حلمت 3مرات انى هموت فى شارع معين خلف نادى الاهلى فى مدينة نصر فهل هى اضغاث احلام؟

مش عارف بجد محرج ومكسوف انى افاتحكم فى الموضوع دة واترددت من شهور انى اسالكم لان كل شئ مقدر ومكتوب منذ ان خلق الله اللوح المحفوظ

انا عندى شقة فى زهراء مدينة نصر بجوار سنترال وحلمت 3 مرات انى هموت فى منطقة معينة بظبط الشارع الموازى خلف النادى الاهلى اللى فى مدينة نصر اللى مليان كافيهات وقهاوى واخرة مربع كلة صحراء ونهايتة تقاطع شارع مصطفى نحاس دة لو حد عايز يعرف فين بالتحديد وفى ال 3 مرات حلمت انى راكب عربيتى وفجاءة الدنيا تتظلم خالص وتسود ومعرفش اية اللى يحصل كل اللى انا شايفة سواد فى سواد فى الشارع دة وبقعد اصرخ وينتهى الحلم على كدة

قررت بينى وبين نفسى انى مروحش الشارع دة نهائيا بس ساعات لما الاقى الشارع اللى خلف النادى الاهلى زحمة ازى قوم داخل فى الشارع وبقعد اقراء كل القراءن واذكار قبل ما اعبر الشارع الغريب دة او حتى لما اعدى بجوار الشارع فى شارع موازى لية بشعر ان قلبى بينقبض بجد وجون اى سبب فى المنطقة دى


انا بعتذر جدا جدا عن ازعاجى لكم بموضوعى السخيف دة ومحرج جدا منكم بس انا فعلا محتاج افضفض مع حد لانى بجد قلقان وبفكر كتير فى سبب الحلم دة وهل دة حلم حقيقى ام اضغاث احلام !!!

غريبة اوي

مالكش اي ذكريات سيئة في النقطة دي قبل كده ؟
او سمعت عن حد حصل له وقعة سيئة فيها ؟ او مع حد تعرفه ؟

اقتباس:

---

المشاركة الأصلية كتبت بواسطة تامر.محمد

غريبة اوي

مالكش اي ذكريات سيئة في النقطة دي قبل كده ؟
او سمعت عن حد حصل له وقعة سيئة فيها ؟ او مع حد تعرفه ؟

---

نهائى ولا حتى مرة واحدة عربيتى عطلت ناحيتة الشارع ولا وقفت فية ولا مرة واحدة فى حياتى

بس سبحان الله الحتة دى لما ساعات الظروف تجبرنى على المرور منها بحس ن نفسى بينقبض جدا وصدرى بيضيق اوى دون اى سبب مسبق

هاقول لك حاجة بس ما تاخدهاش بمحمل سياسي لأن ده مش قصدي خالص
و ممكن ما تفيدكش خالص في الحقيقة , بس هي دي الحاجة الوحيدة اللي اعرفها مشابهة للي بتحكيه

جرب في اي وقت تمشي بعربيتك بس بالراحة او على رجليك في المسافة من ميدان رابعة مرورا بشارع الطيران لحد شارع الطيران
و شوف هاتحس بانقباض ولا لأ

دائما الاحلام مش بتكون لحاجات هتحصل الا الروىء ودى لناس ربنا بيختصهم بيها انما الاحلام هو تفريغ لما فى العقل الباطن من احداث ولكن بدلالات معينة يعنى مثلا السيارة هى الحياة الدنيا اللى بتسود قدامك قد يكون فيه مشكلة مضيقاك ممكن تكون مش شاغلة كل تفكيرك فى العقل الظاهر لكن العقل الباطن مشغول بها بدليل ان نفس الحلم ثلاث مرات اما انه خلف النادى الاهلى فاما يكون رمز للمكان او دلالة لفظية يعنى تكون المشكلة مرتبطة بمكان ما فى مدينة نصر مثلا او باللفظ وتكون مشكلة عائلية او خاصة بالاهل ---من الاخر سلمها لله --قل لن يصيبنا إلا ما كتب الله لنا -

تكرار الحلم يدل على شيئ معين لكن مش لازم الشيئ ده يكون هو الموت لان تفسير الحلم ممكن يكون غير اللى فى دماغك خالص.. ممكن تسأل احد العارفين فى تفسير الأحلام لان الحلم ممكن يكون فيه إشارة معينة ليك.

أستعذ بالله من الشيطان
وممكن تطلع مبلغ لله بنية أن يخلصك من هذا الحلم وما يصاحبه من آثار نفسية
وأفكرك بقول الله تعالى ( وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ )

تفسير: الموت

هو في المنام دال على رد الودائع، أو خلاص المريض من مرضه، أو السجين من سجنه، وربما دلّ ذلك على الاجتماع بالغائب. والموت في المنام نقص في الدين وفساد فيه وعلو في الدنيا إذا كان معه بكاء وصراخ ما لم يُدفَن في التراب، فإذا دُفِنَ لم يُرجَ منه صلاح. ومن رأى أنه مات ولم يكن هناك هيئه أموات دلّ ذلك على هدم بيت من داره، وقيل: بل ذلك عمى في بصيرته وطول في عمره. وقيل: الموت سفر أو فقر. قيل: الموت على الإطلاق زواج لأن الميت يحتاج إلى الطيب والغسل كالمتزوج. ومن رأى أنه مات وحمل ولم يدفن فإنه يقهر أعداءه. ومن رأى أنه عاش بعد موته فإنه يستغني بعد فقره أو يتوب من ذنبه. ومن أخبره ميت أنه لم يمت فإنه في مقام الشهداء. ومن رأى الميت مريضاً فإنه مسؤول عن أمر دينه. وإذا خرج أهل القبور وأكلوا طعام الناس كله فإن سعر الطعام يغلو. وما أخبر به الميت عن نفسه أو غيره في المنام فهو حق وصدق. ومن رأى ميتاً في هيئة حسنة وهو ضاحك فإنه كذلك. ومن رأى أنه يصلي على ميت فإنه يعظ رجلاً لا قلب له. ومن رأى أنه يمشي في أثر ميت فإنه يقتدي بسيرته. ومن رأى أن الإمام مات خُربت البلد وبالعكس. والموت ندامة من ذنب عظيم. ومن رأى أنه مات وهو عريان فإنه يفتقر، وإن كان على بساط فتبسط له الدنيا. ومن رأى أن ابناً له مات فإنه ينجو من عدو له. ومن رأى أنه قد مات ودفن فإن عبداً دلّ على عتقه، وإن كان غير متزوج دلّ على تزوجه، وإذا رأى المريض أنه تزوج فإنه يموت. والموت دليل خير لمن كان خائفاً، أو حزيناً وموت الاخوة يدل على موت الأعداء.

اقتباس:

---

المشاركة الأصلية كتبت بواسطة aboomar22

اما انه خلف النادى الاهلى فاما يكون رمز للمكان او دلالة لفظية يعنى تكون المشكلة مرتبطة بمكان ما فى مدينة نصر مثلا او باللفظ

---

اعتقد الشارع اللى يقصده صاحب الموضوع اسمه "شارع الطاقة"..تفتكر فى علاقة؟!:untitled:

اقتباس:

---

المشاركة الأصلية كتبت بواسطة 4fun14

اعتقد الشارع اللى يقصده صاحب الموضوع اسمه "شارع الطاقة"..تفتكر فى علاقة؟!:untitled:

---

هههههه ياسيدى اعتبرنى ماقلتش حاجة