ايه اي رأيكم في ال 406

**Merooxx** · 13-12-2013 12:56 PM

عمي عاوز يشتري بيجو ٤٠٦ ٢٠٠٣ او ميجان ٢٠٠٨ ايه رأيكم انهو أحسن مع العلم أنى ليسافر كتير

**saddam** · 13-12-2013 02:38 PM

صديقي المواطن
قولا واحدا
طبعا البيجو 406 أفضل وأعلى من ميجان وأقل تعقيدا وأهيب شكلا وأكبر حجما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Ahmed Amin** · 13-12-2013 03:05 PM

الأتنين ممتازين جداً في السفر, يعني الثبات والراحة قريبين جداً من بعض
اللي هيفصل في الموضوع دا هوا الكيلو متر بتاع كل عربية, والحالة العامة وكانت بتعمل صيانتها فين.

في الغالب الموديل الأحدث أحسن ليك,,
لكن ساعات بيكون فيه حاجات موديل قديم بس حالة شاذة بتتعامل معاملة محترمة وأستخدام أسرة سواقة هادية وصيانات توكيل
فا بتكون أحسن من عربية موديل 2010 متهانة.

**J A G U A R** · 13-12-2013 03:19 PM

الميجان افضل عشان الموديل .. واكيد حالتها افضل

**mbx4e** · 13-12-2013 09:48 PM

انا مع صدام الميجان xالبيجو
البيجو تكسب حتى لو اقدم وانظر للسعر مع اعتبار الحاله والاوبشن

**benmatar** · 15-12-2013 01:54 PM

عربية محترمة بكل المقاييس بشرط انتقاء الحالة الجيدة
لو سفر وطرق مفتوحة يبقى 406 بكل تأكيد ومعدلات استهلاك البنزين طبيعية تماما (طالما سفر)، في الزحام والمدن الاستهلاك بيزيد بشكل واضح، قطع الغيار متوفرة ومنتشرة جدا في محلات البيجو وشارع مجلس الأمة، والاستيراد في الوكالة وبورسعيد واسعاره مفرقتش عن الآسيوي وعن تجارب مش كلام، معمرة جدا عشان كده لو اشتريت قطع غيار غالية شوية بتعيش معالك وتقف عليك ارخص من لو كنت راكب كوري، والقطع الاستهلاكية تمنها طبيعي جدا.
لو بتتكلم في تيل فرامل مثلا معاك من 180 حتى 400 علما بإن ابو 180 بيندكس انجليزي مش صيني!!!
اما الغالي شوية فهو قطع مش مستهلكة بشكل دوري، يعني طلمبة مياه 1800ج.م بس هتغيرها مرة وشكرا!!!
ثبات على الطريق رائع مع الارتفاع عن سطح الأرض، معدلات تسارع ممتازة مع متانة الهيكل والصاج.
أنصح بركوب آخر موديلين 2005-2006 لحداثة الانتاج، موتور فضي (جيل متطور) كماليات اضافية من مرايا تعتيم وحساسات نور ومطر، استخير وتوكل على الله واشتري بعد الفحص المتأني.