الموضوع: محتاج مشورة ونصائح الاخوة الزملاء ضروري

السلام عليكم
الاخوة الزملاء..ارجو مساعدتي بالراي الصواب
انا مقيم بالسعودية ومقبل علي شراء سيارة..وشاهدت الفلوانس وحقيقة اعجبت بها جدا..بصراحة مش محتاج اكتر من كدة
مواصفاتها كالاتي
جنط17-حساسات خلفية-مرايات ضم-فتحة سقف-بلوتوث-طارة ملتي-مثبت سرعة ومحدد سرعة-بصمة-تكييف اليكتروني بوحدة خلفية وبتبريد امامي منفصل-درج التابلوة بة ثلاجة-وبالنسبة للموتور فهو من نيسان والفتيس xtronic-cvt ست سرعات والمكيف ايضا نيسان ياباني.حساسات مطر وضوء -عجلة قيادة تليسكوبية-لوحة عدادات ديجيتال وطبعاabs-ebd-pa. فوانيس عدسات معمولة سموك مع امكانية تحريك العدسات,فرامل يد كهرائية تتش ..ولكن الشكل الخارجي مختلف عن اللي في مصر وهي تقفيل سامسونج كوري ..وبصراحة التقفيل ممتاز والعربية روعة
وفعلا كنت دفعت لحجزها ولكني تراجعت وسحبت فلوسي..للاسباب التالية:
حسبت حسبة الجمارك لقيتها هتكون واقفة عليا اغلي بكتير من مصر..هي سعرها هنا 72500 ريال وعليها 5000 ريال خصم يعني ب67500
باالضافة اني قلقت من اختلاف الشكل عن اللي في مصر..وكمان انا كنت ناوي انزلها مش عشان بس اركبها هنا..لان الرينو هنا لو حبيت تبيعة هتزعل اوييييي
الان انا محتار وكل ما اتفرج علي سيارة تانية مش عارف اتقبلها بسبب الفلوانس
حتي الكورولا ماعجبتنيش..سعرها 62500 للنص فول..والكاملة70500 بس بصراحة الفلوانس اروع
شفت الالنترا الجديدة2014 بالتعديلات الجديدة ..سعرها معقول ال2000 سي سي كاملة بفتحة سقف ب68000 ريال ولسة ال 1600 منزلتش.. بس تقريبا هتبقي في حدود64000
والسيراتو بتبدا من 58000 للاستاندرد حتي 77000 ريال للكاملة وبصراحة فيها اوبشن عالي
حقيقي محتار وكان نفسي ابعد عن الكوري...وشفت المازدا3 ب 51000 ستاندرد بس في شكل جديد هينزل بعد 6 شهور..وفكرت في الشارك بس الميتسوبيشي هنا شبة ملوش وجود بسبب ضعف الوكيل
الخلاصة ان شكلي هختار بين الالينترا وهي بعد التعديل الجديد صارت احلي كتير بس حاسس انها برضة(بلاستيك) وبين الكورولا
ارجو اعطائي ارائكم ونصيحتكم..وهل انا كنت علي صواب عندما تراجعت عن الفلوانس والا اية
ارجو نصائح الزملاء خاصة الموجودين بالسعودية..واتمني نصيحة الاخ الاستاذ صدام لاني معجب بأرائة...ولكم مني جميعا كل التحية..واعتذر عن الاطالة..بس مليش غيركم...تحياتي

المشاركة الأصلية كتبت بواسطة mnelmasry

اخي الكريم
اشكرك مرة اخري علي اهتمامك بالرد
حقيقة الامر اني معجب ومقتنع جدا بالسيارة ولكن الحسبة المادية هي ما تجعلني اتراجع..تعالي احسبهالك
ثمن السيارة-67500 ريال *1.95 = 131625
التكلفة بعد الجمارك- 131625*حوالي 66%
=حوالي 218000
ودة فرق كبير جدا عن مصر
ولو وضعنا في الاعتبار تخفيض الجمارك بنسبة 30% بعد خمس سنين ..فايضا نضع في الاعتبار انخفاض قيمتها كسيارة مستعملة مضي علي موديلها 5 سنين
لذلك حسبت تكلفتها بسعر اليوم
ودة طبعا ينطبق علي اي سيارة تنزل من الخارج مش الفلوانس فقط
واختلاف الشكل الخارجي الامامي برضة مضايقني..بس فرق التكلفة هي الفيصل في الموضوع
معلش طولت علي حضرتك بس قلت تشاركني الحيرة...لاني من ساعة ما شفت الفلوانس وركبتها مش قادر اتقبل اي عربية كوري..حتي الكورولا بالنسبة للفلوانس لا تقارن(رايي الشخصي )ولكن ميزة وحيدة في الكورولا او الالينترا انهم ماسكين سعر في البيع وكمان سهولة بيعهم هنا في السعودية...تحياتي

اهلا بيك استاذ mnelmasry , لا شكر علي واجب , احنا كلنا اخوه فى المنتدي

انا حقولك علي حاجه .....انا كنت من كارهي الرينو والفرنساوي بصفة عامه لسنوات طويله
لحد ما شفت البيجو وفاجئتني بامكانياتها وقوتها وشكلها ووسعها
بعدها لقيت طالعه حاجه اسمها فلونس ....الصراحه كنت لا القي لها بالا اصلا .....بس اول ماركبتها وشفتها وقرأت عنها وسألت اصحابها ,,,,, مش ممكن , عربيه محترمه جدا وواسعه وقويه والشركه تطورت عن زمان وعماله تعمل اي حاجه ترضي العميل وامكانياتها الرهيبه ووووووو

علشان ماطولش علي حضرتك ....... انا قلت لحضرتك اني دايما بحب انصح اي حد بيفكر يجيب عربيه من الخليج لمصر ........لا لا لا............للاسباب الماديه قبل اي اسباب فنيه كانت او شكليه

فانا معاك انهاصفقه خاسره بلا محاله

هاتها من مصر وانت الكسبان
الفلوانس افضل من الكورولا فعلا

دمت فى امان الله