Op-com الإصدار الأصلي و النسخة الصيني

**MaaM** · 13-12-2013 02:58 AM

زي ماكلنا عارفين ان الواحد مابيتعلمش ببلاش ، وبما اني اتلسعت فحبيت اوضح ليكم الفرق بين الـ op-com الصيني والأصلي

- الإصدار الأصلي

- النسخة الصيني

السعر
- الإصدار الأصلي: 640 جنيه استرليني = سعر الـ TECH2
- النسخة الصيني: 22 - 29 جنيه استرليني وفيه أسعار أقل من كدا

الإختبارات
- الإصدار الأصلي: تقدر تعمل بيه كل الإختبارات زي افتح البوابة throttle control test و قفل أبواب السيارة وفتحها من central door look
- النسخة الصيني: مافيش ولا اختبار تقدر تعمل

البرمجة
- الإصدار الأصلي: تقدر تبرمج بيه
- النسخة الصيني: أخرك تبرمج مفتاح وباردوا لا ينصح به

قراءة الوظائف والأعطال
- الإصدار الأصلي: تمام
- النسخة الصيني: دور على حاجتك بنفسك :) دا غير ان فيه بعض الوظائف مش هاتعرف تقراها زي فتيس الفيكترا بي2 ، والـ ABS بتاع الأسترا البرازيلي
اما في قراءة الأعطال فيعتبر جيد

عيوب النسخة الصيني
تعمدت أقول نسخة واصدار في كلامي ، ليه ؟
لأن النسخة الصيني هي مأخوذة أساساً من الإصدار الأصلي زي فكرة clone cd للإسطوانات المحمية
فلو حاولت تعمل update للبرنامج اللي جاي مع الكابل ، فقول وداعا للكابل بتاعك

الكابل ليه فيرم وير بيشتعل على البرنامج اللي جاي معاه
من أشهر الموجودين على الساحة دلوقتي هو 1.39 ، 1.44 ، 1.45
على كلام الناس في المنتديات ان 1.39 مستقرة ومفهاش مشاكل خالص مع الـ Corsa C
وعشان انا فضولي وتخيلت اني لما أعمل downgrade من 1.44 لـ 1.39 ، هاقدر أشغل الإختبارات
فكانت النتيجة اني ماقدرتش اعمل تشخيص Diagnostic لأي وظيفة في العربية زي الموتور أو الـ ABS وغيرهم

فروحت عامل update للكابل عن طريق برنامج الشركة الأصلي ، فحول الفيرم وير من 1.39 لـ 1.47
فحرقلي الـ PIC اللي على الكابل وبالتالي محتاج اعمل اعادة برمجة أو Reflash للكابل من جديد عن طريق جهاز تاني بيتوصل على الـ Op-com

ميزة بقى السوفت وير 1.44 و 1.45 إن عليهم حماية في حالة لو حاولت تعمل update عن طريق البرنامج الأصلي ، مش هايستجيبوا ، وده نجدني كتير
http://www.nilemotors.net/Nile/389330-a-2.html

أما الـ 1.39 فمافيش عليها حماية !

الخلاصة:
- لو عايز تشتري الكابل الأصلي ، يبقى تشتري التيك2 أحسن وأفضل بمراحل
- النسخة الصيني جيدة جدا للإستخدام الشخصي (وليس التجاري) مقارنة بالنسبة لـ تمنها ، نفعني قبل كدا في مشكلة حصلتلي
http://www.nilemotors.net/Nile/389405-a.html
و ما تفكرش تعملها update

**m7nsh** · 13-12-2013 03:24 AM

نايس اوى الكلام دا يا بوب .. وفعلا كويس انه كان عليه protection والا كان زمان الكابل بيقولك بايباى
وهل ياترى عملت فعلا الـdowngrade ولا لسه ؟ شكلها لفه كبيره ربنا معاك ..
بالنسبه للافضليه ,, فرق السعر خزعبلى .. و اعتقد بالنسبالنا كلنا - ماعدا طنانى باشا لأنه عنده مركزه الخاص ربنا يوسعها عليه - هيكون الصينى افضل وارخص و بيأدى الغرض الى حد كبير ..

