يا اهل اللوجان .. نويت باذن الله على اخر الشتاء اجيب لوجان اوتو .. بس فى شوية اسئلة

**mtc_46** · 31-12-2013 01:23 PM

انا بصراحة نويت اجيب زيرو و ادوق طعم الزيرو .. يعنى هما اللى بيركبوا زيرو احسن منى فى ايه ؟؟
و باذن الله هقسط لوجان او سانديرو اوتو لان سعرها كويس بالنسبة لامكانيتها .. و عيبها الوحيد كان قطع غيارها و هى دلوقى ماشاء الله اكتر من الكورى
بس كان نفسى اعرف فراملها اخبارها ايه .. زى النوبيرا اللى معايا ولا احسن شوية ولا احسن كتير؟؟
سحبها اخباره ايه و خصوصا على المطالع عشان انا ساكن فى المقطم و مش عايز عربية تفطس منى
تكييفها اخباره ايه؟؟
هل العدادت بيظهر فيها النقلة (p - d - n)؟؟
و هل لو على الاستيبترونيك بيظهر 1 - 2 - 3 - 4 و كده ولا لأ؟؟
هل قعدتها كويسة مقارنة بالنوبيرا برده؟؟
انا بسأل كل ده عشان معايا نوبيرا و بصراحة كويسة .. بس الزيرور زيرو .. ومش عايز اغير الاقى نفسى نزلت بالمستوى و مش عارف اسوق!!
اسف للازعاج و متشكر جدا لسعة صدوركم

**mtc_46** · 01-01-2014 07:01 PM

من الواضح كده ان رجالة اللوجان مبقوش سخنين زى الاول؟؟!!

**ModySheta** · 02-01-2014 12:15 AM

المشاركة الأصلية كتبت بواسطة mtc_46

انا بصراحة نويت اجيب زيرو و ادوق طعم الزيرو .. يعنى هما اللى بيركبوا زيرو احسن منى فى ايه ؟؟
و باذن الله هقسط لوجان او سانديرو اوتو لان سعرها كويس بالنسبة لامكانيتها .. و عيبها الوحيد كان قطع غيارها و هى دلوقى ماشاء الله اكتر من الكورى
بس كان نفسى اعرف فراملها اخبارها ايه .. زى النوبيرا اللى معايا ولا احسن شوية ولا احسن كتير؟؟
سحبها اخباره ايه و خصوصا على المطالع عشان انا ساكن فى المقطم و مش عايز عربية تفطس منى
تكييفها اخباره ايه؟؟
هل العدادت بيظهر فيها النقلة (p - d - n)؟؟
و هل لو على الاستيبترونيك بيظهر 1 - 2 - 3 - 4 و كده ولا لأ؟؟
هل قعدتها كويسة مقارنة بالنوبيرا برده؟؟
انا بسأل كل ده عشان معايا نوبيرا و بصراحة كويسة .. بس الزيرور زيرو .. ومش عايز اغير الاقى نفسى نزلت بالمستوى و مش عارف اسوق!!
اسف للازعاج و متشكر جدا لسعة صدوركم

السلام عليكم ،،
أنا حرد عليك حسب خبرتي المتواضعة بس المعلومات كلها متأكد منها إن شاء الله عن تجربة شخصية مع عربيتي أو عربيات معارفي.
- الفرامل كويسة مش abs بس شغالة بس في ناس بتقول إن الكاوتش بيزحف و غيرته.
- السحب كويس و أنا ساكن في المقطم برده و مجربها على مطلع صلاح سالم.
- العدادات بيظهر فيها النقلة و الأرقام .
- العربية واسعة من ورا و شنطتها كويسة و كبيرة و السانديرو شنطتها معقولة!
يا رب أكزن قدرت أفيدك ...

**mtc_46** · 02-01-2014 05:31 PM

المشاركة الأصلية كتبت بواسطة modysheta

السلام عليكم ،،
أنا حرد عليك حسب خبرتي المتواضعة بس المعلومات كلها متأكد منها إن شاء الله عن تجربة شخصية مع عربيتي أو عربيات معارفي.
- الفرامل كويسة مش abs بس شغالة بس في ناس بتقول إن الكاوتش بيزحف و غيرته.
- السحب كويس و أنا ساكن في المقطم برده و مجربها على مطلع صلاح سالم.
- العدادات بيظهر فيها النقلة و الأرقام .
- العربية واسعة من ورا و شنطتها كويسة و كبيرة و السانديرو شنطتها معقولة!
يا رب أكزن قدرت أفيدك ...

شغالة؟؟... الكلمة دى مقلقة على فكرة
و متشكر جدا للرد

**Emad2000** · 04-01-2014 08:38 PM

أهلا بك
بصراحه انا مقدرش مردش عليك لان كان معايا نوبيرا مانيوال 97 و بعدين جبت لوجان اتوماتيك
و حقدر اجاوبك فى بعض النقط :
اولا الفرامل .. اللوجان افضل بكتير من النوبيرا ... النوبيرا مشوار فراملها كبير شويه
السحب .. النوبيرا افضل فى الاول بس بصفه عامه اللوجان موتورها اقوى
استهلاك البنزين .. النوبيرا افضل و بكتير من وجهه نظرى
القاعده للوجان افضل لانها اعلى
النعومه للنوبيرا افضل
صوت الماتور .. النوبيرا اهدأ بكتير
قطع الغيار .. النوبيرا تقريبا ببلاش و منتشره جدا
الصاج .. النوبيرا افضل بكتير

اتمنى ان اكون افدتك على حسب خبرتى المتواضعه جدا فى السيارات

**mtc_46** · 05-01-2014 05:48 PM

المشاركة الأصلية كتبت بواسطة emad2000

أهلا بك
بصراحه انا مقدرش مردش عليك لان كان معايا نوبيرا مانيوال 97 و بعدين جبت لوجان اتوماتيك
و حقدر اجاوبك فى بعض النقط :
اولا الفرامل .. اللوجان افضل بكتير من النوبيرا ... النوبيرا مشوار فراملها كبير شويه
السحب .. النوبيرا افضل فى الاول بس بصفه عامه اللوجان موتورها اقوى
استهلاك البنزين .. النوبيرا افضل و بكتير من وجهه نظرى
القاعده للوجان افضل لانها اعلى
النعومه للنوبيرا افضل
صوت الماتور .. النوبيرا اهدأ بكتير
قطع الغيار .. النوبيرا تقريبا ببلاش و منتشره جدا
الصاج .. النوبيرا افضل بكتير

اتمنى ان اكون افدتك على حسب خبرتى المتواضعه جدا فى السيارات

انا متشكر جدا لرد حضرتك .. بس متهيألى موضوع السحب ده هتلاقيه فى المانيوال بتاع النوبيرا احسن من الاوتو بتاع اللوجان .. لكن اوتو النوبيرا سحبه مش زى المانيوال خالص
ثانيا .. انا عندى صوت الموتور مش هادى خااالص؟؟ .. لو اللوجان صوتها اعلى من كده تبقى كارثة
و متشكر جدا لرد حضرتك و اهتمامك