الموضوع: استفسار بخصوص مراكز الصيانه

السلام عليكم
بالنسبه لسؤال حضرتك عن حجز ال بيجو ممكن تحجز بالتلفون
تكلم حد فى المبيعات يبعتلك رقم حساب وانت تحوله المبلغ عليه
ولما توصل تروح تستلمها من الفرع الرئيسى فى صلاح سالم
وده اللى حصل معايا وانا من قنا
اما بالنسبه لمراكز الصيانه فمعرفش الصراحه بس ممكن يكون فيه حاجه جنبك فى اسيوط

المشاركة الأصلية كتبت بواسطة mac os

السلام عليكم

عندى استفسار بسيط ليا واحد صاحبى عاوز يشترى عربيه ونصحته ببيجو 301 وشاف فيديوهات وصور ومواصفات وعجبته وكان عاوز يحجزها مع العلم هو من سوهاج فكان عاوز لازم يحجزها من معرض فى القاهره وبعد الشراء الصيانات الدوريه بتتعمل فين ؟ او فى مراكز فى الصعيد ولا لا لانه مش عاوز كل صيانه دوريه يروح لحد القاهره مخصوص

لكم جزيل الشكر

بص يا باشا دى اكتر مشكله بتواجه ناس كتير بصفه عامه وخصوصا الصعيد او اللى ساكن خارج القاهره واسكندريه
لان مفيش ولا مركز حتى قريب من وجه الصعيد , ولو هيحتاج هيعمل صيانه هيكون مضطر انه ينزل القاهره عشان يعمل صيانه للسيارة وعموما انا جايبلك اسماء مراكز الخدمه الرئيسيه والمعتمده وتقدر تقرر


- مراكز الخدمة الرئيسية



مركز خدمة غمرة
رقم 114 ش الخليج المصري , غمرة .
02 24824647/24857684

مركز خدمة ابو رواش
الكيلو 28 القاهرة الاسكندرية الصحراوي , المنطقة الصناعية .
02 35391273 / 74 / 77 / 78

مركز خدمة صلاح سالم
رقم 11 ش صلاح سالم , الويلي .
02 24828057

مركز خدمة شيل مرغم " اسكندرية "
الكيلو 23 مرغم طريق اسكندرية القاهرة الصحراوي .
03 2020301

مواعيد عمل مراكز الخدمة الرئيسية من 09:00 ص الى :004 م . ماعاد يوم الجمعة بيكون اجازة
ولكن مركز خدمه صلاح سالم فقط مواعيد عمله من 09:00 ص الى 06:00 م وبردو بيكون اجازه الجمعة



اما بالنسبة لمراكز الخدمة المعتمدة من شركة بيجو :-


مركز خدمة وهدان
رقم 51 ش المراغي , العجوزة .
02 33470098
مواعيد العمل من 9 ص الى 5,30 م . ماعاد الجمعة اجازة

مركز خدمة وهدان
ش 47 متفرع من ش 14 , المنطقة الصناعية , 6 اكتوبر .
01111140000
مواعيد العمل من 9 ص الى 5,30 م . ماعاد الجمعة اجازة

مركز خدمة مودرن
الشهيد طارق خلف المتفرع من طريق السندباد بجوار مصر للطيران , هيليوبليس .
02 26212444 / 02 26225577
مواعيد العمل من 9 ص الى 5 م طوال ايام الاسبوع .

مركز خدمة بيجو الجيزة
رقم 12 ش النادي الرياضي , الجيزة .
02 35707641
مواعيد العمل من 9 ص الى 7 م . ماعاد الجمعة اجازة

مركز خدمة بيجو احمد عمارة
رقم 1 ش احمد عمارة , مصر القديمة .
02 23620374
مواعيد العمل من 9 ص الى 6 م . ماعاد الأحد اجازة

مركز خدمة بيجو احمد عمارة
الكيلو 16 طريق القاهرة السخنة , منطقة الاستثمار .
02 29299084
مواعيد العمل من 9 ص الى 6 م . ماعاد الأحد اجازة

مركز خدمة اوتو سيرفيس
رقم 2 مجمع الفردوس , طريق النصر , مدينة نصر .
02 23427574
مواعيد العمل من 9,30 ص الى 6 م . ماعاد الجمعة اجازة

مركز خدمة نور الدين الشريف
ش فؤاد الاسكندرية .
03 4970111
مواعيد العمل من 9 ص الى 9 م . طوال ايام الاسبوع

صحيح نسيت اقول نقطه مهمه جداااااااا بردو بيكون فى خدمه الطرق السريعه ودى مقتصره على القاهرة واسكندريه بس
هو انا طبعا مش بقول ليك الكلام ده عشان تغير رأيك او مش تشترى السيارة
لا طبعا والله ربنا يعلم , انا بس بوضحلك كل حاجه عشان تبقى عارف الكلام ده قبل ماتشترى وعايز تتأكد من كلامى كلم 19207 وهيقولو نفس كلامى ده

وانت صح على فكرة وبحترم جدااا الشخص اللى بيسال الاول على قطع الغيار والمراكز قبل مايشترى العربيه لان ده هو التقييم الحقيقى اللى بتقدر تحكم عليه

والف مبروك مقدما على السيارة

شكرا يا جماعه على الردود انا قولتله و هو اتدايق بصراحه لان العربيه عاجباه جدا وسعرها مناسب
بس مشوار القاهره طويل عليه ولو حصل ليها حاجه محدش هنا فى سوهاج هيعرف يعملها حاجه

و بعد البحث لقينا ان فى مركز لرينو فى اسيوط وهو قرر انه اما يزود وييب فلوانس اول فئه او هيقلل ويجيب لوجان اتوماتيك وكمان لقينا فى معرض لرينو فى سوهاج وممكن تستلم من هناك فا الموضوع اسهل لينا

المشاركة الأصلية كتبت بواسطة mac os

شكرا يا جماعه على الردود انا قولتله و هو اتدايق بصراحه لان العربيه عاجباه جدا وسعرها مناسب
بس مشوار القاهره طويل عليه ولو حصل ليها حاجه محدش هنا فى سوهاج هيعرف يعملها حاجه

و بعد البحث لقينا ان فى مركز لرينو فى اسيوط وهو قرر انه اما يزود وييب فلوانس اول فئه او هيقلل ويجيب لوجان اتوماتيك وكمان لقينا فى معرض لرينو فى سوهاج وممكن تستلم من هناك فا الموضوع اسهل لينا

طبعاً هو فى الاول وفى الاخر كل شئ قسمه ونصيب وده نصيبه وماحدش هاياخدد اكتر من نصيبه
والف مبروك ليه طبعا على السيارة الجديدة
وربنا يحميها من العين ويكفيه شرها ومبروك مره تانيه

وبجد طبعا انا بعتزر هو اكيد كنت اتمنى انى اقولك ان فى مراكز او الدنيا تمام بس طبعا الساكت عن الحق شيطان اخرص حتى لو انا شخص شغال فى الشركه بقول اللى يمليه عليا ضميرى والباقى بقى بتاع ربنا :)

الف شكر ياباشا وياريت بيجو تعمل حتى مركز واحد فى اى محافظه فى الصعيد هيفرق جدا رينو عامله كذا مركز فى اسيوط والاقصر رغم ان فى الصعيد بيجو معروف اكتر من رينو بسبب ال504