحد هيقولك شيل الفاميه وانت واقف وهيديك الرخص.

-واحد هيقولك هسحب الرخص وتروح تعمل فحص وتدفع المخالفة وتستلم الرخص.

_واحد هيقولك ادفع 40 جنيه وهتلاقى الوصل مكتوب فيه مخالفة ونش.

فى الترخيص والتجديد حسب المرور ومهندس الفحص برضه.يعنى بيشرب شاى بالياسمين ولا قهوة سادة.وهل انت مستعد تدفعله ولا لا.

**Amr_tika88** · 11-12-2013 12:55 PM

بص انا مركب في فولكس جيتا فاميه اخف درجة الحراري والقزاز اللي ورا حراري بس اقوي درجة علشان الناس اللي بتفتح العالي دخلت بالتحديد علي كمين التجمع الخامس و امين الشرطة عاملي حركة الرخصة من غير مايقولي الرخص بيتنك عليا من الاخر المهم اديتله الرخص من غير ماابصله قالي ده فاميه ومش فاميه قالي اركن وانزل كلم الضابط قولتله العربيه كده وحضرتك ممكن تبص بنفسك جه يبص علي حواف القزاز ملقاش في مشكلة اداني الرخص بس الصراحة الفاميه راكب عندي باحترافيه خفيفه وهوا فعلا مفيد جدا في الصيف علشان بيقلل درجة الحرارة اللي داخله العربيه وبيحسن اداء التكييف

**fourseasons** · 11-12-2013 02:06 PM

بص يا باشا انا كنت مفيم الأزاز الخلفى اخف درجة وكنت ماشى بيه سنتين عادى جدا و كنت بعدى على كمائن بالعبط فى طريق مصر اسكندرية الصحراوى و شارم الشيخ و كذة مرة ادفع غرامة رادار فى كمائن و لا مرة حد قالى الفاميه بص بصراحة كنت بتعمد ان انا ارفع ازاز قدام ال مش فاميه عشان يبان انه مش مفيم عياقة او قلة ادب و كانت ماشية الحمد لله ,لاكن شيلته وانا رايح افحص من شهرين كده خدتها من قصيرها بدل ما خوش الفحص و المهندس يرزل ولا حاجة.

**start_wow** · 11-12-2013 11:28 PM

بص حضرتك ممكن تركب ستائر امامية وخلفية ومافيش منها مشكلة..

**ramyraby** · 12-12-2013 09:54 AM

ياريت الحكومة تسيبه للناس بدرجة لا تعوق الرؤية لانة فعلا مهم زي بلاد برده المحترمه

**starlanos** · 13-12-2013 07:03 PM

انا مزود في الرخصة ستائر خلفية غير حاجبه للرؤية
ديه انهي درجة واجيبه طقم 5قطع ولا ايه خلفية يعني

**egypt123456** · 17-12-2013 05:58 PM

من الاخر لايصح إلا الصحيح
السيارات الجديدة بينزل منها فامه وبيكون مكتوب بوضوح في فاتورة الشراء من التوكيل وتروح ترخص وبيتكتب في الرخصة زجاج غامق خليف وجانبي مثلا ( وده حصل معي بدون كلام كتير )
بعد حوالي شهر من الترخيص وقفت في لجنة قالي الزجاج قلت الرخصة اهي وفيها الزجاج فبريكة فامه
بص علي الرخصة وقالي اتفضل

بلاش نضع نفسينا في موافق محرجة
وعلي فكرة كان في عربية تاني واقفة وكان مصمم انه يشيل الفامه

**mostafa magdy** · 21-01-2014 04:30 AM

حضرتك مش هتعاقبنا عشان عربيتك نزلت بفاميه فبريكا
عربيات نضيفه و معديه ال 200000 و مش فبريكا
و سيادتك أنا عربيتي فيها ستاير فابريكه و المهندس في البلد اللي حضرتك بتقول فيها لا يصح الا الصحيح مرضيش يثبتها غتاته من أمه كده ..
لا يصح إلا الصحيح .. مش هنا خالص
و من حق الناس تستمتع بالخصوصيه .. و تحمي ولادها و نفسها من الشمس ..