الموضوع: فولكس فاجن تيجوان ارخص ب 60 الف جنيه !!

المشاركة الأصلية كتبت بواسطة hunting_eagle

شباب الإعلان ده نازل في الكويت للتيجوان ال 1400 سي سي
ال 6666 دينار دول يعملوا جوالي 160 الف جنيه

يعني لو اشتريت العربية و نزلتها مصر بعدها بيوم تدفع حوالي 100 الف جنيه جمارك

تبقى العربية توتال حوالي 260 الف جنيه

ده غير ال 5 سنين ضمان و 3 سنين صيانة و السيارة البديلة عند السيرفيس

انا لاقيت سعرها على كونتاكت كارز 322 الف يعني فرق حوالي 60 الف

طبعا لو اشترتها و ربكتها سنتين تلاتة الجمارك تقل كتير عن المبلغ اللي فوق

اعتقد كمان ان نفس السعر هيبقى موجود في باقي دول الخليج

أنا قولت انقل الاعلان لو حد بيفكر يشتري عربية و ينزلها مصر

تحياتي

:)

انا فعلا شفت الاعلان وانبهرت بالسعر ده . والعربيه كانت عجباني من زمان وكنت كل ماأشوفها أقول ياسلام لو تنزل بالسعر ده.
لكن هل الماتور ده تيربو ولا عادي والعزم بتاعه كام حصان علشان يقدر يجر عربيه بالحجم ده؟؟؟؟ وثانيا هل هلاقيلها قطع غيار في مصر_خارج التوكيل طبعا_ لو نزلتها بعد خمس او ست سنين؟؟؟؟؟؟؟؟؟؟أعتقد صعبه شويه

اكيد تربو (1400 سي سي )
والفولكس عايزه الوكيل فقط للمحافظة عليها
رغم ان عربياتها حلوه جدا الا انها مش منتشره

المشاركة الأصلية كتبت بواسطة kokowasfy

وجع قلب على الفاضى والله

على الفاضي ليه بس؟

المشاركة الأصلية كتبت بواسطة esam_ayad

انا فعلا شفت الاعلان وانبهرت بالسعر ده . والعربيه كانت عجباني من زمان وكنت كل ماأشوفها أقول ياسلام لو تنزل بالسعر ده.
لكن هل الماتور ده تيربو ولا عادي والعزم بتاعه كام حصان علشان يقدر يجر عربيه بالحجم ده؟؟؟؟ وثانيا هل هلاقيلها قطع غيار في مصر_خارج التوكيل طبعا_ لو نزلتها بعد خمس او ست سنين؟؟؟؟؟؟؟؟؟؟أعتقد صعبه شويه

انا مش عارف اساسا هي بتنزل بموتور تيربو ؟

هو في موتور تاني 2.0 ليتر

اللي في مصر 1.4 تيربو يعني ؟؟

المشاركة الأصلية كتبت بواسطة Hosam_Optrawy

إوعى تكون مانيوال :))))

لا كدا فعلا تبقى من العربيات القليله اللى سعرها أرخص من مصر بعد الجمرك

لحد دلوقتي في كل الموديلات اللي اتفرجت عليها سواء عربية صغيرة او عربية كبيرة مش لاقي ولا وكيل بينزل عربية مانيوال .. باستثناء طبعا العربيات Muscle cars و Sports Cars