فتيس باسات 1600

**m.elshaer90** · 20-12-2013 04:03 AM

السلام عليكم ,,, استفسار ضروري بخصوص الفتيس
النهارده العربيه مره واحده قفشت و الفتيس بقى تقريبا كل النقلات بتمشي قدام حتى R
و بعد شويه كل النقلات مش بتمشي ماعدا ال r و قدام برضو
طبعا الموضوع كبير بس كنت محتاج اعرف العيب ممكن يكون ايه

**mohamedbook** · 20-12-2013 09:57 AM

متعملش زي وتعمل صيانه ليه
هات من الاخر واشتري فتيس استيراد

**hossamalsadik** · 20-12-2013 12:56 PM

المشاركة الأصلية كتبت بواسطة mohamedbook

متعملش زي وتعمل صيانه ليه
هات من الاخر واشتري فتيس استيراد

جبته بكام ومنين

**mohamedbook** · 20-12-2013 08:09 PM

المشاركة الأصلية كتبت بواسطة m.elshaer90

شكرا على الرد بس كنت عايز أسألك ,,, أنت صلحت ف الفتيس ايه بالظبط و كفأته بعدها اخبارها ايه و التكلفه كانت كام ؟؟

بص ياباشا الفتيس بداء ينتش مني المهم رحت لاحمد زاهر بتاع الفتيس قالي هنفق عقل الفتيس وننظف ونشوف فية ايه ونغير زيت المهم قلتلة ماشي غيرت زيت وفلتر واخد هو 300ج مصنعية المهم مشيت بيه كام يوم وبعدها الفتيس ضرب خالص مبقاش يجيب غيار الا الاول رجتلة تاني قالي دي مشكلة كبيرة شوية هي ان البلية فركت وانا لفاهم بلية ولا فاهم حاجة قلتلة من الاخر هيتكلف كام قالي 2500ج رحت سايبة وماشي وخسيري اني غيرت الزيت ومش هينفع يرجع تاني وكده انا خسرت حوالي 1500ج ابنطة وعشان الفلم الهندي ده انا هجيب واحد استيراد لسة هشترية الاني مش فاضي اليومين دول عشان عندي امتحانات في الجامعة والله المستعان
عشان كده بقلك ريح دماغك وهات واحد استيراد وركبة علي التجربة اشتغل ومحصلش حاجة خلاص اهو راكب في عربيتك كان بينتش معاك ترجعة وتجيب واحد غيرة لانه بيتباع علي تجربة وربنا يصلحلك الحال
انا الفتيس عندي يعمل حوالي 3000 او 3500ج دي الارقام الي سمعتها ولما انزل الف اعرف الدنيا فيها ايه

**mohamedbook** · 20-12-2013 08:14 PM

المشاركة الأصلية كتبت بواسطة hossamalsadik

جبته بكام ومنين

لسه ياباشا هنزل اشتريه سمعت ناس بتتكلم في 3000 و 3500 ده للبورا 2002

**mafifi2000** · 17-09-2014 12:36 PM

كانت عندى مشكلة النتشة دى فى الفيتس وغيرتة وبرضو نفس المشكلة واحد قاللى بلصدفة كدة غير الكنترول بتاع الفتيس وغيرتة ومشى كويس الحمد لله بعد ما خسرت حوالى 1500 جنية غير حق الفيتيس (فك وتركيب وزيت طبعا)
قلت اضيف الرد لعل حد يستفيد

**Ahmed Saad** · 17-09-2014 03:29 PM

المشاركة الأصلية كتبت بواسطة m.elshaer90

السلام عليكم ,,, استفسار ضروري بخصوص الفتيس
النهارده العربيه مره واحده قفشت و الفتيس بقى تقريبا كل النقلات بتمشي قدام حتى R
و بعد شويه كل النقلات مش بتمشي ماعدا ال r و قدام برضو
طبعا الموضوع كبير بس كنت محتاج اعرف العيب ممكن يكون ايه

بص ياباشا الظاهر من كلامك أن المشكله دي مش مشكله ميكانيكيه وأنها مشكله كهربائية بدليل انك بتقول لما تجيب على الR بتمشي قدام عموما لازم تكشف على الفتيس ببرنامج الأعطال vcds وهوا هيطلعلك أعطال أكواد ممكن حضرتك تكتبها لي هنا وانا اقولك فيها ايه إن شاء الله وغالبا شكلها كده كنترول بس اكشف وشوف الأول هيظهر ايه

**Ahmed Saad** · 17-09-2014 03:31 PM

معلش يا باشا نسيت اقولك شوف كده الفيوزات اخبارها ايه الأول لأن الكنترول على فيوزات شوفها كده قبل أي حاجه

الموضوع: فتيس باسات 1600

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب كنترول فتيس اتوماتيك باسات 2000

باسات 2009 1600 fsi

باسات 2008 1600 fsi و نوع البنزين ؟ ارجو الافادة

كتالوج باسات 1600 cc موديل 2000

اسعار قطع غيار باسات مو 2000 .1600 مانويل

الكلمات الدلالية لهذا الموضوع

المفضلات

المفضلات

ضوابط المشاركة