نفسي في الفلوانس بس خايف من قطع الغيار

**abubakr1234** · 31-12-2013 12:58 PM

السلام عليكم ان شاء الله ناوي على شرء عربيه جديده انا نفسي اجيب الرينو فلوانس الفئة الأولى أو التانية بس الصراحة بيني وبينكم خايف جدا من اسعار قطع الغيار انا ميهمنيش سعر اعادة البيع لشان ان شاء الله ناوي اخليها تقعد معايا فترة ياريت اعرف راي حضراتكم في أسعار قطع الغيار والصيانات ورايكم بشكل عام عن العربية دي جزاكم الله خيراز

**abubakr1234** · 31-12-2013 04:02 PM

بالله عليكم حد يرد عليا يا شباب علشان مش عارف اخد قرار

**saddam** · 31-12-2013 07:42 PM

صديقي المواطن
حضرتك لو متابع مشاركاتي كنت عرفت إن 2013 و 2014 و 2015 هي سنين البيجو 301 وفلوانس فمش عايزك تقلق نهائي وبكره تسمعني إنك حجزت وحده ومتجيبش سودة هات زرقه أو نبيتيات وبلاش فضي ولا تقلق قطع الغيار بتتوافر تباعا وأكثر مما ستتصور وهي ركوبة فخمة وبرستيج ولايقة عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**J A G U A R** · 31-12-2013 07:47 PM

مع انتشار العربيه قطع غيارها هاتنتشر اكتر

**ALshahba** · 31-12-2013 09:18 PM

الفلوانس .............. حسن اختيار
الفلوانس ............. قطع غيارها متوسطه مش غاليه
الفلوانس ............. ركوبه فاخمه

**Waleed_Fathy** · 31-12-2013 10:36 PM

الرجاله قامو بالواجب
مع الاسف الاشاعات و سمعة الفرنساوي لا زالت مؤثره عليه
و لما قارنتها بالسراتو و الالنترا لقيتها معقوله جدا

**batour** · 01-01-2014 12:12 AM

السلام عليكم
الى اقدر اقولهولك متقلقش من موضوع قطع الغيار عشان دا موجود وسعرة كويس جدا مقارنه بالعربيات الى فى نفس الفئه السعرية
وبردة اسال اى حد معاه الفلوانس من زمان وحتلاقى ان قطع الغيار موجودة والميزة كمان انها معمرة
وبالتوفيق

**ebrahimsaed** · 01-01-2014 10:20 AM

في مواضيع هنا كتير في المنتدي بتقارن بين قطع عيار الفلونس وعربيات تانية كتير من نفس الفئة
الفلونس انا انها حتي الان مكتسحة وبجدارة من حيث قيمة شرائية مقابل الفلوس المدفوعة
عربية محترمة وفخمة جدا وتستاهل الفلوس اللي بتدفع فيها

بلاش تسمع للناس اللي بتفتي وخلاص علشان الفتي دة خلي عربيات كتير بقي تمنها في العالي جدا من غير اس اساس

احب اقولك توكل علي ودة اختيار موفق
وراجع تقارير الناس اللي اشترت

وربنا يوفقك لما هو خير باذن الله

**abubakr1234** · 01-01-2014 01:42 PM

شكرا ليكم جميعا خلاص ان شاء الله انا هتوكل على الله واجيبها انتوا بقى ايه رايكم الفئة الاول ولا اجيب الفئة التانية مع العلم اني من الناحية المالية بميل للأولى ولكن عاوز اعرف الفروقات ايه بين الاولى والتانية تستاهل ال 15 الف جنيه ولا اخلينا في اول فئة وخلاص