صوت طقطقة عند لف الدركسيون شمال

**aliabutaleb** · 23-12-2013 01:42 PM

السلام عليكم يا أحسن ناس
للي مش متابع منكم انا بالفعل غيرت علبة الدركسيون في التوكيل من حوالي 6 شهور بعد ما حسيت إن صوت الترزيع المعتاد زاد بشكل ملحوظ.
التوكيل من نفسهم قالوا العلبة وإنها محتاجة تتغير ولأني برة الضمان أخدوا استثناء من دايهاتسو اليابان لتغييرها بلا مقابل.
بعدها العربية كانت زي الفل وزي الزيرو بالظبط.
من حوالي شهر فوجئت بصوت طقطقة لما بالف الدركسيون ناحية الشمال.
صوت الطقطقة ده مكانش معتاد عندي حتى قبل ما أغير العلبة.
انا عندي معاد الصيانة الدورية يوم السبت اللي جاي إن شاء الله ولما كلمت الكول سنتر قلتلهم إني بخلاف الصيانة باشتكي من الصوت ده.
أنا بصراحة قلقان أحسن تكون علبة الدركسيون مرة تانية لأني بصراحة معنديش استعداد أدفع فيها ألوفات زي ما سمعت سعرها ولأني مش عاوز أدخل في جدالات معاهم.
في احتياج لنصائحكم القيمة.

تحياتي

علي

**aliabutaleb** · 23-12-2013 01:59 PM

نسيت أقول إني عملت بحث في المنتدى ولقيت أكتر من حد بيقول إن دي أعراض الكوبلن.
لو كان كوبلن فعلاً هل ممكن يتصلح ولا لازم أشتري جديد؟
ولو كدة فعلاً سعره كام يا ترى؟

**akmm** · 23-12-2013 03:05 PM

دى اكيد اعراض تلف الكوبلن وتحديدا راس الكوبلن الخارجى ... لما الكاوتشه غالبا بتتلف او تتشق ويدخل الرمال والاتربه ويتسرب الشحم بيكون الكوبلن او البلى اللى فيه مع اماكن المجريات بتاعته تلفت ... تقريبا لايمكن اصلاح الكوبلن ولكنك لو في الضمان ممكن تتكلم معاهم على اساس انه قطعه ميكانيكيه من قط الجر في العربيه .... وحاول تغير راس الكوبلن فقط وانصح بالاصلى من التوكيل .

**aliabutaleb** · 23-12-2013 04:40 PM

المشاركة الأصلية كتبت بواسطة akmm

دى اكيد اعراض تلف الكوبلن وتحديدا راس الكوبلن الخارجى ... لما الكاوتشه غالبا بتتلف او تتشق ويدخل الرمال والاتربه ويتسرب الشحم بيكون الكوبلن او البلى اللى فيه مع اماكن المجريات بتاعته تلفت ... تقريبا لايمكن اصلاح الكوبلن ولكنك لو في الضمان ممكن تتكلم معاهم على اساس انه قطعه ميكانيكيه من قط الجر في العربيه .... وحاول تغير راس الكوبلن فقط وانصح بالاصلى من التوكيل .

أشكرك جداً.
حضرتك عندك فكرة عن سعره جديد لسيريون؟ انا عربيتي خارج الضمان.

**aboomar22** · 23-12-2013 04:54 PM

صوت الطقطقة ده وانت ماشى ولا وانت واقف اصل ممكن يكون الكوبلن وممكن تكون البطاحة

**mohamed_rhem** · 23-12-2013 06:41 PM

ده كوبلن فعلا

سعره في التوكيل معدي كذا الف جندي

اسأل عنه عند العالمية او الوليد عبدالله خبير الديهاتسو

**aliabutaleb** · 25-12-2013 06:50 AM

المشاركة الأصلية كتبت بواسطة mohamed_rhem

ده كوبلن فعلا

سعره في التوكيل معدي كذا الف جندي

اسأل عنه عند العالمية او الوليد عبدالله خبير الديهاتسو

كذا ألف؟ يا خبر أبيض.
أشكرك يا محمد :(

**aliabutaleb** · 25-12-2013 01:02 PM

عملت جولة اتصالات تليفونية النهاردة وأكتر من حد قاللي إن غالباً المشكلة في راس الكوبلن وليست الكوبلن كامل وبالتالي خسارة إني اغير الكوبلن كله. طبعاً ده مش هايتحدد غير بعد زيارة التوكيل يوم السبت إن شاء الله.

نتايج الاتصالات كما يلي:

المصرية اليابانية
معندهمش رأس الكوبلن لوحدها. سعر الكوبلن الأصلي كامل 1200 جنيه استيراد وعلى قولهم استعمال في حالة الجديد
والكوبلن الأصلي جديد سعره حوالي 3000 جنيه

العالمية
ممكن يشوفلي الراس بكام بس عاوزني أفكهاله الاول ومش هايقدر يقول سعرها غير لما يشوفها.
سعر الكوبلن كامل 2950 جنيه

عبد الله - الوليد
سعر الرأس تايواني 250 جنيه. الكوبلن كامل 700-800 جنيه

مصطفى الطوخي
سعر الكوبلن الأصلي 1500 جنيه استيراد استعمال الخارج.
سعر الجديد 3000 جنيه

علي نجم - الإسكندرية
موجود الكوبلن كامل فقط ولا يعطي اسعار بالتليفون

فاروق - باب اللوق
سعر الرأس التايواني 190 جنيه ومينفعش يبيع غير اتنين. وبيقول الاتنين زي بعض بالظبط بيركبوا مكان بعض يعني اليمين زي الشمال

أوشين
عنده الرأس التايواني بـ 170 جنيه

دايهاتسو لاند
عنده الرأس التايواني بـ 280 جنيه.

**amrico** · 29-12-2013 09:09 AM

منصحش حضرتك بحاجة مستعمل (في حالة الجديد) على حد قول البعض

-

الموضوع: صوت طقطقة عند لف الدركسيون شمال

LinkBack

أدوات الموضوع

عرض

صوت طقطقة عند لف الدركسيون شمال - انشر الموضوع فى :

-

-

-

-

-

-

-

المواضيع المتشابهه

صوت تنفيس هواء من ناحية الدركسيون يختفي بلف الدركسيون يمن أو شمال

صوت طقطقة فى العجلة الأمامى شمال

طقطقة قدام شمال

طقطقة و انا بلف شمال

طقطقة لما بجى الف الدركسيون شمال جامد 128

الكلمات الدلالية لهذا الموضوع

المفضلات

المفضلات

ضوابط المشاركة