حاسس ان دواسة الدبرياج تقلت ايه السبب

**طاهرع الوهاب** · 21-12-2013 01:26 AM

افيو 2006 كوري دواسة الدبرياج تقلت شويه تحت رجلي هل دا نقص في زيت معين ولا ايه وكمان من كام يوم كان الجو برد وانا كنت مستعجل ونزلت سخنت العربيه 3 او 4 دقائق وبدءت اتحرك بالعربيه خسيت في حكه كدا وقفت ومتحركتش واستنيت شويه لقيت العربيه رجعت طبيعي لكن قصة تقل الدبرياج بقاله مده حوالي اسبوعين مثلا ايه اسباب كدا واتصرف ازاي

**Salamonti** · 21-12-2013 02:00 AM

سوستة البلية أو الديسك..
دي بداية أعراض طقم دبرياج،
ويستحسن تغير الطقم على بعضه..
لأن طالما الديسك عمره خلص يبقا الاسطوانة كمان على وشك انها تتعب..
فمش معقول تستنى اما كل قطعة تبوظ وتعملها لوحدها وتتكلف مصنعية وغيار زيت مرتين :)

**دكتور خالد** · 21-12-2013 02:05 AM

الدبرياج عندك وير ولا زيت ؟ ... لو وير ده الطبيعى ان الوير بعد فترة بيجنزر و له حلين يا تغيره خالص يا تفكه و تزيته من جوه ... لو دبرياج دورة زيت شوف الزيت ناقص ولا لا ... والله تعالى اعلى واعلم