الحمد الله جبت 127 اصحاب الخبرات اين انتم

**Xaldin** · 15-12-2013 03:30 PM

سلام عليكم

الحمد الله من 5 شهور كدة ربنا انعم عليا

باول عربية ليا 127 نصر :)

الحمد الله حالتها ممتازة جدا

موديل 84

فابريكا برة و جة و حوض مضربش فيه مفك الحمد الله :)

العربية كانت مع واحد بقالها فترة كبيرة جدا مبتمشيش اكتر من سنتين على ما اتذكر

موتور حالته محترمه جدا الحمد الله اول عامرة للماتور كانت على ايدى

كل حاجة الحمد الله فى العربية اظبط فرش العربية بتاع المصنع حتى فرش الشنطة برده بتاع المصنع

يعنى كل حاجة تمام

ناقصلى شوية حاجات كدة عايز استفسر عنها

اولا: انا عايز اجيب نور ابيض عالى و واطى للعربية Crystal vision بتاع شركة فيليبس لو حد سمع عنه :)
عايز اعرف اجيبه منين(فى القاهرة) و بكام

ثانيا : بما ان ممكن العربية تعمل معاية حركة ندالة فى الكوتش و ينام منى :D

عايز اجيب منفاخ الى بيتوصل على البطارية او الولاعة بـ1بستم

احب اعرف منكم نوع كويس و المحل و بكام و يا سلام لو رقم تلفيون المحل :)

ثالثا : عايز اجيب اكسسورات العربية الى ناقصة فيها يعنى زى كشاف الفرام الى بيركب على ازاز الشنطة و عايز اجيب نور كويس للعدادات لان صاحبها كان مركبلها نور بيعمى لما بفتحه وانا ماشى بليل

رابعا : عايز اعرف محل كويس او محلات اى كان بيبيعو حاجات 127 اكسسورات و الكلام دة و كشافات و نور صالون و تظبيط الكهربا و الحاجات دى :)

اعتذر عن اسئلتى الكتيرة لسة مبتدء بقى

سلام عليكم :)

**aliyehia** · 20-12-2013 07:08 PM

الف مبروك على العربيه و ربنا يبارك لك فيها
لو حضرتك من القاهره انزل سوق التوفيقيه الى جنب دار القضاء العالى و حتلاقى كل الى انت عاوزه
الاكسسوار معظمه بيمشى على اى عربيه و قطع الغيار بتاعه الفيات ليها اكتر من محل هناك
و تقبل تحياتى

**starlanos** · 20-12-2013 07:19 PM

الف مبروك
التوفيقية ومتقلقش حاجتها عند البقال

**S O P H O S** · 22-12-2013 06:00 PM

مبروك

**Hasan_EGT** · 25-12-2013 03:17 AM

مبروووووك.. قولنا بقا رايك فيها ايه

**Xaldin** · 29-12-2013 02:01 PM

المشاركة الأصلية كتبت بواسطة Hasan_EGT

مبروووووك.. قولنا بقا رايك فيها ايه

الله يبارك فيك يا باشا

الحمد الله تمام جدا ... مشاكلها قليلة جدا ,, و بتنفع اوى فى الطرق الزحمة متحسش بيها

قطاع غيارها بجبها ايطالى يا اما فرنساوى + انها قطعها رخيصة اصلا

اصعب مشكلة ممكن تقبلك هى انك تعرف تلاقى المرايات الفبريكة بتاعت العربية ولا حتى هتلقيها فى التوفيقة انا دخت على المرايات

استهلاك بنزين عبيط جدا التنك 30 لتر و انا بفولها بنزين 92

مش بتسخن و مش بترخم عليا فى الدوارة الصبح الحمد الله

اهم حاجة لما العربية تطلب حاجة متستخسرش فيها حاجة :) و طالما انا صاحب العربية مش بخب استرخص فا بجلها حاجة تعد فيها كتير :)

الحمد الله على كل شئ :)