حد من السعودية نازل القاهرة قريب؟

**Amr_MO** · 20-12-2013 11:17 PM

السلام عليكم ورحمة الله وبركاته

الاخوة الافاضل في المملكة لو حد فيكم نازل القاهرة قريب ان شاء الله فعندي طلب صغير

في موبايل محتاج اشتريه من السعودية لأن تمنه هنا في مصر معدي شوية بحوالي 1500 جنيه فرق

انا بشتغل في مطار القاهرة فالي يوافق يسدي لي الخدمة دي ان شاء الله هقابله في المطار ساعة وصوله واحاسبه طبعا وقتي على سعر الموبايل

الموبايل الي انا عاوزه موجود في اللينك التالي:

سامسونج جالكسي نوت 3 N9005 (سعة 32 جيجابايت, واي فاي الجيل الرابع, أسود) في المملكة العربية السعودية, جدة, الرياض | سوق

الموبايل ده بيتباع في مصر نسخة مختلفة عن الموجودة في اللينك ده علشان بس الي يشتريه يكون فاهم الفرق

النسخة دي الموديل بتاعها رقمه 9005 لكن الي في مصر مش موجود غير الموديل رقم 9000 والفرق كبير في الهاردوير بين الموديلين دول

فانا محتاج الموبايل ده بنفس مواصفاته بالظبط المذكورة في الموقع: اللون الاسود - سعة 32 جيجابايات - الموديل 9005 مش اي موديل تاني وطبعا رقم الموديل بيبقى مكتوب على ضهر علبة الجهاز ساعة استلامه، العلبة هتكون مقفولة بالاستيكر الخاص ببرشمة العلبة

في ملحوظة صغيرة بس، ياريت الي هيشتري الموبايل ده يتصل بخدمة عملاء موقع سوق ويستفسر منهم عن صناعة الموبايل ده اذا كان كوري او فيتنامي ولا ايه نظامه ويبلغني بيه

الموضوع طبعا هيكون فيه امانة وثقة تامة ما بين الطرفين فالي يقدر يعملي الخدمة دي اكون شاكر ليه جدا

**أحمد عبدالله** · 21-12-2013 08:32 AM

انا مسافر من مصر يوم الاثنين لمدة 10 ايام ان شاء الله

**Amr_MO** · 21-12-2013 10:31 AM

الاخ الفاضل استاذ احمد، حضرتك جاي مصر ولا مسافر من مصر للسعودية؟ ارجو التوضيح

**noodile** · 21-12-2013 10:32 AM

علشان بس تبأ عارف. مفيش الجيل الرابع في مصر، فملوش لازمه

**Amr_MO** · 21-12-2013 10:36 AM

المشاركة الأصلية كتبت بواسطة noodile

علشان بس تبأ عارف. مفيش الجيل الرابع في مصر، فملوش لازمه

انا عارف ان مصر لسة مفهاش جيل رابع بس انا بتكلم عن مكونات الهاردوير الداخلية للموديل 9005 مختلفة عن الموديل 9000 الموجود هنا وفرق في الاداء وسخونية الجهاز واداء البطارية واداء الجهاز بشكل عام فعلشان كدة بدور على الموديل ده بالذات الي مش موجود غير في الخليج بس