الفرش والامات لل 301

**mohamedyounis** · 13-12-2013 10:02 AM

السلام عليكم ... السادة الاعضاء الكرام .. انا ان شاء الله هاستلم البيجو 301 في نهاية الشهر واريد ان اعرف تفاصيل عن فرش العربية في جينز كار (وعنوانه) ... هل المحل ده تخصص فرش جلد فقط ام يوجد انواع اخريمن القماش ؟ لأنني اعرف ان الفرش الجلد بيسخن في الصيف جدا وهذا غير مفضل بالطبع؟ كمان لو معندوش الا جلد ما هي ترشيحاتكم لمحلات اخري للفرش ومكانها والتكلفة التقديرية؟

كمان وسائل الامان اللي المفرض اشتريها للعربية ؟ عامود بس يمسك الدركسيون بالفرامل ولا حاجة تانية ؟ الظروف اليومين دول وحشة وانا مفيش جنبي جراجات وهاتكون في الشارع كده

معلش بقي طولت عليكو بس خبرتكو هتفيدني كتير

وشكرا

**Loay94** · 13-12-2013 02:28 PM

اولا مبروك مقدما عال عربية و ربنا يحفظهالك
جينز كار بتاع كل الانواع و موضوع السخونة متخفش منه جينز كار عندة جلد حراري مبيسخنش و عنده قماش لو عايز بردو

موضوع الامان انت عندك ايموبليزر و لو الحرامي اتنطط مش حيعرف يشغل العربية بس لو عايز تحط حاجة زيادة قفل دواسات و دركسيون

**abohend** · 13-12-2013 06:15 PM

المشاركة الأصلية كتبت بواسطة mohamedyounis

السلام عليكم ... السادة الاعضاء الكرام .. انا ان شاء الله هاستلم البيجو 301 في نهاية الشهر واريد ان اعرف تفاصيل عن فرش العربية في جينز كار (وعنوانه) ... هل المحل ده تخصص فرش جلد فقط ام يوجد انواع اخريمن القماش ؟ لأنني اعرف ان الفرش الجلد بيسخن في الصيف جدا وهذا غير مفضل بالطبع؟ كمان لو معندوش الا جلد ما هي ترشيحاتكم لمحلات اخري للفرش ومكانها والتكلفة التقديرية؟

كمان وسائل الامان اللي المفرض اشتريها للعربية ؟ عامود بس يمسك الدركسيون بالفرامل ولا حاجة تانية ؟ الظروف اليومين دول وحشة وانا مفيش جنبي جراجات وهاتكون في الشارع كده

معلش بقي طولت عليكم بس خبرتكو هتفيدني كتير

وشكرا

صديقي بلاش مصاريف على الفاضي
كده كده الحرامي مش هيعرف يدور العربية
الحاجتين اللي الimmobilizer ميقدرش يحميك منهم هما
سرقة محتويات السيارة بعد كسر الزجاج
أو سرقة السيارة عن طريق رفعها على ونش
و دول حلهم الوحيد جراج او 2 غفر على العربية فالشارع

تقبل تحياتي

**ibizaman** · 13-12-2013 07:55 PM

بالنسبه للامان ممكن تركب جهاز حمايه يتصل عليك لو حد حاول يفتح بس العربيه ومبدورش مهما يحصل وبتتحكم تحكم كامل ف العربيه بالموبايل من اى مكان فى العالم بالضمان ومصري الصنع والوحيد المصرح بيه في مصر من المجلس العسكري اي استفسار او للتركييب كلمني وانا تحت امرك