بيجو 206 موديل 2001

**Meshfaker** · 19-12-2013 12:53 PM

السلام عليكم
كان عندى استفسار صغير عن بيجو 206 موديل 2001 اوتوماتيك 1400 سى سى
هل سعر العربية دى فعلا فى حدود 40 الف ؟؟ وايه هى المشاكل اللى فيها ؟؟

وشكرااااااااااااا

**Meshfaker** · 20-12-2013 02:14 PM

مفيش حد يعرف اى حاجه عنها كده خالص ؟؟؟

**abohend** · 20-12-2013 09:14 PM

اللي أعرفه إن البيجو ال206 المانيوال 1100 cc في حدود من 40-45 للحالات الكويسة
يتهيألي ال1400 الأوتو هتبقى من 43-48
دور كده على كونتاكت و شوف سعرها في حدود كام

**Meshfaker** · 21-12-2013 03:33 PM

شكرا جداااا يا باشا عى الاهتمام والرد وانا شوفت واحده فعلا على كونتاكت

" بيجو 206 موديل 2001 - 39,000 جنيه

1400 سى سى | 110,000كم

[تكييف] [باور ستيرنج] [سنتر لوك] [أوتوماتيك] بيجو 206 موديل 2001 دواخل فابريكة بالكامل رشة حزام نظافة اوتوماتيك 2 زجاج كهرباء امامى تحتاج بطاحتين فقط السعر لسرعة البيع للحاجة للفلوس "

فمش عارف الاعلان حقيقى ولا لا
وغير كده
الاتوماتيك فيها عامل ايه ؟؟ فى اى مشاكل ولا تمام ؟؟

وانا شايف انك معاك بيجو 206 فياريت تدينى شوية معلومات عنها عموما

**Ahmed Amin** · 21-12-2013 05:05 PM

الفتيس الاوتوماتيك بتاع العربية دي هوا نفسه اللي موجود في ال ٤٠٦ وال ٣٠٧.
الموديلات الأولي منه كان فيها مشكلة في السولونيد ڤالڤ وكان بيتغير مع أبديت عشان المشكلة تروح.
فأنت أتاكد أنو مغيره ولا لأ, ومغير الزيت بالأصلي ولا لأ
ولو عنده مشكلة في الفتيس ولا لأ, وفي الغالب هيقول لأ لأنو كاتب في الأعلان "تحتاج بطاحتين فقط السعر لسرعة البيع للحاجة للفلوس"
يعني عايز يخلص من العربية.
فأنت أسئلة كان بيعمل صيانة فين, وشوف لو فيه فواتير من التوكيل ؟
وراجع الرد دا كل حاجة مكتوبة فيه من الحاجات اللي مفروض تاخد بالك منها وأنت بتشتري مستعمل هتنطبق علي ال ٢٠٦
http://www.nilemotors.net/Nile/39542...post3875338150

**Ahmed Amin** · 21-12-2013 05:49 PM

الشكر لله,
وتتوكل علي الله فيه ولا لأ دا هيعتمد علي الحالة طبعاً.

لازم تكشف عليها بنفسك وتشوف حالتها من الخارج وحالة الكابينة كويسة ولا لأ.
متتوقعش كتير لأنها مش هتكون ممتازة لأنها موديل ١٣ سنة فاتو, كل دا ليه عوامل هتأثر في حالة الجسم والكابينة.
لكن لو متبهدلة وفيها حاجات بايظة أو مكسورة في الكابينة ابعد عنها عشان اللي مهمل في العربية في الشكل هيبقي مهمل في صيانتها كمان.

بعدين تبدأ تكشف حالة الفتيس والكهرباء والعفشة,
وطبعاً يفضل الكشف يكون في التوكيل عشان متلاقيش حاجات مستخبية بعد كدا وتضايق.

وكقاعدة عامة مش مهم سنة الصنع علي قد الحالة وعدد الكيلومترات اللي العربية مشياها,
وتتأكد من عدادها عشان الرقم دا قليل جداً علي عربية ٢٠٠١
لو كان الرقم دا حقيقي وحالتها حلوة هتبقي عربية لقطة.

