الموضوع: كريستاله ولا حاجه تانيه؟؟

السلام عليكم
انا متابع جيد للمنتدي الجميل ده وتشرفت بالانضمام :)
ومحتاج مساعده من اهل الخبرة في الاختيار
انا بدور على عربية في حدود 45 الف وممكن يوصلوا ل 50 بالعافية ولو اني افضل ان السعر يكون اقل من 50 الف

العربية هتبقي استخدام يومي وكمان سفر مره ع الاقل شهريا
مش بحب الجري اوي جوه المدينة بس اكيد مهم اتزان العربية وانا مسافر ع الصحراوي مع السرعه
الافضل لو تكون قطع الغيار متوفره ومعمرة
عايز العربية اجيبها حاله كويسه مش محتاجه مصاريف

الاقتراحات قدامي السيفيا والشوما والكريستاله
حاسس ان الكريستاله اكثرهم عملية وثبات وممكن تكون اقل رفاهية
ياريت توضحولي الافضل فيهم بالموديل ورينج السعر؟ وهل فيه اقتراحات انسب ؟

معروض عليا كريستاله بس لسه هشوفها الاسبوع الجاي ان شاء الله
راشه كلها بره لان كانت مغيره لون ودلوقتي رجعت للونها الاصلي تاني
موديل 99
1600 سي سي
مانيوال
عداد 180 الف كيلوا
صيانه دورية في التوكيل
كانت مرفوعه 4 سنين
فرش جلد جديد
مش فيها زجاج كهربا ولا عداد rpm
استخدام سيده ومعاها من الزيرو

ايه رايكم في عربية بالمواصفات دي وهل
وهل حد يعرف الفئه دي باقي مواصفاتها وكماليتها ايه او ايه اللى هيبقي ناقص فيها تاني
وتساوي كام
وايه اللي اخلي بالي منه وانا بشوفها

وهل هيا افضل ولا فيه اقتراحات تانية؟