الموضوع: أخوكم عضو جديد و محتاج رأيكم ضروري !!!!!

المشاركة الأصلية كتبت بواسطة sharawy77

السلام عليكم
أخوكم عضو جديد في المنتدي و دي اول مشاركاتي . و محتاج رأيكم لان دماغي وقفت من التفكير

أنا رحت اتفرج علي لوجان 2014 اوتو و هي عربيه جميله خصوصا امكانيتها مقابل سعرها. لكن متردد اشتري رغم ان دلوقت ب 93000 و السبب ان الشكل الجديد نازل السنه دي.

قالولي في المعرض انها هتنزل بعد سنه و نص او سنتين اوتو لكن في الأول هتنزل مانيوال.

فهل الكلام ده حقيقي و اشتري 2014 اوتو الشكل الموجود ولا الشيب الجديد هاينزل اوتو مع المانيوال علي طول ؟؟؟

والله يا باشا انا لسه من شهر شاري 2014 بس مانيوال ب 84000
وبصراحه حاسس بندم اني جبتها عشان حوار الشكل الجديد
مش عارف بصراحه حينزل امتي بالظبط

بس في حاجه
حاول تعرف سعر الشكل الجديد حيكون كام بالظبط
هل في نفس الحدود ولا حيغلي اكتر
لو نفس السعر كده استني
لو اكتر بفرق كبير والسعر الجديد مش مناسب ليك اشتري القديم وخلاص

ومعلش استفسار
هما قالولك الشكل الجديد المانيوال حينزل بعد سنه ونص او سنتين
ولا تقصد ان المانيوال السنه دي والاوتو بعد سنه ونص ؟؟

اصلي مش عارف ليييه جابوا دفعات جديده من الشكل القديم "لسه واصله" موديل 2014 والشكل الجديد نازل 2014 برضو !!!!!!!

اولا شكرا لسرعه الرد

ثانيا : اللي اتقاللي من المعرض ان (مش الوكيل) ان الشكل الجديد نازل السنه دي بس مانوال بس . وحتاخدله سنه ونص سنتين علبال ما تنزل اوتو . زيها زي الشكل القديم . بس انا شايف ان مثلا البيجو 301 نزلت اوتوماتيك مع المانيوال . مش من مصلحه الوكيل انه يأخر الاوتوماتيك كل ده خصوصا انها عملت مبيعات عاليه . علشان كده شاكك انها ممكن تنزل اوتو السنه دي و يكون كلام المعرض علشان اشتري دلوقت
و متزعلش يا أستاذ محمد لان عندي احساس ان القديمه حتبقي اعتماديه اكتر من الجديده بس مستني اما اشوف بعنيه . حاسس ان سيناريو الصني ممكن يتكرر وارجع ادور علي الشيب القديم من اللوجن حتي بعد نزول الجديد. وربنا يباركلك فيها هي عربيه جميله

المشاركة الأصلية كتبت بواسطة sharawy77

اولا شكرا لسرعه الرد

ثانيا : اللي اتقاللي من المعرض ان (مش الوكيل) ان الشكل الجديد نازل السنه دي بس مانوال بس . وحتاخدله سنه ونص سنتين علبال ما تنزل اوتو . زيها زي الشكل القديم . بس انا شايف ان مثلا البيجو 301 نزلت اوتوماتيك مع المانيوال . مش من مصلحه الوكيل انه يأخر الاوتوماتيك كل ده خصوصا انها عملت مبيعات عاليه . علشان كده شاكك انها ممكن تنزل اوتو السنه دي و يكون كلام المعرض علشان اشتري دلوقت
و متزعلش يا أستاذ محمد لان عندي احساس ان القديمه حتبقي اعتماديه اكتر من الجديده بس مستني اما اشوف بعنيه . حاسس ان سيناريو الصني ممكن يتكرر وارجع ادور علي الشيب القديم من اللوجن حتي بعد نزول الجديد. وربنا يباركلك فيها هي عربيه جميله

مالها الصني الجديده ؟؟
انا مش عارف بصراحه بس شكل اللوجان الجديده كشكل من بره وجوه افضل بكتير
Nouvelle Logan– Gamme Dacia - Dacia Maroc
دي صور ليها من المغرب لو حابب تتفرج
بس اللي اسمعه ان الماتور مش حيكون 1600
وبالنسبه للسعر حاسس انه مش حيزيد كتير "مجرد 4000" والله اعلم

بس هو فعلا اللوجان نزلت مانيوال بس الاول بعدها الاوتو
وحتي الان السانديرو ستيب واي منزلش منها اوتو
عموما انا رأيي استني كده شهر شوف ايه الوضع
في كلام عن الجديد ولا لآ
وشوف السعر ايه نظامه
لو عجبك استني
لو السعر غالي حتلحق تاخد من القديم ان شاء الله :)

يا جماعة الاشكال الجديدة بتنزل مصر بإسم سامبيول او تعديل الفلوانس لكن اللوجان و السانديرو على ما اظن حيبقوا زي اللانوس و الفيرنا قدامهم 10 سنين على الاقل نفس الشكل خصوصا ان العربية ما شاء الله لاقية نجاح و انتشار و قبول

المشاركة الأصلية كتبت بواسطة علاء سليمان

يا جماعة الاشكال الجديدة بتنزل مصر بإسم سامبيول او تعديل الفلوانس لكن اللوجان و السانديرو على ما اظن حيبقوا زي اللانوس و الفيرنا قدامهم 10 سنين على الاقل نفس الشكل خصوصا ان العربية ما شاء الله لاقية نجاح و انتشار و قبول

ياريت بصراحه تنزل باسم مختلف :d :d

بس برضو مش حتفرق كتير لو الفئه السعريه واحده

بس هي نزلت بالفعل في اكتر من دوله باسم لوجان
معتقدش يكون نفس الشكل في المغرب لوجان وفي مصر اسم تاني !
بس هي في المغرب نازله باسم داتشيا مش عارف بقي ايه النظام :d

المشاركة الأصلية كتبت بواسطة m.radwan

متهيألي الشكل الجديد هينزل في فئة الصني والأكسنت تحت اسم "سيمبول"

اشمعن سيمبول !؟!؟

ومش غريبه ان عربيه في كل الدول يكون اسمها لوجان وتنزل باسم سيمبول في مصر بس ؟!