الموضوع: مقبل ان شاء الله علي شراء تويوتا وعايز النصيحة من اعضاء قسم تويوتا

شكراً للاخوة الكرام علي سرعة الرد .. واللي فية الخير يقدمة ربنا

المشاركة الأصلية كتبت بواسطة george yousef

انا لسة جايب ال 2013 الشكل القديم من سمير ريان ب 162 وهي بصراحةماشاء الله عربية جميلة بس هي لسة عاملة 300 كيلو و هي بردو اول فئة خليجي بس انا بالنسبة لي كنت محتاج عربية عالية وده مش موجود في 2014 ونفس الوقت عربية متجربة ليها 3 سنين ومحدش اشتكى منها ولو عاوز تستفسر علي اي حاجة فيها تحت امرك

ياباشا اولاً الف مبروك علي حضرتك العربية وربنا يسعدك بيها ويعطيك خيرها ويكفيك شرها

الحقيقة انا في حيرة كبيرة لان الحقيقة لم اركب التويوتا من قبل كدة وكان معايا لانسر دي تالت عربية لانسر اللي معي الحالية الحقيقة عربية اعتمادية بشكل كبير وعربية محترمة فاحبيت الحقيقة اني اغير فكرت في الاول في الاوكتافيا لقيت مصاريفها كتيرة وقصة الفتيس ولقيتها الحقيقة دوشة فكرت في السيراتو الشكل الجديد خايف العربية تكون خفيفة زي اللي قبلها فكرت في الالنترا لقيتها زيها زي السيراتو فكرت في الكروز ناس قالتلي انها ضعيفة والحقيقة محتار فكرت الحقيقة في التويوتا الشكل القديم قلت كفاية اني مجرب الياباني في الانسر ومش هاتكون اقل من الانسر طبعاً اكيد هاتتفوق عن الانسر بس للامانة الانسر بدون مصاريف نهائي مفيش غير زيت وبنزين وتيل فرامل والصيانات الدورية فقط غير كدة الحقيقة لا .. وربنا يقدم اللي فية الخير

المشاركة الأصلية كتبت بواسطة george yousef

انا بردو كنت راكب ياباني قبليها بس نيسان وطبعا في فرق كبير خصوصا ان النيسان كانت 1300 ولكن ثق تماما ان السيارة لا يوجد اي شكاوي منها و مصاريفها محدودة بردو و ربنا يقدم اللي فيه ال خير

هو موديل 2013 اللي فية العتب الخارجي يتفك ولا العتب بتاعها متقفل مع جسم العربية