أرجوكم مساعدة ضرورية

**Ahmed sahab** · 23-12-2013 11:09 AM

انا رحت لبتاع العفشة قلت اربط عليها من زمان مكشفتش عليها ولا ربطت عليها فقلت لازم اروحلة المهم بعد الكشف كانت مصيبة قالي عايزين 4 مساعدين + 2 مقصات + شوية جلب + هيفك الاسقطرة ويقولى عايزة اية الاسقطرة
المهم نويت اشد العفشة كاملة موتورى 1100 سي سي 4 غيار فقلت اغير كل شي فى العفشة واريح دماغي ايه المطلوب جديد ولا استيراد ؟
هو يقولي جديد احسن من الاستيراد انا خايف اجيب جديد ويخرب وخايف يطلع صيني ويبوظ بعد فترة ياريت تنصحوني والاسعار لو سمحتوا؟

**ahmed_moeaz** · 23-12-2013 11:50 AM

اولاً هتشوف عفشجى تانى غير ده وخليه يكشف على العفشة وشوف هيقولك ايه ، واللى عايز يتغير هاته استيراد

**Ahmed sahab** · 23-12-2013 09:46 PM

فعلا رحت لبتاع عفشة تانى ونفس الكلام الاول أنا دلوقتي محتار بين جديد والاستيراد وفي حد جرب الاستيراد وبيعيش معاك ولا شهرين ويخرب منك

**ahmed_moeaz** · 24-12-2013 04:13 AM

انا عن نفسى بروح لبتاع الاستيراد وبروح جايب العفشة يمين مثلاً كلها كاملة من اول البطاحة للمساعد للياى بكل حاجة وبفك القديم وبطلع منه السليم وبشيله عندى وبفضل ماشى على الاستيراد بتاع 6 شهور مثلاً او اكتر على حسب حاجته وبعد كده بشوف ايه اللى عايز يتغير وبوفقله من القديم بتاعى او اشتريه استيراد بردو ، بصراحة افضل مادياً وعمليا من شراء الجديد من وجه نظرى المتواضعة

**mamdouhelsayd** · 24-12-2013 08:03 AM

مفيش أحسن من الجديد من مكان مضمون وريح دماغك

**amr011111** · 24-12-2013 08:54 AM

طبعاً جديد لان معنى الاستيراد ان ال 128 بيستوردوها من بره انما طبعاً ده كلام ميدخلش عقل علشان مفيش عربيه 128 موجوده بره مصر علشان يستوردوها
بتبقى غالباً عربيات حوادث متاخد منها قطع الغيار
وطبعاً العفشه بالذات من الحاجات المستهلكه فممكن تشتريها تمشيك فتره قليله واقل من الصينى كمان

كمان ممكن تلاقى جلب المقصات الاستيراد اكمنها كاوتش نشفت يبقى الافضل جديد حتى لو صينى
يعنى انا فاكر ان كان فيه كبالن او مقصات صينى وايطالى الفرق بينهم بسيط