الموضوع: حد يعرف حاجة عن الحاج جمال ربيع

الحاج جمال ربيع لمن لا يعرفه هو مجبراتي من بتوع زمان علمه متوارث من أجيال عديدة والمهنة دي تكاد تنقرض في مصر

وبدلا من وضع قواعد ومعايير طبية لها مثلها مثل الطب الصيني الآن في العالم اللى كان العالم كله بيحاربه في بدايته ويصفه بالدجل والشعوذة ولكن تمسك الصينيين به والعمل على وضع قواعد طبية له ونشره أصبح الآن مصدر دخل قومي للصين لتفردها به بالفعل ولكن في مصر يتم محاربة هذه المهنة من قبل العديدين ... المهم

ده مقال كان مكتوب عنه من سنة 2005 واتكتب عنه برضه مقالات كتير جدا في الفترة دي بالذات وشهرته وصلت إلى حد كبير بالفعل

الحاج جمال ربيع


وأعرف ناس كتير راحوا عنده ورجعوا من عنده زي الفل بدون أي شكوى

ياترى حد يعرف عنه أي بيانات دقيقة تليفون أو عنوان (لأن كل اللى أعرفهم بيشرحولي المكان بطريقة عجيبة مالهاش وصف بصراحة) ... وياترى حد جرب وراحله فعلا

المشاركة الأصلية كتبت بواسطة hilal

أنا سمعت عنه معجزات
ناس راحوا له محمولين على ظهورهم ، وخرجوا من عنده سائرين على الاقدام
وللأسف نسيت عنوانه

هي مش معجزات هي الفكرة إنه بيعرف يرجع فقرات العمود الفقري لمكانها الطبيعي اللى قد يكون اتزحزح ... وطبعا أي وضع غير طبيعي في العمود الفقري حتى لو كان بسيط ممكن يخلي الواحد زي المشلول

عشان كدة لما بيرجع الفقرات مكانها بالفعل كل ده بيروح وفي لحظات كمان .. إلا إذا كان في إلتهاب بقى أو حاجة تانية

المشاركة الأصلية كتبت بواسطة secret-man

https://www.facebook.com/pages/%d9%8...07984969291883

المشاركة الأصلية كتبت بواسطة secret-man

ده رقم التليفون

01284754444

شكرا على رقم التليفون بس مش بيرد طول النهار انهاردة

المشاركة الأصلية كتبت بواسطة hugan

المجبراتي كان موجود قديما حتي 40 او30 سنه فاتو في كل قريه في الريف

المفروض كل الطرق القديمة دي تتدرس ويتعمل عليها أبحاث وتجارب باسم مصر والصالح منها يتم نشره في العالم كله وتدريسه في الجامعات المصرية ... ما هو خبرة الـ 10 ألاف سنة بتوع الحضارة المصرية أكيد ممكن نطلع منها بحاجة متوارثة عبر الأجيال زي دي ... ده من أيام الفراعنة كان في مومياوات عاملة عمليات زراعة أسنان

المشاركة الأصلية كتبت بواسطة kh_fawzy

فى واحد فى المنوفيه اسمه دكتور كمال هايل فى الموضوع ده وعندة ولادة اللى بيساعدوة دكاترة علاج طبيعى فابيعمل الموضوع عن علم كمان مشكلته انه زحمه جدا جدا وممكن تروح تلاقى قبلك 200 او 300 واحد ولو عايز تروح لجمال ربيع انت بتمشى فى شارع احمد عرابى لحد ماتلاقى المحور الجديد بتنزل اول نزله يمين وتدخل فى اول شمال يقابلك هاتمشى حاولى 10 دقايق وبعدين تسال على شارع الاقصر وتسال هناك

ألف شكر ياباشا على العنوان بتاعه يعني هو الواحد يروحله على طول ولا محتاج تليفون أو حجز أو حاجة

المشاركة الأصلية كتبت بواسطة m.osama

هل بيعالج كل حاجه ؟ يعني مثلا بيعالج الروماتويد ؟

هو بيقول إنه بيعالج العمود الفقري فقط لا غير ... مالوش في أي حاجة تانية غير يمكن خشونة الركبة