نيسان قشقاى 2014و ﻻ بيجو 301

**AhmedFaMo** · 31-12-2013 11:44 AM

السلام عليكم و رحمة الله و بركاتة
انا ناوى ان شاء الله اشترى عربية جديدة و كنت ناوى على بيجو 301 بعد ما دورت كتيير
بس فيه حد من قرايبى قالى على نيسان قشقاى بصراحة العربية عجبتنى جدا و خصوصا انها عاليه بس انا قلقان من النيسان عشان سامع انه بقى تقفيل مصرى و مش عارف لو جا صحيح فدا شئ كويس وﻻ وحش برضه كمان عشان هى اغلى من البيجو فى السعر بس قطغ غيارها و بيعها اسهل ياريت تفيدونى فى اسرع وقت اعمل ايه

**Ahmed_Ramadan** · 31-12-2013 12:10 PM

القشقاى مش تقفيل مصرى اللى أعرفه إنها تقفيل إنجليزى ... وبعدين فى فرق شاسع فى السعر لو مش فارقة معاك هات القشقاى يدون نقاش

**drcobra** · 31-12-2013 12:13 PM

مقارنة غريبة لو معاك فلوس قشقاى يبقى توكل على الله
عايز حاجة اوروبى واقتصادية وشكلها انتشرت مش لسة هتنتشر

**ah-elgendy** · 31-12-2013 12:43 PM

ديه مقارنه من اى نوع ؟؟؟؟

**eng.m7md.ali** · 31-12-2013 12:56 PM

لو نويت علي القشقاي انصحك تستني شوية عشان الشكل الجديد او تبص علي سيتروين ds5 كسر زيرو

**saddam** · 31-12-2013 07:37 PM

صديقي المواطن
إختيار العربية راجع ليك ذوقيا ولكن معلومة جت في نص كلامك إقتضى مني تصحيحها لك
القشقاي ليست أسهل ولا حتى قريبة من سرعة بيع البيجو 301 وقطعا لن تتوفر قطع غيارها كما ستتوفر قطع غيار ال 301 فعليه راجع حساباتك ودي ركوبة ودي ركوبة تانية خالص وكل حاجة بثمنها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**J A G U A R** · 31-12-2013 09:42 PM

قشقاى افضل فى كل حاجه ماعدا اعاده البيع وقطع الغيار

**xname2004** · 25-01-2014 08:13 PM

ليه الناس بتظلم البيجو قوى كده
يعنى جات فتره الناس تقارن البيجو بفلوانس و قولنا ماشى
لكن تقارن قشقاى بال 301 ليه و ازاى ده انت لو زودت شويه على سعر القشقاى ممكن تجيب 2 عربيه بيجو 301
القشقاى تقارنها بالبيجو 3008
حدد الأول الفئه السعريه و بعد كده قارن بين المتاح ف الفئه اللى انت حددتها

**برنس الليالي** · 25-01-2014 08:37 PM

البيجو 301 تمشي في المقارنة مع البومة والشارك والياريس والبونتو ولينيا واكسنت وريو وصني وكورسا وسي إليزيه وممكن جين 2

إنما القشقاي فئة اعلى وتمشي في المقارنة مع الكورولا والاوريس والالنترا والـix35 بغض النظر عن نمط السيارة وكمان الفيلوستر والسيات ليون والكارينز والسيراتو الجداد

وكمان تمشي مع الجوك والاسترا والميجان والفلوينس والفوكاس والسيفيك ومازدا 3 والامبريزا والـxv

ياريت تحددلنا احتياجات حضرتك عشان نقدر نساعدك