تحياتى يا محمود بك .. مواضيعك فى المقص بصراحه ..الله ينور

**Ahmed Amin** · 13-12-2013 04:18 AM

غالي جداً الكابل الأصلي,, فيه أفراد عاديين ممكن يشترو الكابل بالمبلغ دا ؟
هل تعرف حد أشتراه وشغال بيه ؟

**Ahmed Amin** · 13-12-2013 06:09 AM

المشاركة الأصلية كتبت بواسطة maam

لـ m7nsh
هو فعلا قالي باي باي !

لـ ahmed amin
لا معنديش فكرة

يعني انت جربت الصيني بس ومطلعش قد كدا ؟
وكنت شاريه من علي النت ولا منين لو كنت أشتريته ؟
أنهي موقع, والشحن كان أيه ظروفة ؟

**MaaM** · 13-12-2013 04:29 PM

لـ Ahmed Amin
اشتريته من Ebay بـ 22 جنيه استرليني شامل الشحن ، والمورد بتاعه من هونج كونج-الصين ، ووصل في حوالي 11 يوم
أيوة مش قد كدا ، عشان مابيشغلش الإختبارات ، لكن مناسب جدا لاحتياجاتك الشخصية وعلى قد فلوسه ، انا بتاعي اتحرق وهاجيب واحد تاني

لـ ashourashour
ايه الفرق ؟ ولا القصة كلها انك تشغله على التليفون من خلال البلوتوث ؟
وعلى فكرة هو أرخص من الـ Op-com الصيني ، تمنه بحوالي 12 جنيه استرليني واسمه ELM 327

**ashourashour** · 13-12-2013 04:55 PM

الفكره يامحمود انك مش بتحتاج لابتوب

**MaaM** · 13-12-2013 05:19 PM

تمام ، بس أخره يا أحمد قراة أعطال وبس ، أما الـOp-com ممكن تبرمج مفتاح ، مع اني ماجربتش الصراحة وخفت اعملها ، بس لما حطيت السكيورتي كود في الأسترا ، فتحلي الإختيارات بتاعة
Reset Immobiliser ، Reset ECU ، Erase Transpnder-key

عموما ، ناوي اجيب واحد تاني عشان اللي معايا اتكل على الله ، فيه حد عايزني اجيبله كابل معايا ؟

**romiobasha** · 13-12-2013 10:55 PM

اذيك يا محمود عامل ايه؟
ربنا يعوض عليك محدش بيتعلم ببلاش
انا شوفت واحد بلوتوث و يو اس بى على ebay ب 11.89$
ELM327 OBDII OBD2 V1.5 USB Bluetooth Auto Car Diagnostic Interface Scanner New

وده لينك ليه
ELM327 OBDII OBD2 V1 5 USB Bluetooth Auto Car Diagnostic Interface Scanner New | eBay
لو عجبك هاتلى معاك واحد

-

-

الموضوع: Op-com الإصدار الأصلي و النسخة الصيني

LinkBack

أدوات الموضوع

عرض

Op-com الإصدار الأصلي و النسخة الصيني - انشر الموضوع فى :

-

-

-

-

-

-

-

المواضيع المتشابهه

فولكس تطرح الإصدار R-Line من Passat قريباً

رجاء الافادة من التنين الصيني جيلي ck2 مستعمل ولا ابعد عن الصيني

عدو الصيني الاول يقدم: السيارة الصيني التي ستهز عرش الالماني (الجزء الأول)

عدو الصيني الاول يقدم: السيارة الصيني التي ستهز عرش الالماني (الجزء الثاني)

الموبايلات الصيني وعلاقتها بالسيارات الصيني

الكلمات الدلالية لهذا الموضوع

المفضلات

المفضلات

ضوابط المشاركة