الموضوع: شركة المشرق للتأمين

المشاركة الأصلية كتبت بواسطة iusef

انا امنت معاهم مع اني لسه مستلمتش بس شايف انهم احسن من غيرهم في كذا نقطه
١- اهم نقطه الاصلاح في التوكيل والعربيه بيبقي متأمن عليها في السيستم بتاع تويوتا نفسها
٢- هما اللي بيدفعو مش زي باقي الشركات بتدفع بعد المقايسه وبعدين تودي الفواتير وبعديها بحوالي شهر تاخد شيك
٣- العربيات الجديدة زيرو تحمل في نظام ٣.٧٥٪ وفي نظام ٣.٢٥٪ بتدفع ١٠٪ من التكلفه
٤- شركه تابعه للفطيم اللي هو توكيل تويوتا مصر يعني صعب تحصل بينهم مشاكل في المستقبل إن شاء الله
٥- تأمين تكافلي للي بيخاف ان التأمين حرام
٦- عندهم خدمة مساعدة الطريق وونش
الحاجات الرخمه عندهم
١- في حاله السرقه بيدفعوا ٧٥٪ من قيمه العربيه
٢- بيتحملو ٥٪ زجاج امامي ٣٪ زجاج خلفي من قيمة التامين (بس بصراحه مش عارف دي قيمه مبلغ التأمين ولا قيمه العربيه) وفي للكاسيت برضه بس مش فاكر كام٪
٣- العميل بيشيل ٢٥٪ من فتح الايرباج

شكرا يا باشا علي الرد..شكلي كده بردو هأمن معاهم ان شاء الله..طبعا موضوع التصليح في التوكيل مباشرة دا جميل جدا..بالنسبة بقي لقصة تامين تكافلي دي انا مفهمتش منهم هما مختلفين عن باقي الشركات فى ايه ولا هوا اسما بس..اما حكاية 75% عند السرقة فدي من هيئة التامين علي كل الشركات بعد 25 يناير