البولو عربية محترمة بلا شك
واختيارك مش حيفرق كتير لان الـ 98 والـ 2001 نفس الموتور 1000 سي سي ولكن الموديلات الاقدم كان اسمها بولو فوكس وكانت 1300 سي سي
فلما حضرتك تقارن بين موديل 98 و 2001 يبقي اكيد طبعا الموديل الاحدث 2001 لانه افضل من ناحية الشكل داخليا وخارجيا
وبرده بالنسبة لقطع الغيار فمتفرقش كتير في الموديلين دول وموجودة زي الفل متقلقش
اما بالنسبة للسعر فموديل 2001 ميوصلش لـ 50 الف ولكن في اوائل الاربعينات
قاعده عامة في الالماني - طالما حتشتري عربية الماني مستعملة يبقي اهم حاجة الحالة ولا تتنازل عن الحالة الممتازة حتي لو حتدفع زيادة وصدقني مش حتندم ابدا
لكن لو جبت حالة تعبانة بفلوس أقل وتقول انا حبقي اشدها يبقي حتندم ندم عمرك
بالتوفيق ان شاء الله
المفضلات