**abohend** · 21-12-2013 06:33 PM

المشاركة الأصلية كتبت بواسطة Meshfaker

شكرا جداااا يا باشا عى الاهتمام والرد وانا شوفت واحده فعلا على كونتاكت

" بيجو 206 موديل 2001 - 39,000 جنيه

1400 سى سى | 110,000كم

[تكييف] [باور ستيرنج] [سنتر لوك] [أوتوماتيك] بيجو 206 موديل 2001 دواخل فابريكة بالكامل رشة حزام نظافة اوتوماتيك 2 زجاج كهرباء امامى تحتاج بطاحتين فقط السعر لسرعة البيع للحاجة للفلوس "

فمش عارف الاعلان حقيقى ولا لا
وغير كده
الاتوماتيك فيها عامل ايه ؟؟ فى اى مشاكل ولا تمام ؟؟

وانا شايف انك معاك بيجو 206 فياريت تدينى شوية معلومات عنها عموما

لو الحالة زي مبيقول تبقى لقطة
أقل من سعرها 5 على الأقل
و لو فعلا الحالة كده العربية مش هتستنى و مش هتلحقها لو إترددت (في تجار قاعدين ملهمش شغلانة غير صيد الفرص و إعادة بيعها)

بالنسبة لرأيي في العربية (عن المانيوال 1100 سى سى أتحدث)
هي ممتازة في فئتها
تقفيلها تحفة مش هتلاقي زيه و لا حتى فالعربيات الجديدة-خامات أكثر من ممتازة و الله جلد الفتيس و الطابلوه مقشرش لحد النهارده بسم الله ما شاء الله كأنها جديدة رغم إني مش بركنها فجراج
شبابية أبعادها صغيرة سهلة فالركن و المناورة
مساحة الصالون معقولة لعربية بالحجم ده
مريحة (تحكم بارتفاع عجلة القيادة و كرسي السائق)
مش هتحس إنك راكب عربية 2001 لأن الأبشنز بتاعتها منزلتش فالكوري غير بعد 2007
(عربية أختي i10 2011 الزجاج بتاعها بكرة)
لكن البيجو ..زجاج أمامي كهرباء-تكييف-باور-سنتر-إنذار لو نسيت السنتر أو نسيت المفتاح فالكونتاك أو سيبت أنوار الطابلوه منورة)
موفرة جدا جدا فالبنزين
ثبات معقول للفئة دي
فرامل ممتازة رغم عدم وجود ABS ...و الله ركبت بيكانتو 2010 فرامل البيجو أحسن منها

بس الحياة مش وردية ليها عيوبها برضه

قطع الغيار غالية و مش متوفرة
مش أي حد يشتغل فيها (بالذات فالكهرباء)
إعادة بيع مش أوي نظرا لثقافة السوق
ال1100 سي سي مش بتاعت سفر و مشاوير
مش عائلية (الشنطة بالذات) و ده سبب أني هبيعها إن شاء الله و أجيب ال301 (بيجو برضه..اللي يركب أوروبي ميستريحش فالكوري و ما شابه)
لكن طول مالعربية كانت مع مراتي كانت مبسوطة بيها جدا و مشتكتش منها فحاجة غير صعوبة الصيانة بره التوكيل و عدم توفر قطع الغيار بأسعار مناسبة

**Meshfaker** · 22-12-2013 01:55 AM

اشكركم بشدة على المساعدة
شكرا ابوهند
شكرا احمد باشا

وان شاء الله مش هاخد اى خطوة غير لما اعرفكم ايه اللى بيحصل
ولو عندكم اقتراحات بخصوص اى عربية تانية تكون اوتوماتيك وفوق سنه 2000 وبحاجه و40 الف غير الفيرنا واللانوس اكون شاكر اكتر مع انى مقتنع بال 206 جداااااا

مش قليل و لا حاجة -

الموضوع: بيجو 206 موديل 2001

LinkBack

أدوات الموضوع

عرض

2001 و 1400 cc -

-

-

تجربتي مع بيجو 206 -

المواضيع المتشابهه

ماا هى عيوب بيجو 406 موديل 2001؟

بيجو 206 موديل 2001 للبيع

هل يمكن تركيب تابلوه بيجو 406 موديل 2001 على بيجو 405

ايهما افضل بيجو 307 موديل 2005 ولا جولف 4 موديل 2001

بيجو 206 موديل 2001 ولا ابيزا 2001

الكلمات الدلالية لهذا الموضوع

المفضلات

المفضلات

ضوابط المشاركة