الموضوع: أختبار التصادم الخاص ببيجو 301

المشاركة الأصلية كتبت بواسطة smsm2004w

للأسف معملوش ليها اختبار تصادم علشان منزلنها للعالم الثالث او الشرق الأوسط

السبب مش عشان منزلنها للعالم التالت ولا الشرق الأوسط,,
السبب عشان مش نازلة للسوق الأوروبي
وال euro ncap بتعمل أختبارات التصادم للعربيات اللي هتتوفر وتتباع للمستهلك أو المشتري في السوق الأوروبي, تحديداً أوروبا الغربية,,
سواء كانت العربية أوروبية أو يابانية أو حتي أمريكية.

ولكن في فيه عربيات كتير أعلي من ال 301 ومالهاش أختبارات في ال euro ncap لأنهم مش نازليين للسوق الأوروبي زي ال Ford Mustang مثلاً
العربيات دي اللي بيجيبها في أوروبا بيجيبها Special order
http://www.nilemotors.net/Nile/39648...post3875345887

المشاركة الأصلية كتبت بواسطة smsm2004w

متقلقش يا احمد انا مش قصدى أزم فى العربية انا حاجزها انا بتكلم على حالنا ان احنا بنقبل اى حاجة كده انما فى اوربا الغربية مبيركبوش اى عربية حتى لو كانوا هما اللى مصنعنها وعارفين مدى الأمان اللى فيها الا لما يجربوها فى كل حاجة وده مش معناه ان 301 قليلة بالعكس دى افضل عربية فى الفئة السعرية بتاعتها ويمكن اعلى كمان من عربيات كتير اغلى منها

يا سمسم باشا أنا فاهم قصدك متقلقش,
ومفهمتش أنك بتزم ولا حاجة متقلقش,,
وفعلاً البيجو أفضل عربية في الفئة السعرية دا مفيش كلام عليه,,
ولو دخلت أختبارات ال euro ncap مش هتجيب أقل من 4 نجوم لو مجابتش 5

فيه أتنين معانا في المنتدي عملو حوادث والعربية متأثرتش كتير وكانو بيمشو بعد الحادثتين كمان,
وعموماً دا مش مقياس بس العربية قوية وبتتحمل.

أنا كنت بتكلم عموماً عن إن فيه عربيات أعلي من البيجو 301 كتير وأغلي منها بكتيررر,,,
بس متعملش عليها أختبارات ال eurno ncap لأنها مش مخصصة ولا نازلة للدول الأوروبية.

ال euro ncap بيعملو علي العربيات بتاعتهم اللي بتنزل سوقهم بس,, في أوروبا الغريبة,,
وعلي العربيات اللي بتيجي من برة سواء من اليابان أو أمريكا وفيه خطة أنها تتسوق في أوروبا الغربية.

لكن مش بيعملو علي كل عربية تم أنتاجها سواء في أوروبا أو مستوردة من خارج أوروبا,
بيعملو علي العربيات الأوروبية أو الغير أوروبية اللي فيه خطة أنتاج ليها أنها يتباع في سوق أوروبا الغربية عشان سلامة مواطنيهم بس.

المشاركة الأصلية كتبت بواسطة Abo-Baraa

طيب ايه اخبار تجهيزات الامان و الحماية لمقصورة الركاب
يعني مثلا مفيش كلام رسمي من بيجو عن تجهيزات الامان دي

لان مش مجرد ان العربية جسمها قوي من بره هيخلي كبينة الركاب متأمنه

مفيش كلام رسمي ؟!!!!
هل حضرتك تعبت نفسك وراجعت المواضيع الخاصة بالبيجو 301 في المنتدي
عشان تشوف لو فيه كلام رسمي عن تجهيزات الأمان فيها ولا مفيش,,

عموماً أدي الكلام الرسمي,
http://www.nilemotors.net/Nile/358221-301.html

ودا موقع بيجو " الرسمي"" بيقول نفس الكلام
Peugeot 301 Now in Egypt

والعربية فيها 2 أيرباج, و ABS+EBD
والحاجات دي عشان تاخدهم في عربية كوري أو ياباني مش هتقل عن 150 ألف جنيه.!
وعشان الأوروبي مفهوش تهريج في الأمان, فالحاجات دي موجودة في البيجو من أول فئة بيز لاين اللي هيا ب 108 ألف جنيه,
علي عكس الكوري زي الريو مثلاً بتديك أيرباج واحدة من غير ABS في أول فئاتها,
وبينزلو فيه ال ABS لما تشتري الهاي لاين بس.!!


والعربية مدعمة من الأمان ومن الأبواب ومش فاهم برضه أزاي بتقول إن
"مش مجرد ان العربية جسمها قوي من بره هيخلي كبينة الركاب متأمنه"

أومال أيه في وجهة نظرك اللي هيخلي العربية متأمنة ؟؟
لو منتاش عارف قيمة أن جسم العربية قوي ومدعم عشان يحافظ علي الناس اللي جوا الكابينة,,
بدعوك أنك تبص بصة علي حوادث الكوري بتبقي عاملة أزاي بسبب جسمها اللي "مش بيكون قوي ولا مدعم" زي الأوروبي,

الصور في أول 3 مشاركات من الصفحة دي,
http://www.nilemotors.net/Nile/22995...post3875322175

سلام.!