ارجو المساعده مشكله فى التمبرا

**dr.amrsalim** · 19-12-2013 04:32 PM

السلام عليكم

عندى مشكله فى التمبرا من كام يوم بدات تنتش وانا ماشى ومش راضيه تاخد بنزين وبتبطل لوحدها على اى سرعه

ولمبة البطاريه بتتنور وتطفى و الر بى ام الاقيه نزل مره واحده ويرفع تانى

رحت لميكانيكى قالى ننظف الكاربيراتير بس فضلت نفس المشكله

رحت لواحد تانى برده نظف الكاربيراتير وظبطه و قالى الدينامو بايظ اشترينا واحد تانى

النور بتاع البطاريه مبقاش يقيد

بس فضلت مشكله ان الصبح بتفضل العربيه تنتش وتبطل اول ما بمشى رغم انى بسخنها كويس

ولو اجو ساقعه اوى تفضل تنتش وتبطل وبعد ما امشى بيها نص ساعه كده تبقى العربيه تمام

مش عارف ايه الحل

ارجو المساعده وشكرا

**mohamed salhin** · 19-12-2013 04:46 PM

شيك على طرمبة البنزين

**saddam** · 19-12-2013 10:46 PM

صديقي المواطن
قولا واحدا طقم بوجيهات غالي بكود المحرك وطقم سلوك بوجيهات وخد بالك من دي سيب الميكانيكي المشكلة عندك في الكربريتير وغلطتك إنك بتصلحه عند ميكانيكي ولكن حاجتين مينفعش يتدخل فيها الميكانيكي ولا الكهربائي الكربريتير والفرامل والمارش والدينمو فحضرتك بكره تروح لدكتور كربريترات يغيرلك طقم إصلاح وينظملك الكربريتبر ومشاكلك حتنتهي ومش حوصيك تغير شوية التوافه في سكتك زي فلتر الهواء وفلتر البنزين وغطا اﻷسبريتير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**dr.amrsalim** · 24-12-2013 11:02 AM

المشاركة الأصلية كتبت بواسطة saddam

صديقي المواطن
قولا واحدا طقم بوجيهات غالي بكود المحرك وطقم سلوك بوجيهات وخد بالك من دي سيب الميكانيكي المشكلة عندك في الكربريتير وغلطتك إنك بتصلحه عند ميكانيكي ولكن حاجتين مينفعش يتدخل فيها الميكانيكي ولا الكهربائي الكربريتير والفرامل والمارش والدينمو فحضرتك بكره تروح لدكتور كربريترات يغيرلك طقم إصلاح وينظملك الكربريتبر ومشاكلك حتنتهي ومش حوصيك تغير شوية التوافه في سكتك زي فلتر الهواء وفلتر البنزين وغطا اﻷسبريتير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا لحضرتك جدا انا هعمل زى ما قلتلى وربنا يسهل ان شاء الله