زيت فتيس اوتوماتيك

**mohd7380** · 25-12-2013 12:33 AM

تحياتي و سلامي للجميع

غيرت فتيس عربيتي اوتوماتيك بولو 2001 و انا بركبه الميكانيكي مرضيش يحط زيت غالي لغاية مانجرب الفتيس , فحط زيت موتور شل كمية قد غطاء فقط و بعد كدة جاب 4 كيلو زيت باور ابيض ال هو علبته صفرا

طلعنا جربنا الفتيس تمام و مية مية , قالي امشي على الزيت دة اسبوع على مانتاكد انه تمام و الزيت يلم الرايش القديم من الركنة و بعدين نزله و حط زيت ابيض غالي

عملت زي ماقال بالضبط مشيت بالعربية بالضبط 500 كم و غيرت بزيت swag ابيض ب 110 جنيه للكيلو و مشيت بالعربية لغاية ماوصلت ل 900 كم بدا الفتيس يعمل مشاكل

السؤال : هل زيت swag كويس و لا بيعمل مشاكل

ارجوا الافادة

**alzelafy** · 25-12-2013 01:57 AM

ايه هى المشاكل اللى حصلت ؟؟؟؟ قيس مستوى الزيت عشان لو ناقص 400 ملى حتى بيعمل مشاكل انا حسيت باختلاف فى النقل عندى فرحت اشوف المستوى قالى ناقص حاجه سيطه فكان معايا زيت فقلتلو زود و الفتيس خد 400 ملى و اتظبط بعد كدة

**mohd7380** · 25-12-2013 03:05 AM

هو ممكن الزيت يلحق ينقص ؟
المشاكل انها و هي باردة بتنقل اول وتاني بتفويت و رزع بسيط و لما تسخن بتعمل صوت ونة كرونة بس تنقل كويس
رغم انه قعد اسبوع مفهوش اي حاجة خالص قبل غيار الزيت

**ra3d** · 25-12-2013 09:38 AM

معلش سؤال
هو حضرتك ركبت فتيس مانيول علي 1000 سي سي ؟؟؟؟

**mohd7380** · 25-12-2013 06:27 PM

المشاركة الأصلية كتبت بواسطة alzelafy

ايه هى المشاكل اللى حصلت ؟؟؟؟ قيس مستوى الزيت عشان لو ناقص 400 ملى حتى بيعمل مشاكل انا حسيت باختلاف فى النقل عندى فرحت اشوف المستوى قالى ناقص حاجه سيطه فكان معايا زيت فقلتلو زود و الفتيس خد 400 ملى و اتظبط بعد كدة

انا رحت كشف على الزيت لاقيت 3 كيلو ناقصين من 4
زودت زيت و عملت جوان جديد للكرتيرة و الفتيس الحمد لله رجع زي يوم ماجبته الونة و الرزع و كل حاجة راحت

بس طبعا انا حطيت زيت رخيص ب 70 جنيه علشان اجرب الكرتيرة ممكن حضرتك تنصحني بزيت حلو و منين اجيبه