ياجماعة الخير مساعدة لو سمحتم

**Ahmed sahab** · 11-12-2013 09:48 AM

خلاص الحمد لله قررت اشتري مرسيدس 200 موديل 1980م او اقل هيا عامة هتبقي على حسب حالتها وانها تكون فتحة واتوماتيك المهم خمسون الف يكفوا ولا لا لو حاجة حلوة طيب فى حاجة تانية اسمها 230 تقريبا احسن من دي ولا لا والسيارات بالموديل دا مكيفة ولا عادية وشكرا

**ahmedkhairy** · 11-12-2013 11:58 AM

أعتقد 200 افضل

**saddam** · 11-12-2013 01:30 PM

صديقي المواطن
التظيف المانوال يعمل 45 ألف والنظيف أوتومانيك يعمل 50 ألف وفيها تكييف بس طبعا مش دايما شغال حتاخذها تصرف عليه وطبعا بما إن حضرتك من الشرقية حتلاقي كل العربيات هناك 230 وبيغيروا رقم في المكنة وبتتثبت عالرخصة 200 وال 230 أقوى وأسرع وال 200 أبيع وأقل صرفا للبنزين بس حاجات بسيطة ومش محسوسة وأنا عن نفسي بركب في عربياتي مكن ال 230 وأنا أعرف واحدة مانوال نظيفة ب 45 ألف موديل أظن 80 برتقالي محمر بس مكانها فاقوس وأنا لسه حنزل فاقوس أول الشهر بس أنا مبحبش أدل حد يشتري عربية بمصر ﻷننا في مصر كلنا بنحب نفاصل وأنا منهم والراجل قافلها على 45 ألف كلام نهائي ده لو مرحناش وقال 46 ألف فلو يناسبك نروحله أول الشهر بس تحلفلي مش تكسفني عجبتك قول عجبتني وتدفع 45 معجبتكش سيبها وإمشي لكن مفيش فصال ولا نص جنيه مكنتها 230 أظن بس هو يديك في الرخصة 200 نظامي وفيها تكييف ومفيهاش أي رش دواخل فبريكة
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

**Ahmed sahab** · 11-12-2013 05:35 PM

اشكرك على زوقك وحسن تعاونك بس انا بعمل فى السعودية وقدامي حوالى شهربن لما انزل بس قلت اخد فكرة الاول ولما انزل ان شاء الله احاول اتواصل معاك عن طريق المنتدي لو عندك حاجة اخدها بس انا مبحبش العادة طبعا
انت حيرتني بين الاتنين عموما بس انا اشجع السيارة اللى موفرة بالبنزين اما بالنسبة للموتور فدي بظروفها يوم الشراء
اكرر اشكرك جدا لتعاونك ويارب تكون معرفة خير

**titos_81** · 13-12-2013 10:27 PM

نصيحه بلاش تشترى الموديل ده بفتحه سقف عشان بتكون ماسكه برومه و ملهاش حل السقف المقفول افضل و اعمل حسابك كمان ان حاجتها قلت اوى و الجديد كله مضروب فاعيد تفكيير تانى فى الموديل ده