الموضوع: صوت على السرعات البطيئة قي العجل الأمامي

انا معايا نيسان صني الشكل الجديد موديل 2013 باسمع زنه في العجل الامامي مع السرعة البطيئة اول ما اطلع بالعربية و الف ملف الزنة بتختفي بعد سرعة 40 تقريبا و ترجع مع السرعة البطيئة تاني مش عارف ايه سببها لما كنت في التوكيل فيي الصيانة عملوا الصيانة و قالوا لي انها من تيل الفرامل و عاوز يتنضف مع اني كنت مغيره بعد 8 الاف كيلو و انا كنت في صيانة ال10 الاف المهم نضفوه و بردو المشكلة موجودة و التعامل في التوكيل زي الزفت و بطئ جدا (صيانة ال10 الاف قعدوني 4 ساعات و تلت) فأنا بصراحة ما عنديش استعداد ارجع لهم تاني و كمان مش واثق فيهم لأن تيل الفرامل في عيوب صناعة لما رحت و قلت لهم ان مغيره تحت 10 الاف كليول قالوا كنت جيت لنا و احنا غيرناه في الضمان (يعني هما كانوا عارفين ان التيل بايظ و ساكتين و لا قالوا حاجة) المهم اصوت كأنه حكه بين حديد و بعضه او حاجة محتاج تتزيت او تتشحم لكن ايه الحاجة او الصوت منين مش عارف للأسف .

اولا انا اسف جدا على التأخير في الرد لأن لسه واصلني الأيميل ان في حد رد على الموضوع دلوقتي لأسف :(

بالنسبة لتظبيط الزويا عملته مرتين و مافيش نتيجة
بالنسبة لغسيل العربية و ضرب مياه جامد في التيل حصل و مافيش نتيجة بالعكس الوصت زاد !
بالنسبة لموضوع التوكيل لما عملت صيانة ال 10 الاف كيلو كنت قلت لهم عى المشكلة دي و ما عملوش حاجة قالوا ان تيل الفرامل عايز يتنضف و دفعوني 30 جنية عليه و ماحصلش حاجة بردو و الصوت زي ما هو و المرة اللي رحت فيها التوكيل قعدت اكتر من 4 ساعات فبصراحة زهقت و مش متأكد انهم هيغيروا حاجة في الضمان انا تجربتي معاهم بتقول انهم هيلبسوني المشكلة مهما كانت ايه و هيقولوا سوء استخدام . ( انا في اسكندرية اتعاملت مع التوكيل بتاع مرعي اللي في اول الزراعي بتاع سموحه)