بفكر اشتري صني و بين المدافع و بين المهاجم انا محتاس

**Mohamed 555** · 31-12-2013 04:59 PM

السلام عليكم, عاملين ايه؟

الموضوع بكل بساطة اني بفكر اشتري الصني 2014 الشكل الجديد عشان السعر التنافسي و الامكانيات و عوامل الامان, دخلت على المنتدى المحترم هنا و الاعضاء اللي بيفيدو بعض و لكن لقيت معركة ناس بتشتم فيها و ناس بتشكر فيها و ناس تقول الصاج ضعيف و الفرامل مش عارف مالها و انا احترت و بصراحة الفلوس اللي معايا دي اخري و حبقى على الحديدة و مش حستحمل اني اجيب عربية و اشربها.. يا ترى ايه رايكو اجيبها ولا لا... و فيه البيجو 301 ايه رايكو فيها و انا بفكر في الصني من الاول بس لما الناس خوفوني منها اوي قولت افكر في دي و خصوصا ان دي اول عربية اجيبها و خايف اوي... يا ريت النصايح من غير ما تشدو مع بعض و شكرا :)

**hatahet** · 31-12-2013 05:16 PM

العربيه معايا انا كبيرها سنه كمان و هغير للاكسنت rb ان شاء الله
لان العيوب كلها خنقه من صاج و فرامل و بلي عجل

**Mohamed 555** · 31-12-2013 05:58 PM

المشاركة الأصلية كتبت بواسطة hatahet

العربيه معايا انا كبيرها سنه كمان و هغير للاكسنت rb ان شاء الله
لان العيوب كلها خنقه من صاج و فرامل و بلي عجل

هي وحشة اوي كده!!

**hatahet** · 31-12-2013 06:15 PM

هي مش وحشه علي قد ما الواحد كان نفسه يرتاح. يريح دماغه بعربيه زيرو لكن شويه الاصلاحات بتاعه التوكيل دي نسيتني ان العربيه زيرو و كل شويه مشوار
يمكن لان انا مستلم في اخر 2012 يعني من الانتاج الاول و اللي طبيعي يكون فيه شويه مشاكل لكن الحق يقال التوكيل و المصنع معترفيين بالعيب و بيصلحوا في اتو تيجبت بدون اي مصازيف و من سكات. و انا سمعت ان الفرامل و التيل الحمد لله اتعدل في الانتاج الجديد يعني الحمد لله بيصلحوا المشاكل مش نايميين لان العربيه بالنسبه لسعرها و امكانيتها ممتازه بس انا اللي اتضايقت من اللي حصل معايا

**Batman372** · 31-12-2013 06:16 PM

الصنى عربيه ممتازه جدا كاجمالى و مو 2014 مفيهاش المشاكل البسيطه/الهايفه التى ظهرت فى الشكل الجديد مو 2012 و تم استدعاء جميع السيارات بواسطه التوكيل و عمل الازم ...

لو عاجباك و استقريت عليها ... اتكل على الله و لا تشتت نفسك ...

و خلى باللك ان اعضاء المنتدى (153 الف) و لو فرضنا ان كلهم يمتلكون سياره يمثلون فقط اقل من 3% من اجمالى عدد سيارات مصر (حوالى 4 مليون سياره) ...

يعنى اقصد ان ال 97 % من مالكى الصنى ليس اعضاء بالمنتدى ...

و تاكد ان اغلب الاعضاء الى بتقطع فى العربيه على الفاضى و المليان .. لم يركبوها ابدا ... او مش عاجبهم فقط شكلها !!!

تحياتى ...

**saddam** · 31-12-2013 07:10 PM

صديقي المواطن
قولا واحدا لو حضرتك تتبعت مشاركاتي يمكن أنا من أشد المدافعين عن صني الشكل الجديد ولكن الحق أحق أن يتبع لو معاك فلوس بيجو 301 هاتها فشكلها أفضل وأقيم وأفخم بمراحل والسوق ليها دلوأتي والصني مش وحشة ولكنها في حربها ضد بيجو 301 حتطلع على مفيش ولذلك مبيعات الصني بتتراجع في القاهرة وبتروح للأقاليم لصالح بيجو بإعتبار رفاق الكفاح في اﻷقاليم التأثير عليهم ليس بسهولة إبن القاهرة وبيمشي أكثر مع اللي عارفينه ومجربينه
ملحوظة عشان أبسطهالك اللي ساتر على صني الجديدة هي سمعتها وإسم الشركة العريقة لكن لو الشكل ده كان شكل عربية صيني لسه جديدة هل حد فينا حيفكر يجيبها ويجازف
أظن قطعا ﻷ
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ibrahimsaad** · 31-12-2013 07:32 PM

هو سعر البيجو 301 كام
مانوال
اوتو

**J A G U A R** · 31-12-2013 07:42 PM

فكر فى بيجو 301 قبل الصنى

**J A G U A R** · 31-12-2013 07:44 PM

المشاركة الأصلية كتبت بواسطة ibrahimsaad

هو سعر البيجو 301 كام
مانوال
اوتو

مانيوال 108 الف
اوتو 124 الف
هاى لاين 136 الف

**edodahab** · 31-12-2013 08:53 PM

الاتنين مش بطالين لكن فيهم مشاكل
الصنى يعيبها التقفيل المصرى و رداءة الخامات و الصاج الضعيف و ممكن تكون من المحظوظين و يطلعلك مشاكل مع الفرامل
البيجو يعيبها التوكيل و قطع الغيار و سعر اعادة البيع دة غير ان فيه ناس اشتكت من الفتيس و العفشة
فى الاخر اركب الاتنين و شوف انت مرتاح لمين اكتر و استخير ربنا و توكل على الله
مفيش عربية بالسعر دة مفيهاش مشاكل

الموضوع: بفكر اشتري صني و بين المدافع و بين المهاجم انا محتاس

LinkBack

أدوات الموضوع

عرض

-

-

-

-

المواضيع المتشابهه

بفكر اشتري مازدا 929

بفكر اشتري bmw

بفكر اشتري مزرعة

بفكر اشتري a113

بفكر اشتري ميجان

الكلمات الدلالية لهذا الموضوع

المفضلات

المفضلات

ضوابط المشاركة