استفسار عن الكورولا ٢٠١٤

**Tameeem** · 19-12-2013 07:54 PM

الحمد لله روحت لتويوتا ابو حتة فى الغردقة وحجزت استلام فورى الفول اوبشن لون فرانى ب ١٩٨ الف ومرضاش ينزل عن كدة ومستنى الورق ممكن يجى بكرة او بعده واروح استلمها المهم كنت عايز اسئل ايه الحاجات الاشيك عليها قبل الاستلام والحجات الاجربها فيها و بيجى معاها ايه وكام مفتاح و ريموت ولا لا
وشكرا

**amgomaa** · 19-12-2013 09:42 PM

من غير زعل .... لا تعليق انت ممكن تكون مستعجل على العربيه بس بجد حرام اوفر برايس 13000 الف جنيه و ان شاء الله احد ملاكها يفيدوك

**Tameeem** · 19-12-2013 10:27 PM

انا كنت هجيب الهايلاين اصلا بس مش متوفرة والحجز فى التوكيل تستنى 3 شهور دة الله اعلم اذا جت اصلا و كل شوية يقولك لسة لسة فلقيتها قدامى و مفيش ف معارض تانية العربية او السعر دة اصلا واستلام فورى يعنى بالنسبالى فرصة ممتازة و كمان واحد سال هنا بنفس السعر فى اعضاء قالولو ان السعر دة كويس لو استلام فورى علشان كدة اتوكلت على الله
وشكرا

**Tameeem** · 19-12-2013 10:28 PM

المهم يا جماعة انا هستلم بكرة حد عندو اجابة ؟

**Mohamed.Hany** · 19-12-2013 11:00 PM

اولا الف مبروك وربنا يبعد عنك عنين الناس.
انا عن نفسي مش بحب الاوفر برايس و عندى استني ولو شهرين لكن انت وضعك مختلف عشان في الغردقة .
حضرتك هتستلم كتيب الضمان، الكتالوج ، 4 علامة تويوتا معدن تركب في الجنوط، جنط احتياطي، كوريك، طقم عدة صغيرة، ولاعة ، طفاية سجاير، و طبعا ورق العربية بالافراج الجمركي.
ومتنساش تشيل كل الورق اللي ملزوق علي العربية فور الاستلام و تغطى رقم الشاسيه اللي باين من الزجاج الامامي ناحية السواق بورقة صغيرة من داخل العربية و تظبط ضعط الكاوتش علي 33.