موقف صعب جداولكن ربنا ستر

**AHMADKAMAL1** · 21-12-2013 01:29 PM

حصلى موقف صعب جدا مع الاسرة وانا راجع من حلوان حبيت احكية لكى يستفيد منة السادة الاعضاء:-)
وانا راجع من حلوان الى اكتوبر وفى طريق شبة مقطوع الساعة ٨ مساءاعند عين حلوان ناحية المصانع بعد المطب سمعت صوت طرقعة جامدة وطخبيط من النحية اليمين والطريق ضلمة كحل وفيش حد ماشى فية خفت انزل الصوت عمال يزيد
قمت واقف بطلت العربية وشغلت تانى الصوت راح بس لاقيت علامة البطارية ظهرت فى التابلوة اتصلت بجوز اختي قالىدا سير الدنامو اتقطع وقالى اكمل بالعربية لحد صقر قريش فى المعادي بصراحة خفت امشي المسافة دي كلها لاحسن البطارية تفضي ومعايا الاولاد والمدام انا عارف ان فى ورش جنب جامعة حلوان فى عزبةالولدة قلت اجرب لان المسافه تقريبا نصف كيلو وكان دا توفيق من عند ربنا المهم انا متعود دايما احتفظ بالسيو ر او فلتر الهواء االلي بيتشالوا كل اربعين الف انا كنت شايلهم احتياطي العربية عاملة 110 الف المهم رحت لاول واحد ميكانيكى وقمت واقف البور تقل جدا وعرفت بعد كدة ان سر البور مع سير الدينامو اتقطعوا مع ان فاضل على عمرهم الافتراضى عشرة الاف كيلوا المهم فتحنا الكبوت. والراجل عجوز قلت حلو دا خبرة اديتة السير القديم قعد ساعة ومعرفش يركبهم وقالى دا مش السير الاصلى يلعم دان راكب ٣٥الف وانا مغيرهم فى التوكيل شككني فى نفسى المهم قلتلوا طب فى ورشة تانية قريبة زعل وقالى انا خبير المهم قلتلوا بطل شغل لاني لقيتوا بدا يعك ويفك فى مسامير رحت شاورت لصبي في الورشة واديتة خمسة جنية قالى فى ورشة جنبنا بتشتغل فى العربيات الحديتة وعندة كشف بااكمبيوتر رهوان وجريت على الورشة لقيت شاب لابس يونيفورم وكلمتة لاقيتة فى قمتة الاحترام وكان شغال فى عربية باسات و سابها علشان قلتلوا انا معايا اطفال وجة معايا وجاب العدة ومن اول نظرة لقيتة محترف قلى العربية فيها اربع شدادات لالزم يتهوا علشان اركب السيرين وفعلا في ربع ساعة ركب السيرين ولكن البطارية كانت نامت بسبب المتخلف اللى قبلية وجاب بطارية والعربية الحمد للة دارت ومشيت وحمدت ربنا جدا انة سترها معايا بعد ساعتين المهم قالى اللنتا عاملتهة انى مشيت بالعربية غلط جدا لان طرمبة المية ودورة التبريد وقفت مع سير الدينامو وحظك ان المسافة قريبة والجو بارد لان فى ٥٠٠متر نص اقربة نقص وكان المتور والصبابات كان هايضعوا المهم يبقى السوال ازاى السيور تتقطع قبل معادها١٠٠٠٠ الاف كيلوا وفى النهاية الحمد للة رب العالمين انا حبت انقل التجربة لكى قد يستفيد السادة الاعضاء من الموقف.

