مشكلة كبيرة بعربيتى بيجو 405 برستيج

**NightmarE84** · 24-12-2013 02:07 PM

السلام عليكم

انا عندى عربية بيجو 405 برستيج أنجيكشن وعندى صوت تكتكة كده بيروح وبيجى بس مش مأثر فى حاجة معايا الحمد لله سواء سحب او اكل زيت او دخنة
ولما روحت للميكانكى قالى لازم وش السلندر يتغير ويتركب وش سلندر فبريكة لم يتم خرطه يتفك من على موتور ويركب عند فقط يتم تغير أولسيهات الصباب عشان مش تهبب ,(طبقا لاستشارة 2 صنايعىة لكن اللى بتعاملم معاه اولهم)
وسبب قوله انه مينفعش اركب وش مخروط او مقشوط زى ما بيقولوا
انه لما بيتم خراطة الوش او قشطه بيتم ازالة نسبة من جسم وش السلندر واللى بيترتب عليه تقليل المسافة اوا لابعاد داخل الموتور وغرف الاحتراق داخله
واذا تم تركيب الوش على هذه الحالة مع استعمال جوان وش سلندر واحد هيؤدى لقلة عزم الموتور
ولو حاولت اعوض الفارق بتاع النسبة اللى تم ازالتها فى خراطة الوش من خلال تركيب 2 جوان وش سلندر فوق بعض معا
هيخلى العربية تسخن
وهى دى المعلومة اللى توصلت ليها لما قالى فى البداية انه لازم وش إستندر متلعبش فيه نهائى
ولما روحت اتاكد منه فعلا أكد ما سبق ذكره
وقالى انه الخواجات عملوا المواتير بابعاد لو قلت او زادت بتأثر بالسلب على الموتور والعربية كلها

وكمان ذكر حاجة انه غلط انه يتم خراطة وش السلندر ونه اذا كان فيه عيب من سخونة او خلافه فلابد من تغييره باخر استيراد متلعبش فيه

وللعلم انا روحت لاخرين ذكروا لى انه العيب فى البلوك نفسه وانه فى بستم سايب جوه الشيمز
واخر قالى بنز بستم واخرين قالوا لى انه عربيتى مش بيتزبط لها تاكيها وانه تاكيهاتها ضغط هواء وانها بتتزبط لوحدها واخرين قالوا انها عادى بيتزبط لها تاكيهات

وانا روحت لبتاع تاكيهات عشان يزبط العربية عشان صوتها مكانش عاجبنى وبعدها العربية مش بقت مظبوطة ودخنت دخنة سوداء واتزبطت بعد ما عمل التاكيهات عند شخص تانى

ومن 10 ايام لما حبيت اشوف الصوت ده من ايه روحت لواحد بتاع تاكيهات كشف عليها قالى انه التاكيهات مظبوطة ومش محتاجة ظبط
وانه الصوت ده (دليل خفيف , بنز بستم )
واراء اخرى بتقول دى صبابات هى اللى مسببة صوت الكركرة اللى بيعلى ويوطى ده

فى انتظار تعليقاتكم

**misho2008** · 24-12-2013 03:36 PM

لما بتدور العربية وهى باردة الصوت بيبقى عالى وبعدين بيخف

**misho2008** · 24-12-2013 03:40 PM

معلومة جوانين يسخنو العربية دية غلط
المفروض العكس لما العربية بيتقشط الوش وتركب جوان واحد مسافة غرفة الحريق بتقل والعربية تسخن بس هتبقى سريعة اوووى
ال 405 سهلة
الصوت لو رنة بستم متعملش فية حاجة لانو بيخبط بالديل بتاعة لحد ما الزيت يملى الفراغات والصوت يقل
ال405 العادة بيتظبط ليها تاكيهات اورجينال من المانوال 45 سماكة الطبق بتاع التاكيه
بأكد عليك لو الصوت رنة بستم انسااااااة

**NightmarE84** · 24-12-2013 05:28 PM

المشاركة الأصلية كتبت بواسطة misho2008

معلومة جوانين يسخنو العربية دية غلط
المفروض العكس لما العربية بيتقشط الوش وتركب جوان واحد مسافة غرفة الحريق بتقل والعربية تسخن بس هتبقى سريعة اوووى
ال 405 سهلة
الصوت لو رنة بستم متعملش فية حاجة لانو بيخبط بالديل بتاعة لحد ما الزيت يملى الفراغات والصوت يقل
ال405 العادة بيتظبط ليها تاكيهات اورجينال من المانوال 45 سماكة الطبق بتاع التاكيه
بأكد عليك لو الصوت رنة بستم انسااااااة

الصوت بيبقى عالى مع بداية الدوارة ومستمر لكنه بعد ما العربية بتسخن بيزيد ويقل لكنه مش بيختفى
وهتلاحظ انى لما بدوس بنزين واسيب بلاقى الصوت يظهر بوضوح اكتر سواء اكانت العربية سخنة او باردة

دول 2 لينك للصوت اللى يتشكى منه

http://www.4shared.com/file/LGKv8a4p/002.html

http://www.4shared.com/file/lYje9PdG/001.html