فابيا 2003

**mahmoud sobhy** · 03-01-2014 02:51 PM

شباب ارجو النصيحه
انا متابع جدا للمنتدى بس من بعيد لبعيد واشتركة علشان عايز النصيحة من ناس أمناء ان شاء الله
انا قدامى سكودا فابيا 2003 موتور 1400 انا لسه محطيتش العربية على الكمبيوتر المهم انا قلت اشوفها واركبها بعد كده اوديها لمكنيكى وسمكرى المهم سقتها العربية ثابته وحلوة صاحب العربية قال عامل عافشه جديده فى مصر ب5 الف جنيه والموتور مظبطه بس بصايت على العداد لقيتهه عامل 390 الف كيلو قلقت قلت فى دماغى دى لو اشتريتها هارعف ابيعها ازاى وكمان فى لمبه منورة فى التابلوه epc قالى ده الكمبيوتر وكده يعتبر فيه عطل
مطلوب 43000
ملحوظة اخوكم من اسوان
لو سمحتوا اشترى ولا لأ

**Gelgel2004** · 03-01-2014 03:05 PM

ماشية كتير اوى
افحصها بعناية و خذ بالك انت بكده داخل على صيانة كبيره

**EngAhmedSayed** · 03-01-2014 03:07 PM

المشاركة الأصلية كتبت بواسطة mahmoud sobhy

شباب ارجو النصيحه
انا متابع جدا للمنتدى بس من بعيد لبعيد واشتركة علشان عايز النصيحة من ناس أمناء ان شاء الله
انا قدامى سكودا فابيا 2003 موتور 1400 انا لسه محطيتش العربية على الكمبيوتر المهم انا قلت اشوفها واركبها بعد كده اوديها لمكنيكى وسمكرى المهم سقتها العربية ثابته وحلوة صاحب العربية قال عامل عافشه جديده فى مصر ب5 الف جنيه والموتور مظبطه بس بصايت على العداد لقيتهه عامل 390 الف كيلو قلقت قلت فى دماغى دى لو اشتريتها هارعف ابيعها ازاى وكمان فى لمبه منورة فى التابلوه epc قالى ده الكمبيوتر وكده يعتبر فيه عطل
مطلوب 43000
ملحوظة اخوكم من اسوان
لو سمحتوا اشترى ولا لأ

الاول اهلا بيك و ان شاء الله ربنا هيوفقك
بخصوص الفابيا 2003 ليس عليها اى غبار عربية محترمة و انا معايا 2002 الموتور 1400 سى سى
اما بخصوص شراء العربية
سؤال هنا يطرح نفسه للامتلاكك الفابيا او من عدمه
العربية هتكون معاك فى اسوان على طول و له حضرتك عايش فى القاهرة و اسوانى
علشان لو العربية هتعيش معاك فى اسوان على طول يبقى منصحكش تشتريها هتتعب كتيييير منها لانه ليس اقليم علشان قطع الغيار و الميكانكية مش هيعرفو يشتغلو فيها
اما لو هتشتريها و تقعد فى القاهرة و هتسافر بيها للاسوان اجازة و ترجع فا دة عادى جدااااااا و مرحب بيك من مالكى الفابيا وموضوع epc دة كدة ايرور فى كنترول السيستم و موضوع العداد 390 الف كيلو دة كتيييير بس تتأكد من الحالة و بخصوص السعر 43000 جنية دة سعر مناسب بس بشرط الحالة العامة للعربية
بالتوفيق ان شاء الله

**omaranes77** · 03-01-2014 06:36 PM

هيا ماشية كتيير اوي ممكن تشوف واحدة غيرها

**Amr_Azab** · 03-01-2014 09:24 PM

أكشف علي العربية كمبيوتر وشوف لمبة الـ epc منورة ليه
ولو العربية حالتها تمام وحضرتك مش حتعيش في أسوان
يبقي توكل علي الله السعر مناسب جدا

**EngAhmedSayed** · 03-01-2014 09:34 PM

المشاركة الأصلية كتبت بواسطة mahmoud sobhy

طاب انت لو كنت مكانى واتعرض عليك عربية بالعداد ده تشتريها
وهل انت شوفت ناس اشتريت عربيات ماشية كتير كده
شكرا ليك على الافاده

هقول لحضرتك على حاجة
مدام انتا نويت تشترى مستعمل و حضرتك بتتكلم فى عربية بقالها عشر سنين ماشية يبقى مفيش مشكلة بس هنا شرط الحالة اية
ماهى ممكن العربية تيبقى ماشية مليون كيلو بس بيتعمل صيانتها صح و بتغير قطع الغيار فى موعيدها يبقى اية المشكلة
و ممكن تيبقى ماشية مليون كيلو بردك و بلعب فى العداد و اخليها ماشية 50000 الف و متبهدله يبقى هاجى هقول اشتريت العربية علشان العداد قليل و هى متبهدلة

الموضوع هنا ملهوش مقياس المقياس الحالة العامة للعربية

انا عربيتى فابيا موديل 2002 موتور 1400 سى سى عاملة 290000 كيلو و الناس قالتالى عداد كتييييييير قوووووووى بس حالة العربية كويسة كامتور و اساسيات و عفشة و دواخل و صالون و تبلوه يبقى هنا اللى حكم حالة العربية مش العداد
لو هاخد بالعداد يبقى مثلا موديل 2010 او 2011 او 2012 يبقى هنا ممكن اقول صاحبها مشقيها ليل نهار اما حضرتك بتتكلم فى موديل بقاله 10 سنين

دى وجهة نظرى و لك ان تختار يا صديقى

بالتوفيق ان شاء الله

نسيت تقولى العربية هتكون معاك فى اسوان علشان دة مهم

ربك المستعان