الموضوع: الحمد لله حليت مشكلتي

الحمد لله معايا نيسان صني 2013 الشكل الجديد ومن اول ماجبتها وانا بسافر بيها عشان اعملها صيانات بس انا عامل 13الف كيلو
غيرت صاجه التيل وانا عند 7 الاف كيلو
ورشيت اكصدامين في الضمان
واشتكيت كذا مرة من ضعف الفرامل في السبع وكنت بقابلها برد(ضرورة تغيير التيل ويتم عمل صنفرة للتيل ورجلاش)

لغايه اما اشتكيت في نيسان ونصحني بتجربه مركز اتو اوجيبت ابو رواش
حجزت قبلها باسبوع
قولت الشكاوي بتاعتي للمهندس اسلام غالي والحمد لله كان فاهمني مقاصدي
وكانت ضعف الفرامل صوت نحر في العجل الخلفي والولاعه مبتشتغلش
قالي تمام
عمليه الصيانة اتأخرت شويتين من 10ونص لغايه 4
تم فيها الاتي
1- تغير تيل وطنابير امامي
2-الحق في تغيير بليه العجلة الخلفيه
3-اصلاح الولاعة
وتم ذلك تلقائي بدون اخذ استشارة المصنع زي ما توكيل السبع عمل لما رحت اشتكي من دهان الاكصدامات المتقشر لوحده
وكل ذلك بدون دفع اي شئ

بصراحه اوتو ايجيبت توكيل محترم جدا وان شاء الله صياناتي القادمة فيه
الفرق الوحيد بين السبع واتوايجيبت السبع بيخرج العربية نضيفه جدا اتوايجيبت بتخرج فيها بصمات شحم كده على الابواب بس مش مشكله
واخيرا انا بقول رأي فقط في مركز اوتو ايجيبت وحلهم لمشكلتي

صديقي المواطن
خبر جيد وما دمت أنت سعيد ومبسوط فمبروك وكلنا سعداء ﻷجلك ومتنساش توافينا بأي تقارير جديدة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال