الموضوع: بالصور رائحة العادم و سبب غريب

السلام عليكم

من فترة بشتكي من رائحة عادم في العربية و بتبقي مركزة في الشنطة بعد اي مشوار طويل و طبعا بتدخل من الشنطة علي الصالون بنسبة معينة

الاول كنت شاكك ان الريحة من قدام و فعلا كان في جزء من قدام متسبب في الريحة دي هو ان وش السلندر بايظ و بيدخل العادم علي دورة المياة و بالتالي قربة المياة بتتملي عادم و البلوف بتنفس العادم للخارج و بيدخل الصالون خصوصا لو فاتح الشباك الشمال اللي ناحية القربة

غيرت وش السلندر و جوانات و استمرت الريحة في الظهور و لكن من الخلف
و ده موضوع تغيير وش السلندر :

http://www.nilemotors.net/Nile/390700-a.html


المهم

بتكلم مع واحد زميلي في الشغل بيفهم جدا في العربيات و متبهدل معاها من زمان قال ان المشكلة دي كانت قابلته في عربية مرسيدس زلموكة زمان بعد ما كان فيه شغل سمكرة في الاكصدامات الخلفية و داخ بسبب المشكلة دي و في الاخر لقي السمكري العبقري رمي الهوايات اللي تحت الاكصدام !!!


سمعت نصيحته و نزلت فكيت الفرش بتاع الشنطة و لقيت الهوايات متشالة و فعلا الراجل اللي قبلي كان عامل شغل سمكرة في الجنب ده

و دي الصورة لما لقيت المكان فاضي
[IMG][/IMG]



رحت طبعا اشتريت الهوايات دي استيراد و جبت اتنين مش واحدة لاني مكنتش عارف الناحية التانية اخبارها ايه و قولت بالمرة و دي صورة الهواية

[IMG][/IMG]

[IMG][/IMG]

ركبتها مكانها بصعوبة شديدة لان المفروض الاكصدام يتفك و اكصدام الانوس الخلفي صعب جدا تفكة فنمت تحت العربية و عملت شقلبظات لحد ما ركبتها و دي الصورة بعد التركيب

[IMG][/IMG]


النتيجة ان الريحة انخفضت بنسبة 90% او اكتر

الوضع الحالي ان فيه ريحة بسيطة قوي بس انا بتتبعها برضة بس بجد الهواية دي فرقت جدا جدا و كل ناحية فيها واحدة فلو حد عنده مشكلة الريحة يبص عليها

و مازال البحث مستمرا عن سبب ال 10% الباقيين انا راجعت علي كل طبب الشنطة و فكيت الكنبة و مش لاقي اي سبب تاني

اللي في دماغي عزل ضهر الكنبة بعازل قوي سواء ارمافلكس او غيره عن باقي العربية و بالتالي اي ريحة في الشنطة مش هتدخل بس ده مش حل ده تحايل علي المشكلة