إلى كل حاجزي ال301 ربنا يستر

**abohend** · 24-12-2013 01:29 PM

السلام عليكم و رحمة الله و بركاته
أنا مش عايز أخضكم بس للأسف هخضكم
كان في إتفاقية في 2010 بين مصر و و الإتحاد الأوروبي و تركيا على خفض الجمارك تدريجيا على السيارات الأوروبية المستوردة بنسبة 10% سنويا حتى يتم إلغائها تماما بحلول 2019
الموضوع باختصار إن الحكومة الله يعمر بيتها هتعطل إتفاقية تخفيض الجمارك على السيارات الأوروبي و التركي لمدة عام (بحجة تشجيع الصناعة المحلية....مش عارف قصدهم صناعة ايه بالضبط)

طب و إحنا مالنا يا عم.....إحنا مبنشتغلش فالإستيراد
المشكلة الكبرى إن الغلابة الحاجزين و لسه مستلموش و إستلامهم هيبقى فالسنة الجديدة فالغالب و الله أعلم هيطبق عليهم التعريفة الجمركية الجديدة (بدون تخفيض) و للأسف الشديد إن إستمارات الحجز اللي إحنا ماضيين عليها مع التوكيل بتقول (يتم تحديد السعر عند الإستلام)
و طبعا تأخير الإستلام عن وعود المندوبين مكانش بسبب المشتري لكن بسبب التوكيل (و طبعا مفيش تاريخ إستلام مكتوب في إستمارة الحجز .... لعيييبة)
من الآخر هنشربها إحنا و أي تغيير في التعريفة الجمركية هنلبسها إحنا

دي روابط الخبر

لمصلحة من‏:‏ وقف خفض الجمارك علي السيارات الأوروبية ؟ - الأهرام اليومي

تعطيل إجراءات خفض الجمارك على السيارات الأوروبية والتركية لمدة عام | Egy Speed

عشان كده رأيي اللي يعرف يجيب العربية فوري من أي معرض يجيبها أحسن (لأن ممكن الأوفر برايس ده تدفعه فرق جمارك بين 2013 و 2014 و متستلمش فوري)

طبعا الموضوع كله نظرة شخصية مفيش أي حد من توكيل بيجو أو أي توكيلات أوروبية أخرى قال إن هيبقى في زيادة..لكن أنا شفت الخبر و حبيت أنقله للأعضاء

و عن نفسي هشوف العربية بره فالمعارض عاملة كام لو الفرق أقدر عليه هبيع عربيتي و أشتري ال301 فوري أحسن
تقبلوا تحياتي

**تامر.محمد** · 24-12-2013 01:33 PM

الخلاصة زي ما هو واضح ان فيه وكيل من بتوع الكوري التقال (بدون اسماء غبور او منصور) شخلل للحكومة و الحكومة داست
و بالتالي الاوروبي كله هايولع من مجرد الاشاعة اصلا

زي الفل

**abohend** · 24-12-2013 01:45 PM

المشاركة الأصلية كتبت بواسطة تامر.محمد

الخلاصة زي ما هو واضح ان فيه وكيل من بتوع الكوري التقال (بدون اسماء غبور او منصور) شخلل للحكومة و الحكومة داست
و بالتالي الاوروبي كله هايولع من مجرد الاشاعة اصلا

زي الفل

المهم أنه من غير أسماء

الله ينور

**تامر.محمد** · 24-12-2013 01:50 PM

متأكد بس من المعلومة دي ؟

اصلها غريبة اوي
ماظنش سهل ابدا ان البلد تعلق اتفاقية كده و خلاص !

**iUsef** · 24-12-2013 01:53 PM

يا جماعة مش معني ان مفيش جمارك هتنزل يبقي الاسعار هتطلع المعني ان يبقي الحال كما هو عليه وعلي المتضرر ان لا يشتري باسعار مبالغ فيها بحجة التسليم الفوري وده لمصلحته
إلا اذا بعد الشر الدولار طلع في العالي ساعتها فعلا العربيات هتعلي وهاتيجو تضربوني عشان قلت بلاش اوڤر برايس

**Abu Malek** · 24-12-2013 02:18 PM

تعليق الاتفاقية فى التخفيض بس يابو هند
المفروض كان من اول السنة هيحصل تخفيض 10% هيتاجل سنة واحدة بس
انما الاسعار الحالية تبقى على ماهى عليه
يعنى المفروض لو كانت الاتفاقية شغالة السنة الجديدة كان سعر البيجو هيرخص كمان
انما دلوقتى هيفضل زى ماهو مش هيغلى الا لو الدولار عملها تانى وزاد

**abohend** · 24-12-2013 02:23 PM

المشاركة الأصلية كتبت بواسطة mzeid

معنى انهم مش هيطبقوا التخفيض يبقى الأسعار ستظل على ما هي عليه الآن

أنا شايف إنها هتزيد
و خد مثال على كده العربيات الكوري
سنة ورا سنة الأسعار بتنط لفوق (مثلا السيراتو أو الكارينز)
و لو التخفيض مطبقش على العربيات الأوروبي زي كل سنة أكيد أسعار الموديلات الجديدة على الأقل (إن مكانش كل العربيات المستوردة ف2014) هتزيد جامد جدا زيها زي الكوري في ظل الحالة الإقتصادية المتردية اللي بنعيشها و ضعف الجنيه أمام العملات الأجنبية
و ده االي الناس التقيلة زي غبور و منصور بيسعولوا عشان يعرفوا يتحكموا فالسوق من جديد و الناس ترجع تقبل على العربيات التقفيل المصري غصب عنها نظرا لإرتفاع أسعار جميع العربيات المستوردة
يا ريت ظني يطلع مش فمحله
لكن من خبرتي في مصرنا الحبيبة كل القرارات بتبقى لمصلحة التجار الكبار و على دماغ المستهلك

-

-

-

الموضوع: إلى كل حاجزي ال301 ربنا يستر

LinkBack

أدوات الموضوع

عرض

إلى كل حاجزي ال301 ربنا يستر - انشر الموضوع فى :

-

-

-

لأ ممكن تزيد -

المواضيع المتشابهه

ربنا يستر

ربنا يستر

ربنا يستر

الكلمات الدلالية لهذا الموضوع

المفضلات

المفضلات

ضوابط المشاركة