**dr-hoshos** · 21-12-2013 01:39 PM

المشاركة الأصلية كتبت بواسطة ahmadkamal1

حصلى موقف صعب جدا مع الاسرة وانا راجع من حلوان حبيت احكية لكى يستفيد منة السادة الاعضاء:-)
وانا راجع من حلوان الى اكتوبر وفى طريق شبة مقطوع الساعة ٨ مساءاعند عين حلوان ناحية المصانع بعد المطب سمعت صوت طرقعة جامدة وطخبيط من النحية اليمين والطريق ضلمة كحل وفيش حد ماشى فية خفت انزل الصوت عمال يزيد
قمت واقف بطلت العربية وشغلت تانى الصوت راح بس لاقيت علامة البطارية ظهرت فى التابلوة اتصلت بجوز اختي قالىدا سير الدنامو اتقطع وقالى اكمل بالعربية لحد صقر قريش فى المعادي بصراحة خفت امشي المسافة دي كلها لاحسن البطارية تفضي ومعايا الاولاد والمدام انا عارف ان فى ورش جنب جامعة حلوان فى عزبةالولدة قلت اجرب لان المسافه تقريبا نصف كيلو وكان دا توفيق من عند ربنا المهم انا متعود دايما احتفظ بالسيو ر او فلتر الهواء االلي بيتشالوا كل اربعين الف انا كنت شايلهم احتياطي العربية عاملة 110 الف المهم رحت لاول واحد ميكانيكى وقمت واقف البور تقل جدا وعرفت بعد كدة ان سر البور مع سير الدينامو اتقطعوا مع ان فاضل على عمرهم الافتراضى عشرة الاف كيلوا المهم فتحنا الكبوت. والراجل عجوز قلت حلو دا خبرة اديتة السير القديم قعد ساعة ومعرفش يركبهم وقالى دا مش السير الاصلى يلعم دان راكب ٣٥الف وانا مغيرهم فى التوكيل شككني فى نفسى المهم قلتلوا طب فى ورشة تانية قريبة زعل وقالى انا خبير المهم قلتلوا بطل شغل لاني لقيتوا بدا يعك ويفك فى مسامير رحت شاورت لصبي في الورشة واديتة خمسة جنية قالى فى ورشة جنبنا بتشتغل فى العربيات الحديتة وعندة كشف بااكمبيوتر رهوان وجريت على الورشة لقيت شاب لابس يونيفورم وكلمتة لاقيتة فى قمتة الاحترام وكان شغال فى عربية باسات و سابها علشان قلتلوا انا معايا اطفال وجة معايا وجاب العدة ومن اول نظرة لقيتة محترف قلى العربية فيها اربع شدادات لالزم يتهوا علشان اركب السيرين وفعلا في ربع ساعة ركب السيرين ولكن البطارية كانت نامت بسبب المتخلف اللى قبلية وجاب بطارية والعربية الحمد لله دارت ومشيت وحمدت ربنا جدا انة سترها معايا بعد ساعتين المهم قالى اللنتا عاملتهة انى مشيت بالعربية غلط جدا لان طرمبة المية ودورة التبريد وقفت مع سير الدينامو وحظك ان المسافة قريبة والجو بارد لان فى ٥٠٠متر نص اقربة نقص وكان المتور والصبابات كان هايضعوا المهم يبقى السوال ازاى السيور تتقطع قبل معادها١٠٠٠٠ الاف كيلوا وفى النهاية الحمد لله رب العالمين انا حبت انقل التجربة لكى قد يستفيد السادة الاعضاء من الموقف.

حمدا لله على سلامتكم و فعلا بتبقى مواقف صعبة خاصة و الواحد معاه اهل بيته

**Khaled Lanos** · 21-12-2013 02:55 PM

حمد لله على السلامة وللأسف قطع الغيار في مصر بقت زبالة وانا عن نفسي بغيرها قبل معادها.

**Omar_4ever** · 21-12-2013 05:59 PM

العمر الإفتراضي بيبقي متحدد على اساس ظروف معينة واكيد عندنا في مصر الموضوع مختلف
انا عن نفسي بغير السيور كل 60 الف كيلو عشان دي مفيهاش هزار
وحمد الله على سلامتك

**dr/hamza** · 21-12-2013 06:12 PM

عادى ممكن تحصل فى مصر

**edodahab** · 21-12-2013 06:56 PM

ايه نوع العربية يا باشا؟

**oyosof** · 21-12-2013 08:22 PM

طرمبة الميه فى العربيات الحديثة بتشتغل مع سير الكاتينة فقط و ملهاش علاقة بسير الدينامو

**AHMADKAMAL1** · 21-12-2013 08:43 PM

العربية سوبر صالون نيسان صنى 2010 طرمبة المية ودورة التبريد بتشتغل مع سير الدينامو وليست سير الكاتينة ودة فى النيسان صنى معرفش اية العربيات الحديثة وسير البور بيشغل معاة التكييف انا لما السير اتقطع بعد 500 متر القربة غليت وفارت المية الخضراء . وفى النهاية الحمد للة بس الواحد لما يفكر السير تمنة 120 جنية ممكن يبوظ ماتور عربية ومتشتغلش خالص ودة اللى انا شفتة.
تاتى حاجة السيور بتتغير على اربعين الف وانا بغيرها 35000 الف ما هى اسباب والعوامل التى تساعد على قطعها.
تالت حاجة لية المصريين الى ما بيعرفش فى الحاجة يقول ماعرفش وامتي هانبطل فهلوة.
عموما انا رحت التوكيل وغيرت السيور والبوجيهات ودفعت 420 جندى واطمنت على العربية والمهندس اكدى على ان سير البور والكاتيتة من اخطر الحاجات فى العربية والناس بتهملهم وتجيب حاجات صينى علشان 50 جنية فرق. بس يبقى السوال امتى سير الكاتينة الجنزير فى النيسان يتغير المهندس قالى مابيتغيرش وبتغير مع عمرة الماتور على 200 او 250 الف.

**mamdouhsh1973** · 21-12-2013 09:19 PM

حمد للة بالسلامة الموقف زى دة حصلى بس السيارة كانت شاهين والسير اللى اتقطع سير الكاتينة على الدائرىبس فعلا انا كنت محتفظ بالقديم ولقيت ولاد الحلال اللى ركبهولى الحمد لله

**edodahab** · 21-12-2013 10:03 PM

يا باشا عادى احمد ربنا
انا سير الدينامو اتقطع الاسبوع اللى فات و المفاجأة ان عربيتى نيو صنى عاملة الفين كيلو بس ههههههه
هو غالبا المصنع بيسترخص و بيحط قطع غيار رديئة