الموضوع: الحمدلله ربنا وفقني في تويوتا كرولا 2013زيرو

الحمدلله اوتوفقت بالامس في شراء الوحش الياباني تويوتا كرولا زيرو 2013 من معرض القرش فرع جسر السويس طبعاً بعد لف بالامس واول امس طول اليوم علي المعارض وفروق الاسعار في الالوان وحاجات غريبة الحمدلله لون عربيتي فضي وتعبت جداً لما لقيتة ولازم بفرق سعر المهم سعر السيارة 163000 من معرض القرش طبعاً الفئة الاولي بعد فصال كتير وشد وجزب ونيجي بئة لباقي الاسعار عندك الابيض والدهبي بينقص سعرهم حوالي 4000 جنية علشان ماليين المعارض ومحدش بيشتريهم اللون دة غير بسيط نيجي بقي للمتاح كان اللون السماوي وانا كنت ارغب في الفضي تحديداً لان بحب اللون دة جداً ومكنش موجود غير عند القرش وكانوا عربيتين والحمدلله اتوفقت منهم في واحدة وكان بيتحايل علية اني اشتري اي لون من الالوان السابق زكرها وقالي هااعمل معاك واجب في السعر وانا الحقيقة رفضت لان موضوع اللون دة الحقيقة بردو زي مابتختار نوع العربية راحة نفسية ورحت عند سمير ريان لقيت عندهم 4 عربيات فضي بس كانوا محجوزين وكان ايضاً متوفر عندهم السماوي والابيض والدهبي وكان بردو بيقولي اختار اي لون غير الفضي وهااعمل معاك بردو واجب والحقيقة بردو رفضت.. بس الحقيقة كان نفسي بردو مع اللون الفضي الفرش يكون رمادي بس الحقيقة اتصدمت لما لقيت الفرش بيج بس اهو قلت يلا مفيش مشكلة طالما ربنا وفقني في العربية واللون اللي انا عاوزة مجتش علي الفرش .. والله الموفق


طبعاً الحقيقة دي اول عربية زيرو بالنسبة لي فاكنت عاوز شوية نصايح من الاخوة الكرام بخصوص التليين لمدة اد اية او كام كيلو علي سرعة كام والزيت الاصلي يتغير هو والفتر بعد اد اية وامتي امشي بالسيارة عادي واجري